Dmak 5 - 인기 성경 구절

공유

Paca'of sa ci Pitiro ato romaroma a tarokos a somowal, <<Caay ka ^ca o tatooren niyam ko sowal no Kawas. Caay ko tatooren niyam ko sowal no tamdaw.

Saka, ano i Fangcalay Pita'onganto, ano i lomaloma'anto i, mararid cangra to romi'ami'ad a mipasifana', mipatnak to nika o Kristo ci Yis.

Nikawrira, pasowal sa ci Pitiro, <<Ananiyasaw, nawiro hai sa kiso a papisafana'en ni Satan ko faloco' iso a papisamangah to Fangcalay 'Adingo a miala a palanotireng to pinapina no 'aca noya omah saw? Yo caho ka pacakayen iso koya omah i, o no misoto. Yo mapacakay no miso koya omah i, o no misoto a todong koya 'aca. Nawiro misafaloco' kiso to matiniay a dmak saw? Caay ko tamdaw ko nisamangahan iso. O Kawas ko nisamangahan iso,>> han ningra. Mitngil ci Ananiyas tonini a sowal i, polin sato a mapatay. Matngil no tamdamdaw konini a dmak i, tata'ang ko talaw nangra.

Orasaka, sowalen ako kamo i matini, Akato pikihar tonini a tamdaw. Pakonira han cangra. Ano o no tamdawan a nisafaloco'an konini a dmak i, o mamalasawadto. Nikawrira, ano nai Kawasay konini a dmak i, caay ko mamafilo namo a mipalasawad konini a dmak nangra. Ano haenen namo i, latek o pacoliay kamo to Kawas,>> han ningra. Saka, layap hanto no lomaocay ko sowal ni Kamalil.