Luka 6 - 인기 성경 구절

공유

Ta‑á pa-na nɔɔna wolim, se Wɛ wó woli abam de konto. Wɛ wó pa á na wolim lanyerane, ne ba na kwei bɔŋa ba maŋe ba vuuri ka ni ye ka siiri to. Abam na ke á dwonna tei to, Wɛ wó ke abam de konto se ko taa mae daane.”

Nɔn-ŋom wó taa jege wo-laaro mo o boboŋa ne pa se o jege-te o ŋɔɔna. Ko daare nɔn-balɔrɔ wó taa jege wo-balwaaro mo o boboŋa ne pa se o jege tento o ŋɔɔna. Nɔɔno na jege kolo maama ko su o boboŋa to mo wó siiri o ni taane wone.

Abam nam jege se á ta‑á swoi á dona, ye á ta‑á ke-ba lanyerane. Abam nam ta‑á jene sabu á pa nɔɔna, ye á yage teenem. Yuu-tu Baŋa Wɛ mo yeini o zeini banegero nyena de puseŋ-nyena mo. Á ná yeini á ke konto dwoŋi, á wó na nyɔɔre dedɛ Wɛ tei ne, de á na bere we á ye o bia tei to.

Ta‑á duri-na nɔɔna ŋwaŋa, ne á Kwo Wɛ na ye tei to.

Abam nam yé zaŋe á ŋɔɔne á dwonna taane, se á yé pa Wɛ ŋɔɔne abam de taane. Yé ta‑á jege-na nɔɔna á yaala, se á yé pa Wɛ yaale abam de. Nam yage-na á ma chɛ á dwonna, se Wɛ laam wó yage abam de wɛleera o ma chɛ abam.

Yezu daa ma ta o we, “Abam balo na cheigi-ne to nam nii-na. Ta‑á swoi á dona. Ta‑á ke balo na chuli abam to lanyerane. Ko ná ye balo na sɔɔle ba chɔge abam to, se á swɛ ba swolim. Lwoori-na Wɛ á pa balo na jege abam ba twea to.

Nam ta‑á ke-na á dwonna lanyerane, se ko maŋe de á na lage se banto taa ke abam tei to.

Nɔɔno ná lɔge nmo popɔŋɔ, se n guni kodwoŋi kom se o daa lɔ. Nɔɔno ná vere nmo gare-bwora o ja viiri, se n pa‑o chwoŋa se o kwei n gare-bu o woli da. Nɔɔno wolo maama ná lwoori woŋo nmo tei ne, se n pa‑o. Nɔɔno ná kwei nmo woŋo o ja viiri, yé bwei ko bwia se n jwoŋi.

Nɔɔno kikia wó pa á lɔre o na seene o ye tei to. Tei-ŋoŋo tera ko na wó lei bu-kokwaaro. Tei-jawona nam tera ko na wó lei bu-ŋona.

Abam ná lage se á lɔre tio maama na ye kolo to, á wó ma ko bia mo á lɔre. Nmo bá‑n na mɔɔro sabara yuu ne, naa n na swa kaligwoŋo o kuri ne n twɛ.