Smnlean 13 - 인기 성경 구절

공유

Kana dxeral qtaan su we, bege mu isu ma laqi ltlutuc su ani betaq knuwan ka kiya.

Bobo wada mlatac Abram ka Lot de, rmengo Abram ka Utux Tmninun: “Isu ge, pyahani peeyah gaga su niqan, pdai doriq su psquri nklaan hido, pryaxan hido, quri hunac ma daya dmeeda su.

Pntnaun mu so bengux bnaquy dxeral prana lqlaqi ltlutuc su. Netun niqan ka seediq dehuk smepu bengux bnaquy dxeral nii de, kiya ka mpdehuk smepu laqi ltlutuc su.

Rmengo Lot ka Abram: “Isu ma yaku we iya ta pkeekan kari. Mtabu su ma mtabu mu we iya pkeekan kari uri. Ado ita we 1 ta sapah ka ita.

Kiya de theruy kobu na ka Abram, mosa dehuk Xebron ga niqan qhuni raus Mamre de, smmalu spuhan Utux Tmninun hiya ka heya.

Posa baro doriq na ka Lot, taan na kana ka breenux yayung Yarden betaq Coar we dxeral mttuku bale hrean qsiya. Berah ini sliqi Utux Tmninun ka Sedom ma Amorah ciida han we, mntena so qnlangan Utux Tmninun ka dxeral kiya ma, mntena so dxeral Micrayim uri.