Luka 12 - 인기 성경 구절

공유

Nohobene, nenu liwahishilenu, ndaba Mwana Muntu ukeza ha shikati shiya mu kubula kulimuka.”

Ngoboni shingenu Wene wa Nyambi, pe ebye nimwabyo ukamipanabyo.

Niho ambile kukwabo ngayi, “Keyenu, hinga mwikala na mutongo, ndaba wumi wa muntu kaliha wekala mu byuma byabingi biya alinabyo.”

Ndaba oku kuli wuheti wobe na mutima wobe kami niko uli.

Yani kukwenu ukutwesha kuwezelela shashishe ku wumi wendi ndaba ya kulikekula?

Niho Yeshu ambile ku bandongesha bendi ngayi, “Nohobene nikumitongweza ngayi, hinga mulikekula ndaba ya wumi wenu ngayi mukalya bishini, hinge ndaba ya lutu lwenu ngayi mukavwala bishini.

Hinge huki za ku mitwe yenu zinalabiwi nimwazo. Nohobene hinga mutina, muli kumbili kupitakana tuntungisha twatwingi.

“Hinga mutina, enu likunge lyalishe, ndaba Tatiyenu nawahilili ngayi amipanike Wene.

Hanganikenu makwangala, kaliha akubanga hinge kuteza, kami kaliha ekala na litala lya kukongela hinge shishete, ngoboni Nyambi niye wawalishanga. Enu munapitakana shikuma tuyoni.

“Nohobene hinga mulikekula shikati nimwasho hanebye mukalya nanebye mukanwa.

Haya ndi Nyambi ukuvwika nahiyo mwila wa mu lishaka, owe uliko lelo, nzona hiwukuyumbiwila mu liziko, kati ukubula kumivwalika byabingi ndi? Enu bakakukulupila kwakushe!

Kowa sha kufwika shikabula kufwikuluka, hinge sha kuholeka shikabula kulimukiwa.