SENESI 25 - 인기 성경 구절

공유

Pea nee ui leva e te Eteleno kia ia: E nofo ni puleaga e lua i tou fatu, pea e mavae anai ni hahai e lua mai tou fatu, o tahi mo ia tana aga, pea e malohi age anai he tahi i te tahi. Pea e faifekau anai te uluaki ki ae e muli.

Pea nee ui leva e Esau kia Sakopo: E au kole atu kia koe ke ke foaki mai kia au he pa lenitili* mai te supa aia ke au kai, koteuhi kua au vaivai osi. Ko te tupuaga aia o te tuku o te higoa o Etome kia Esau.

Nee faikole leva ia Isaake ki te Eteleno o tupu ko tona ohoana, koteuhi nee paa ia ia. Pea nee tali leva tana kole e te Eteleno, pea nee faitama leva tona ohoana ko Lepeka.

Nee tali leva e Esau: Koeni au kua vave mate, kotea te aoga kia au o te pule aena? Nee ui e Sakopo: Fakapapau mai kia au i te aho nei. Pea nee ina fakapapau leva kia ia, pea nee ina fakatau leva tona pule o te uluaki foha kia Sakopo.

Pea nee to ake leva tona tehina, ae nee kukumi e tona nima te mulivae o Esau; pea nee foaki leva kia ia te higoa ko Sakopo. Nee tau onogofulu ia Isaake i te aho ae nee na tupu ai.

Nee ofa ia Isaake kia Esau, koteuhi nee kai mau ia ia ki te u manu ae nee ina kapu; kae nee ofa ia Lepeka kia Sakopo.