Panagnaan 3 - 인기 성경 구절

공유

Na ni lilingan danda looy, kagak-gāk inandaꞌ poon kayu looy maka buwaꞌ na bantuk mahap lassa na bong kinakan. Sarī gi, doman ya koleꞌ pangahati lawom bong ya bay kakakan. Dari siꞌ ilooy ma lay du ya ngattuꞌ boꞌ na mangan. Pag-anu, lay gi buwanan na lla na sampay lay du mangan.

Na ni mimon sattuwa tawun ma bay pinapayak meꞌ Tuhan, yaꞌ luu bay akkahan labi man sō. Dari disu llaw, lai sō looy pa mman danda looy, yuk na, “Bana kilay lay kam binandaan leꞌ Tuhan yaꞌ nohoꞌ mangan buwaꞌ oy-oy jaꞌ kayu ni tinanom tuu?”

Lagiꞌ na, pagsikagigit ta na sina kam ka danda tuu sampay na siga panubuꞌ bi sikaduwa. Sugaꞌ luu du sina mintu disu panubuꞌ danda tuu maā kau. Bbuwatan nu ina mintu ninduk tikod na, sugaꞌ pinipis du sina meꞌ na kōk nu.”

Yuk Tuhan na baw ni danda looy, “Kuwan kau, sabapan dusa nu, sumpaꞌ njataꞌ nu, kabisahan jaꞌ sina ko tuktuk nu maddi. Sugaꞌ masi du ko sina mintu doman ubay ka lla nu. Maka pinagbayaan ko meꞌ lla nu.”

Basta yaꞌ na sina ko koleꞌ balanjaꞌ bong yaꞌ doꞌ bay pingkaꞌ tumpa songot nu paeka ngabut sampay ko llabbong. Bay ko pinapayak ka tanaꞌ. Bbos-bbos padari tanaꞌ du sina ko pabalik.”

Pag-anu, yuk Tuhan na baw ni lalla looy, “Pagka lay jaꞌ ko kuhi tagayu meꞌ nda nu nohoꞌ mangan buwaꞌ kayu looy ma bay tinagga meꞌ ku, sumpaan ku na sina tanaꞌ sabapan nu. Labba man batnaa, halloman nu llum, malasahi sina ko miha balanjaꞌ.

Yuk Tuhan, “Pooy baw tu meꞌ nu kasayu ga nantang ko? Lay na kina ko kakakan buwaꞌ kayu looy ma bay bandaan ku yaꞌ nohoꞌ kinakan?”

Lay jaꞌ siꞌ sila pinōꞌ, lay na baw Tuhan ngannaꞌ siga tukang nganjaga lakka man sulgaꞌ inawnan Serabim ndooy ni Eden huwin pa mataallaw. Maka luu gi bay inannaꞌ ndooy meꞌ Tuhan kataliꞌ apihan noleyab maglabaran pa dambilaꞌ pa dambilaꞌ. Kon meꞌ looy supaya yaꞌ na luu kapilay pa poon kayu looy ma kabuwan kaallum saumu-umu buwaꞌ na.

Na awon lalla looy siꞌ yana si Adam. Kuwan nda na, lay awnan na si Hawa. Hatiyan awon na ilay, “llum,” batan iya na silay bboꞌ sikamimon manusiyaꞌ.