Yohanes 3 - 인기 성경 구절

공유

Tandana käyyäng pa'kalemunna Puang Alataala pano di to lino, lambi' umbeho Änä' samboana, anna malai ingkänna tau ang mampetahpa' pano dai la tallang, ampo' la ullambi' katuhoang sapano-panona.

Aka' nasuhung Puang Alataala unsuo Änä'na mentama inde di lino, dianto dai sule untahungkung inde to lino, ampo' sule mampasalama'.

Natimba'mi Puang Yesus naoaintee, ”Kutula'ingko setonganna dai aha moi poro la mesa tau ang la mala mentama di Kapahentaanna Puang Alataala ke dai dipadahi sala.”

Ingkänna tau ang mampetahpa' pano daine' la ditahungkung, ampo' menna-menna ang dai mampetahpa' setonganna mellaonne' tahungkunna Puang Alataala yaling di katuhoanna aka' dai naaku mampetahpa' pano di Änä' samboana.

Yato tahungkunna Puang Alataala noa indee: tandaammi katahpa'anna Puang Alataala yaling inde di lino sihapang kamabayaang, ampo' nakärä'i puhane' to lino tontong yaling di kamalillingang aka' pemala lolo sika umbabe kakarakeang.

Inde ang kupasihapang muane ang la kabeng, Dianto ang la pahallu tuhtuang dipakeangka', ampo' kodi' pahallumä' ko tuhtuang dai dipakeangka'.

Aka' tau ang si membabe karake ungkahi'di'ete' nei' kamabayaang. Dai naaku ullumba yato kamabayaang aka' pemala tontong tibuni pembabe karakena.

Dahi menna ang mampetahpa' pano di Puang Yesus la ullambi' katuhoang sapano-panona, ampo' tau ang dai mantahimbo daine' la ullambi' katuhoang, supung tahungkunna Puang Alataala ang la nalambi'.”

Umba napanoa Musa umpake'de' mesa ahhi anna napampadai'i yato ile ang natampa naonge di haoi di ongeang makä'däng, ya' la noa tuntone' Kodi' Änä' to Lino pahallu touä' Ko dipadai'

Puang Alataala ang tapoambe ungkalemui si'da-si'da Änä'na anna puhang nabehoing ingkänna kakuasaanna pano.