John 1 - 인기 성경 구절

공유

Tùse tamù'nawolon kon kappon yamùk tanùnnài nan nùssan, molopai tesek pàk ailon tawonnan nùssan lepappù ya apàikkek ke Katù munkà yamùk pe tok wenatoppe.

Iwepyattà pe Mayin wechippù màlà, molopai Mayin wechippù Katù piyau, molopai Mayin wechippù Katù pe.

Màlà akkwa ulenpamùppù ewalupàttau, tùse ewalupà uya yà'nùpù pùla wechippù.

Mayin wenappù màlà kappon pe, kùklottau'nokon iwemapùppù. Ailon, wakù pe iwettok yeneppù ina uya, mùkkàlà neken tewinan yapulàtok, iyàssak lùppù tùkàipùnù winàpai wakù pe tùwettok molopai ailon pokonpe.

Mùkkàlà yai tamù'nawolon wekonekappù. Yà'làlà mùkkàlà pokonpe pùla ikonekasak pùn ikonekasak kùlottau. Mayin yau wema'nàtok wechippù molopai sàlà wema'nàtok uya akkwa nepùppù kappon yamùk weyuttànài pe.

Iwemassak yau John uya Jesus uyàpù tùpyak yeneppù. “Masa yentàk kon! Katù winàpaino mùkkàlà kalinilu mule sàlà wolù yawon kon kappon yamùk makuyi mokkanài.

Mayin wechippù màlà wolù po, mùkkàlà yai wolù wekonekappù, tùse wolù uya ittu pùla iwechippù. Tùnkonekappù wolù pona iyàpùppù màlà, tùtonpa yamùk kùlottak, tùse itonpa yamùk uya yanùmù pùla iwechippù.

Sàlà wechippù màlà ailon kulu akkwa, sàlà non pona tùuyàssen, tamù'nawolon kon kappon yamùk weyuttàik.

Katù uya Law tùlùppù màlà Moses yai, tùse wakù pe iwettok molopai ailon uyàpùppù màlà Jesus Christ yai.