Gyenesis 27 - 인기 성경 구절

공유

Na Nyankopɔn mma wo sor bɔsu bi, Nye asaase ne seradze bi, Nye eburow nye nsa pii: Aman nsom wo, Na amanaman nkotow wo: Yɛ wo nuanom do wura, Na wo na mba nkotow wo: Ndom nka hɔn a wɔdom wo nyinara, Na nhyira nka hɔn a wohyira wo nyinara.

Na Esau see dɛ, Ana ɔno wɔmmfrɛ no Jakob bi? Iyi ka ho a oedzi me emim mpɛn ebien: ɔagye me panyin; na, hwɛ, afei ɔagye me nhyira. Na obisaa dɛ, Ana enngyaa me nhyira biara?

Na n’egya Isaak buae na ɔsee no dɛ, Hwɛ, mbrɛ asaase a seradze nnyi no na ɔbɛyɛ wo tsenabea, Na mbrɛ ɔsor ɔbɔsu yɛ hɔ na; Na edze w’afona bɛtsena ase, na ebɔsom wo nua; Na ɔbɛba dɛ sɛ egye woho a, ɔno ibeyi no kɔndua wɔ wo kɔn ho.

Na Esau bisaa n’egya dɛ, Aso nhyira kor pɛ na ewɔ, m’egya? Hyira mo so, mo so bi, ao m’egya. Na Esau maa ne ndze do na osui.