Luka 8 - 인기 성경 구절

공유

Men-dwa yalo nam na to te-ŋoŋa jei sem ne to bere balo na ni Wɛ taane dem, ye ba jwoŋi-de lanyerane ba ke ba bochara ne to. Banto mo jege boboŋ-laaro ye ba vɔ ba wo de Wɛ chega kam tɔgem. Wɛ taane dem ma ja kuri de pa-ba, ne mena yalo na ke bia dedɛ to.”

Men-dwa yalo na to sabare sem wone to maa bere nɔɔna balo na ni Wɛ taane dem, ye ba zaŋe ba to chwoŋa ne ba maa kɛa. Ba maa jege lwia de ba ŋwea wonnu, ye sabu-laga de logo baŋa ywoni chɔge ba boboŋa, ne sabare sem na jujugi mena yam tei to. Banto boboŋa daa bá kweere de Wɛ chega kam tɔgem.

Yalo na to kandwa yuu ne to maa nye de nɔɔna balo na ni Wɛ taane dem, ye ba jwoŋi-de de wopwolo. Taane dem maa wo tiini de zo ba boboŋa, ye ko ná ke fenfee, ba daa ba sɛa. Cham maŋa ná yia, ba laam wó kwei ba yage mo.

O ma bwei o kwaga tɔgena bam o we, “Bɛ mo ye á ba jege wo-dedoa de amo?” Foone ma ja-ba, ye ko ke-ba yaau. Ba ma bwei daane ba we, “Wonto nam ye wɔ mo? O bage vio kom de na bam ye te sɛ o ni.”

Yalo na to chwoŋa kam ni ne to nye de nɔɔna balo na ni Wɛ taane dem, ye setaana pɛ laam ba o chaale-de pa de wo zo ba boboŋa. O ke konto se ba yé sɛ Wɛ ni se o jwoŋi-ba.

Wɛ chega kalo maama zem na seigi nɔɔna tei ne to wó ba ka lɔre ja mo. Kolo maama zem na pugi to wó puri mo, se nɔɔna lɔre ko kuri na ye tei.

Kaane wom ma lɔre we o bá lu. Foone maa jege‑o ye o yera sae. O ma vo Yezu tei o tiiri tega ne o yiga ne. O ma ta ded‑o kolo maama na pɛ se o dwei‑o konto to, de o na nɛ yazura bedwe baŋa ne tei to. Kɔgɔ kom maama ma ni o na tage kolo to. Yezu laam ma ta ded‑o o we, “A bukɔ, nmo na ke n wo-dedoa de amo tei to mo pɛ se n na yazura. Véi, se Wɛ wó pa‑m yazura.”

Ba ma vo ba dwei Yezu pa o zaŋe, ye ba we, “Dé Tu, nii, dé lage de nyɔ na dé te.” O laam ma zaŋe wɛɛne ye o daare o bage vio kom de na bam we, te yage! Vio kom laam ma yage, ye na bam de maŋe da chemm.