Luka 9 - 인기 성경 구절

공유

Wambile kukwabo nimwabo ngayi, “Muntu nimwendi ukushinga kunkonka, alihupwize niye mwine, ashimbe shishempakano shendi ha mutena ha mutena, pe ankonke.

Ndaba nimwendi ukushinga kupulwisha wumi wendi ukawuyongesha, ngoboni nimwendi ukuyongesha wumi wendi ndaba yami ukaupulwisha.

Yeshu wambile kukwendi ngayi, “Kowa muntu unakwata ku shikekele unakulima, pe ha ku shetuka kunyima ku fwanina mu Wene wa Nyambi wufwako.”

Kati muntu ukuwanaho bihi ndi ukuheta byuma nimwabyo bya mu kaye ngoboni ha kuliyongesha hinge kulizimba niye mwine?

Ndaba nimwendi ukanyuvwila lisheni na mazu wami, Mwana Muntu ukamuyuvwila lisheni oho akeza mu wuwahe wendi na mu wuwahe wa Tate na wa mangeloyi akuyela.

Yeshu wakumbwile ngayi, “Bamimbwe bali na mateke na tuyoni tuli na mahwa, ngoboni Mwana Muntu wufwaho ha kuhamina mutwe wendi.”

Niho ambile kukwabo ngayi, “Ou nimwendi ukatambula kanuke ou mu lizina lyami natambulu ami. Kami ou nimwendi unatambulu ami natambulu ou wantumine, ndaba ou ukwinga wamushe shikuma kukwenu nimwenu, niye ukenga wamunene.”