LUKAS 8 - 인기 성경 구절

공유

Wini do bunu pa worai do wwau bahha ne, mii ddau do dhanno do tenae ne lii do napoanne, jhe takke pa dhara ade ro do woie jhe do mola do mira ne. Do makka tee nga wangnge ro tade nara ro ta wie ne wila nga wue.”

Wini do bunu pa ro'a koo nga huki he, mii ddau-ddau do dhanno ma ne lii do naanne, tapulara do kepapi ne muri mada ro, jhe dhai ta muri mada nga keruka-kerakki nga mengallu dhara pa raiwawa do nadhe. Hari-hari ne na harre do hengappe pekewowe ro, hakku nara dho ke ta era nga wue nga wila.

Wini do bunu pa era do wowadu-wadu ne, mii ddau-ddau do ki pa dhara nga dhanno ko ri ro ne lii do naanne, do hamme ko ma ri ro nga mengallu nge nga kehaka dhara. Tapulara dhai dho ta meramma ne lii do naanne pa dhara ade ro. Ne parahajha ro pa dhara hemelila he we, jhe kinga dakka ke ruhakku, do henginga dhangnge ke ro ne naja-anni.

Moko ta lii ke Yesus pa ana hekola No he, ”Tanga mu hakku do dho parahajha nga Ya?” Ta madalae ke ro jhe meda'u. Ta lii ke ro heddau pa heddau, ”Nadu ke No dhe ne pa petu dhe, hakku ki dhai No ta pereda pa kolo nawa nga raga-opo, moko ta i'a pedutu he we!”

Wini do bunu pa rujhara ne, hala dho ke mii ddau-ddau do dhanno ne lipedai Deo ne. Tapulara dakka wango la rabe ne lii do naanne ngati dhara ade ro, mita ie ro ta do dho parahajha, jhe hari lema mita do dho hamme ri ro ne lua helama ne.

Bhule dho hahhi lai do penite do dho medae ta ngadde; jhe do dho bhule hahhi lai do wowuni do dho medae ta megalle la dhida jhe do dho medae ta do dho toi.

Ta toi ke ri mobanni do naanne, ta ne wui-ai no do naanne, do toi ke ri ddau. Hakku ta dakka ke no nga ke rijhi-keraggu, jhe la mejura pa hedhapa Yesus. Moko ta pedhire ke ri no pa hedhapa ddau he hari-hari, ta nga hakku baro Yesus ri no, jhe mina mii ne ie dhangnge no pa dhara awe do naanne. Ta lii ke Yesus pa mobanni do naanne, ”Ana Ya, taga tari do parahajha ke au pa Ya, ie ke au. Bhale we au nga helama tona ie.”

Ta kako ke ne ana hekola he la peree Yesus. Ta lii ke ro, ”Ama Guru, ihilaka ke di!” Ta kaddhi ke Yesus, jhe jhege ri No ne raga nga opo ne nga kolo nawa do mina harre ne worawwu kehabbha ne. Ta pengaha dhangnge ke ne kolo nawa nga raga nga opo ne, ta milu tu-tu ke ne eilobo ne.