مرقس 9 - 인기 성경 구절

공유

یِسُوع اوہنوں آکھیا۔ جے تُوں کر سکنا ایں؟ اِیمان لیان والے لئی تے سبھ کُجھ ہوسکدا اے۔

اوس مُنڈے دے پئیو نے اونویں اُچّی اواز نال آکھیا۔ مَیں اِیمان لیاؤنا واں۔ میرے اِیمان دے گھاٹے دا علاج کر۔

تے جد اوہ گھر وِچ آیا۔ اوہدے شاگِرداں نیں وَکھ ہو کے اوہدے اگّے عرض کِیتی۔ پئی اسی اوہنوں کیوں نا کڈھ سکے۔ اوس اوہناں نُوں آکھیا۔ ایہہ قِسم دُعا بِناں کِسے ہور طرح نئیں نِکل سکدی۔

لُون چنگی شے اے۔ پر جیکر لُون بے سوادا ہو جائے تے کاہدے نال اوہنوں مزیدار کرو گے؟ سو اپنے وِچ لُون رکھو تے آپو وِچ مِلے رہو۔

جو کوئی میرے ناں کر کے ایہو جیہے بالاں وِچوں اِک نُوں قبول کر دا اے۔ سو مَینُوں قبول کر دا اے۔ تاں جو کوئی مَینُوں قبول کر دا اے۔ سو مَینُوں نئیں پر اوہنوں جِس مَینُوں گھلّیا قبول کر دا اے۔

کیوں جو جیہڑا اِک کٹورا پانی تُہانوں پِیا دے ایس کر کے پئی تُسی مسِیح دے اوہ۔ مَیں تُہانوں سَچ آکھنا آں۔ پئی اوہ اپنا پَھل پائے بِناں کدی نا رہے گا۔

تے جے کوئی ایہناں نِکّیاں وِچوں جیہڑے میرے اُتّے اِیمان لیاؤندے نیں اِک نُوں ٹھوکر کھوائے۔ اوہدے لئی ایہہ چَنگا سی پئی چکّی دا پُڑ اوہدے گلّ وِچ پایا جاندا تے اوہ سمُندر وِچ سُٹّیا جاندا۔

تے جے تیری اَکھ تینُوں ٹھوکر کھوائے۔ تے اوہنوں کڈھ سُٹ۔ خُدا دی بادشاہی وِچ کانیاں ہو کے وڑنا تیرے لئی ایہدے نالوں چَنگا اے پئی دو اَکھّیاں ہوندیاں جہنّم وِچ سُٹّیا جائیں۔