ལུ་ཀ། 18 - 인기 성경 구절

공유

ཉི་རོག་ཏེ་བ་ཀ་ སེམས་མ་ཤི་ལཱན་ ཧ་ལ་རང་གི་ནེ་བུ་ སྨོན་ལམ་ཏ་པེ་ ཁེ་ཝ་ཀོར་གེ་ ཡི་ཤུ་གི་ རོ་ཀ་སློ་མ་བ་ཀ་ དཔེ་གཏམ་ཐུར་གསུངས་མ༌ལ།

དཀོན་མཆོག་གི་ སི་ཁཱན་བ་ཀི་ ངམ་བི་ནང་མ་ཝ་གེབ་ཉི་ སྐྱབས་གཟིགས་ཅོ་ཨ་ཉི་ ཞུ་ལ་ཀབ་ཉི་ དཀོན་མཆོག་གི་ སྐྱིད་སྡུག་མ་གཟིགས་པ་སྨོ། ཧང་ རོ་ཀི་ རོག་ཏེ་བ་ཀ་ སྐྱིད་སྡུག་མ་གཟིགས་པཱན་ བཞུགས་པེ་སྨོ། ཇི་གི་ ན་ཧ་ཡེག་པེ་ དོ་ཟོ་རང་ རོ་ཀི་ རོག་ཏེ་བ་ཀ་ སྐྱིད་སྡུག་གཟིགས༌པེ། ཧང་རང་གི་ནེ་བུ་ སོ་ངོ་ག་ཟ་ ལོག་པེ་གང་ཀ་ འཛམ་གླིང་ག་ དད་པ་ཨ་ཁཱན་ ཁྲབ་ཏུ་སྨོ་དག༌ཉི༎

རོ་ཀི་གསུངས་མ་ལ་ སོ་ངོ་གི་ ཨ་ལེ་མར་ཁཱན་ཤོ་ དཀོན་མཆོག་གི་ མཛད་པེ་རེ་བེ་དག༌ཉི།

ཤ་མ་སག་པུ་ཏ་ རོ་ཀི་མ་ན་ཝ༌ལ། དག་པ་ཀབ་ཉི་ ཚི་ངེ་ རོ་ཀི་ རོག་ཏེན་ག་ ཡེག་པ་ལ་ ཇི་གི་ དཀོན་མཆོག་གེ་ ཡོང་མ་ཁེ་ལཱན་ ཉི་སོ་ངོ་བུ་ ཧང་རང་མ་ཙི་ལཱན་ ཨན་ཐཱན་རང་གི་ནེ་བུ་ ཨོ་ཐ་མོ་རེན་མ་གི་ ཇང་ཚེར་བ་ ཨ་ཝ་ཨ་དེན་གེ་ ཇི་གི་ རོ་ཀ་རྩིས་ཞུ་ཕིད་ཉི་བི༌ལེ། ཨུ་ཉུ་མ་ནེ་ལ་ རོ་ཀི་ཨུ་ཉི་རང་ཆོ་ཉི་ ལག་ཏང་ ཇང་ཤ་ ཝུ་དུག་པེ་ལ་དག༌ཉི།

ཇི་གི་ ན་ཧ་ཐྲང་ཉི་ཡེག་པེ་ ཨི་བི་རང་གི་ནེ་བུ་ ཨོ་ཐ་ཝག་ཙ་པུརུས་ཀིན་ཨ་ཉི་ དཀོན་མཆོག་ག་རྒྱལ་སྲིད་ མ་ལ་ནེ་ལ་ དཀོན་མཆོག་ག་རྒྱལ་སྲིད་ག་ནང་ཀ་ ནུ་ཕེ་མར་བ་དག༌ཉི༎

དག་པ་ཀབ་ཉི་ ཡི་ཤུ་གི་ ཝག་ཙ་བ་རཱན་ཐཱན་ གསུངས་མ་ལ་ ཝག་ཙ་བ་ ཇང་ཆོ་ས་ག་ ཨོ་ཕེ་བི་ ཁག་པེ་མ་ཁེ༌ལ། ཧང་ཡ་དག་ནེ་ལ་ དཀོན་མཆོག་ག་རྒྱལ་སྲིད་ཤོ་ ཨུ་ཐུ་ད་བུ་ ཆོ་ཁཱན་བ་ཀ་དེན་གེ་གི༌ལ།

ཉི་ཡི་ཤུ་གི་ གསུངས་མ་ལ་ ན་ག་མིང་གི་ ལོག་ཉི་ཐོང༌ཤོ། ན་ག་དད་པ་གི་ ནཱན་དྲག་པ་ན་དག༌ཉི།

ཡི་ཤུ་གི་ རོ་ཀ་གསུངས་མ་ལ་ ནཱན་གི་ ཇ་ག་ཧང་ཨ་ཉི་ ལེག་པུ་ལ་དག་ཉི་ རཱན་ཅ་ཡ། དཀོན་མཆོག་ཐུར་ཤ་ མ་ཏོག་པ་ བཱརའ་ཨི་བི་རང་ ལེག་པུ་མཱན༌ཅ།