Jɔn 16 - 인기 성경 구절

공유

Amo tage wonnu tento a bere abam se ko pa á na bochare-zuru mo, á na me de amo to ŋwaane. Logo baŋa ne á wó na yaara. Nam ta‑á jege-na pu-dɛa. Amo maŋe a wane logo kom baŋa maama.”

Ko daare Wɛ Sin-laao kom ye chega tu mo. O ná tua, o laam wó pa se á ba á lɔre chega kam maama. Ko nam dae o tete nyem mo o lage o ŋɔɔne. O wó ŋɔɔne kolo o na nigi Wɛ tei ne to mo, o ma daare o ta wonnu telo na lage te ba to o bere abam.

De leile konto de, á maŋe á ta wo lwoori kolokolo amo yere ŋwaane. Nam lwoori-na, se á wó na, se ko pa abam wopwolo kom tiini ko gaale.

Ko daare a laam tɛ abam chega mo we, amo ná viiri, ko wó taa lana ko pa abam. Kolo ŋwaane amo ná wo viiri, Zeinnu wom bá ba abam tei. Amo nam ná viiri, a laam wó toŋe‑o se o ba abam tei. O nam ná tua, o wó pa logo baŋa nɔɔna lɔre we ba tusi mo wɛleera keim seeni, de Wɛ chega kam seeni, de Wɛ borem dem seeni.

Ko nam ye konto mo de abam de. Leile konto á jege lwia. Amo nam daa wó jwoori a na abam pa se á tiini á di ywoni, ye nɔɔn-nɔɔno daa bá wane o chɔge á wopwolo kom konto. Dɛ dem konto ná yia, abam bá bwei kolokolo amo tei ne. A tɛ abam chega ŋwaane to, amo Kwo wom wó pa abam kolo maama abam na wó lwoori amo yere ŋwaane to.

A tɛ abam chega ŋwaane to, abam wó ba á keeri dedɛ wo-chechɔgɔ ŋwaane. Ko daare logo baŋa nɔɔna bam wó taa jege wopwolo. Abam wo maa wó chɔge, ye á wo-chechɔgɔ kom laam wó pipiri ko ji wopwolo.