MARCOS 4 - 인기 성경 구절

공유

J líik túun Jesuse' ca tu keyaj le iiko', ca tu ya'alaj ti' le ka'anabo': ¡Ch'en a juum! ¡Jedzlen! ca j ch'éen túun le iiko' ca j p'áat tuláacal jach jejedzqui. Cu dzo'ocole' Jesuse' tu ya'alaj ti' u aj canbalo'ob: ¿Ba'ax teen jach sajque'ex? ¿Bix yanil mina'an te'ex ocsaj óolal?

Leti'obe' jach ja'ak u yóolo'ob ca tu ya'alajo'ob tu baatzilo'ob: ¿Máax lela', cu yu'uba'al u t'aan tac tumen iik yéetel ka'anab?

Jesuse' táan u wenel te pachilo', u t'alcuntmaj u pool yóokol jun p'éel káamjo'ol; ca j ajsa'ab tumen u aj canbalo'ob, ca tu ya'alajo'ob ti': ¡aj Ca'anbesaj! ¿Ma' wa táan a wilic táan c búulul?

Tu ya'alaj ti'ob xan: Dzáa a wóole'ex ti' ba'ax ca wu'uyque'ex. Je'el bix a p'ise'exe', bey bíin u p'ise'ex xan Jajal Dios. Ti' te'ex ca wu'uyque'ex lela' yaan u ti'ip'il ti' te'ex tumen Jajal Dios.

Jesuse' tu ya'alaj xan: U ajawil Jajal Diose' bey le ba'ax cu yúuchul ti' le i'inaj le quéen dza'abac ti' lu'um tumen jun túul máaco'. Le máax pakalnajo' cu bin wenel. Cu dzo'ocol u chúunkintale' cu líikil. Le quéen máanac kiino'ob yéetel u yáakabilo'obe', le i'inajo' cu jóokol yéetel cu nojochtal, ba'ale' ma' u yojel bixi'.

Te'ex yaan a xiquine'exe', u'uyajnene'exi'.