MARCOS 6 - 인기 성경 구절

공유

Jesuse' tu ya'alaj ti'ob: Co'otene'ex, co'ox je'elel jun p'íit ti' jun p'éel cúuchil jun páaycunta'an. Tumen ya'abcach máaco'ob cu bino'ob yéetel cu taalo'ob, mina'an u yorail mix u ti'al u janalo'ob.

Ba'ale' Jesuse' tu ya'alaj ti'ob: Jun túul aj bóobate' cu yaabilta'al tumen tuláacal máaco'ob, ba'ale' ma' tu yaabilta'al tumen u yéet caajalo'ob, u láako'ob, mix tumen u yéet otochnáalo'ob.

Le ca jóok Jesús ti' le cheemo', tu yilaj ya'abcach máaco'ob, ca tu ch'a'aj óotzilil ti'ob, tumen beyo'ob j taman mina'an máax canantico'obe', ca jo'op' u ca'ansic ti'ob ya'abcach ba'alo'ob.

Ma' j páatji u beetic mix jun p'éel chíiculal te'elo', chéen tu dzaj u kab yóokol dze'edzec koja'ano'ob ca tu dzaj u toj óolalo'ob. Leti'e' jaka'an u yóol tumen leti'obe' ma' tu yocsaj óoltico'ob. Cu dzo'ocole' Jesuse' tu xíimbaltaj le mejen caajo'ob naadztaco'obo' táan u ca'anbesaji'.

Ca túun tu machaj Jesús le cinco waajo'ob yéetel le ca'a túul cayo'obo' ca tu líikesaj u yich j ca'an ca tu tzaj nib óolal ti' Yuum Jajal Dios. Tu xet'aj le waajo' ca tu tzaj ti' u aj canbalo'ob u ti'al ca u t'oxo'ob ti' le máaco'obo'. Tu t'oxaj xan le ca'a túul cayo' ti' tuláacal. Tuláacal jaano'ob ca j na'ajchajo'ob. Cu dzo'ocole' tu chupo'ob doce xaaco'ob yéetel u xéexet'al le waaj yéetel le cay j p'áato'.