லூக்கா 8 - 인기 성경 구절

공유

சொக்கட் தாமுனும் பொடெ வித்துளுக் நிகர்கன் ஸேஸ்தெனு தேவுகெ வத்தாக் நிகொகன் அய்கி, நீதி நியாவ்கன் ஜிவி விஸ்வாஸும் தீ⁴ர்குகன் நிள்சி ரீ: ப²லன் தேன்.

க²டா தாமுனும் பொடெ வித்துளுக் நிகர்கன் ஸேஸ்தெனு தேவுகெ வத்தானுக் அய்கன். ஹொயெதி எல்லெ ஜிவ்னமுக் தெ⁴ரெ விசார்கின், ஐஸ்வர்யமுகெ ஆஸெ தெங்கொ தெஸ்கரியஹால் தெனு ப²லன் தேனான்.

தெய்டா தாமுனும் பொடெ வித்துளுக் நிகர்கன் ஸேஸ்தெனு தேவுகெ வத்தாக் ஸொந்தோஷ்கன் அய்கன். ஹொயெதி தெனு மூள் நீ:ஸ்தெனு. ருவ்வொ தின்னு நொம்கெகன் ரீ: ஸோதன காலும் பஸ்கட் ஜேடன்.

ஏசு தெங்கொ ஸீ, “தும்கொ விஸ்வாஸ் நீ:கீ?’’ மெனி புஸ்யாஸ். சிஷ்யான் ஜுகு தக்கி ஆச்சர்யம் பொடி, “எனு கிஸான்தெனுகீ? வராக்கின் ஸெந்துருக் ஆக்³ஞொ தகராஸ்! தெல்லெ மெளி எங்கொ வத்தானுக் அண்கரெஸ்னா’’ மெனி தெங்காம் வத்தொ கெல்லியாஸ்.

வாடும் பொடெ வித்துளுக் நிகர்கன் ஸேஸ்தெனு தேவுகெ வத்தாக் அய்கன். ஹொயெதி தெனு தேவ்ஜோள் நொம்கெ தொவி ரக்ஷண் பொந்துனாஸ்ததானுக் பிஸாஸு தேவுகெ வத்தானுக் தெங்கொ ஹிருதயம்ரீ: ஹெடி தய்தய்.

“பராட் களானாஸ்த ரகசியம் கொன்னி நீ: பராட் அவ்னாஸ்தக் ஜ²கய் ஸேஸ்தெ கொன்னி நீ

தெப்பொ தெல்லெ பெய்ல்மெனிக் அபுல்நு அங்குன் லிக்கிலி ரா:ன் முஸுனா மெனஸ்த களைளி ஜுகு தக்கி ஒண்கிலேத் அவி, ஏசுகெ பாய்ஞ்னும் பொடி ஏசுக் ஹாத் தெ⁴ரெ காரணொகின், த்யெகெ⁴டிம் அபுல்நு பரொ ஹொயெ விவர் அஸ்கினா வெதுர் ஸங்கிஸ். ஏசு தெகொ ஸீ, “அம்மானு, தைர்யம்கன் ரா: துரெ விஸ்வாஸ் தொகொ பரொ கெரெஸ். ஸமதான்கன் ஜா’’ மெனி ஸங்க்யாஸ்.

தெனு ஏசுஜோள், “அய்யானு, அய்யானு, அமி மொஜ்ஜன்ஸோன் ஸே’’ மெனி தெங்கொ ஹுடட்யாஸ். ஏசு ஹுடி வராக்கின் ஸெந்துருக் பவாட் தக்யாஸ். ஸெந்துர் நிஸப்து³ ஹொயெஸ்.