AEMAARIS PAK 1 - 인기 성경 구절

공유

Allah Jip tara aemomemtetertan, tanom ateman batam fiak pak aemomemtetertemakam. Tararawa, deatakam Yerusalem oweam, Yudea tapirmi owe takesam, Samaria oweam, me wan samaniin samaniin takesam, akoretamtemakam.” Yesus emes atakam aesimen.

Yesus arawa, “Ara pakiin pakiin Deritipit ban ten taka are. Emesare Armat Ipit ara pakiin pakiin bare, atakam amba asakamtiie. Ere tamsam pak apok.

Yesusam era owe takan ajarisiemes, wanam atakam asakamtamen. “Tare Yerusalem beken bajie bas. Deritipit ataaji aee atakam bandae, banamek apeapay. Denom ara atakam tare etekoretamo. Yohanes, owe bwi akupimtaere. Bare arke apok ere, Allah Jip tara akupimtamteterteman.” Yesus emes atakam aesimen.

Bonak ere, Yesus ajiriseme, wanam owe bipu jatiaptam aoememen. Are jinim bae pak tanane era owe basonak aporomtamen. Erarawa owe Armat Ipit ajaorwasite atakam, atakamnak aporesen. Bare 40 Are owe bipu ajateoma ajaie, wanam Allah owe aobaomep atakam akoren.

Armat Ipit emes atakam akorerawa, Allah, Armat Ipit Surga oup atoomtemeten. Era oweam banamek asiromesen. Erarawa, wonamo oup jisewonam Yesus apurimomtuken. Era owe Yesus booopor apoken.

Yesus aesoserawa, era owe banamek oup apeomesen. Erarawa, jipit amnuk kain fasar aptam era owepu ameteemememisen. Era ipit amnukam atakam akoreemisen. “Ara aememmmakam Galilea owee! Tare banamek oup apa sirommakam? Allah Yesus tawaut Surga oup atoomtemetar. Yesusam, aofasiendaetem. Tare ara apormakam tamen taka are.” Emes atakam aesimemisen.