लुका 11 - 인기 성경 구절

공유

निङ दुस्‍त स्‍याउतिमा लयको चोः चोःद्‍याङकाय पेओ थोकलम बइतेनानि त खेया, लाङकाहाङ मुसास्‍यावो निङको परमेस्‍वर आपाइ ओउकुस तेओलमकाय दोङ्‌सिले पबित्र ग्‍वालाम बइसास्‍याउलेना।”

ओउतझ्‍यान्‍ते ङाइ निङकाय तोनेनाङ्‍स, लयकाय चाहओ थोक तेतेनय त खेया परमेस्‍वरइ निङकाय बइसास्‍याउलेना, र लयकाय चाहओ थोक बोःङ्‍तेनानि त खेया परमेस्‍वरकहाङ निङइ ङाइसा खाइतेनानि, अनि दह्‍य्‌लोहाङ ध्‍याक-ध्‍याक त हाइतेनानि त खेया परमेस्‍वरइ निङको लागि फोल्‍ति बइसास्‍याउलेना।

धइतिदाह्‍य्‌सा परमेस्‍वरकाय तेओ जुदा मान्‍तालम दोःलेनय, र परमेस्‍वरकहाङ बोःङो मान्‍तालमइ ङाइलेनानि, अनि दह्‍य्‌लोहाङ ध्‍याक-ध्‍याक त हायो मान्‍तालमको लागि दह्‍य्‌लो फोल्‍लेना।

येसुइ ओउमयकाय तोसास्‍यावा, “जब निङइ प्राथना जाह्‍ङ्‍तेनानि, निङइ एतदाह्‍य्‌ति प्राथना जाह्‍ङ्‍नु— ‘अ परमेस्‍वर आपा, नाङको पबित्र मय्‍ङ लुङ्‌सितो स्‍याउपाना, र नाङइ जुदा मान्‍तालमकाय राजा स्‍याउति राज्‍य जाह्‍ङ्‍सास्‍याउपाना।

निको पापलम छेमा जाह्‍ङ्‌ति बइसास्‍याउपाना, धइतिदाह्‍य्‌सा निको बिरोतहाङ अपराध जाह्‍ङो जुदाकाय निइमा छेमा जाह्ङ्‍नाङ्‍सु। अनि निकाय पाप जाह्ङ्‍ताको परिछ्‍यालमसय दल्‍ताक्‍सास्‍याउपाना।’”

निकाय चाहओ दिनमको जेःगा-तुङ्‍गा निकाय दिनमले बइसास्‍याउपाना।

मिकखे मान्‍ताको ज्‍यानको लागि दिप्‍फा लेखाले खेना। यदि निङको मिक पेतो मुना त खेया, निङको जुदा ज्‍यानमा थोङतो स्‍याउलेना, तर यदि निङको मिक पेतो नाःल त खेया, निङको जुदा ज्‍यानमा च्‍याक्‍तो स्‍याउलेना।

“दिप्‍फा थोङताक्‍ति सुइमा भान्‍दाइ बोःम्‌निलि अनि नुस्‍तिमा गम्‍निलि। बरु भित्र वाङो मान्‍तालमकाय थोङतो स्‍याउपा त दाह्‍य्‌ति यासो तेउकाहाङ गम्‍नानि।