متى 10 - 인기 성경 구절

공유

نش اَقَا سّكِّيغ-كنِّيو اَمشْنَاو يحُوْڒِيْين جَار وُوْشَّانن. إِڒِيم ثْفَاقم اَمشْنَاو يفِيغرَان، إِڒِيم ذ نِّيّث اَمشْنَاو يذْبِيرن.

ونِّي غَا يربْحن ثُوْذَارْث نّس، أَتَاف أَت يخْسَر. ونِّي غَا يخْسَرن ثُوْذَارْث نّس خ سَّبَاب ينُو، أَتَاف أَت يرْبح.

وَار تݣّوْذث شَا زݣ يِنِّي ينقّن دَّات وَار زمَّرن اَذ نْغن ؤُڒَا ذ ڒَعْمَر؛ لَّا، ݣّْوْذث زِي أَربِّـي يعْنِي ونِّي يزمَّرن اَذ يدمَّر دَّات ذ ڒَعْمَر ذِي جَهنَّمَا.

ونِّي يتَاݣِين اَذ ييْسِي صَّلِيب نّس اَذَايِي يذْفَار نش، أَتَاف وَار ذَايِي يسْذِيهدْج شَا.

ونِّي زَّايِي غَا يشهْذن نش زَّاث إِ يِوْذَان، أَتَاف اَزَّايس شهْذغ نش زَّاث إِ بَابَا يدْجَان ذݣ وجنَّا. ونِّي ذَايِي غَا ينْكَرن زَّاث إِ يِوْذَان، أَتَاف اَث نْكَرغ نش زَّاث إِ بَابَا يدْجَان ذݣ وجنَّا.

سْݣنْفَام يمهْڒَاش، سْفَاقم-د يِنِّي يمُّوْثن، سِيصْفَام يِنِّي إِݣ يدْجَا جْذَام، سُوْفْغم جْنُوْن. مَانَايَا يمُّوْش-اَوم بَاطڒ، ؤُڒَا ذ كنِّيو ؤُشم-ث بَاطڒ!

وَار تݣّْوْذم شَا. كنِّيو ثْسݣّْوَام كْتَار س وَاطَّاس خ يزَاوْجِيون.

وَار تْفكَّرم شَا بلِّي ؤُسِيغ-د اَذ ݣّغ ڒهْنَا ذِي دُّنشْت-أَ. وَار د ؤُسِيغ شَا اَذ ݣّغ ڒهْنَا؛ لَّا، ؤُسِيغ-د اَذ ݣّغ اَمنْغِي.