लुका 9 - 인기 성경 구절

공유

अनि येसुइ ओउ जुदा मान्‍तालमकाय तोसास्‍यावा, “यदि निङ सुखेयामा ङाको चेला स्‍याउसा चाहतेनय त खेया, निङइ लयको मनको मात्र इच्‍छ्‍यालमकाय फेनु, र दिनमले लयको क्रुस लात्‍ति ङाको लोन्‍हे गुह्‍ल्‌ति वाङ्‍न।

यदि निङइ लयको रुवाङ स्‍याक्‍ताक्‍सा बोःङ्‍तेनानि त खेया, निङइ ओउ रुवाङ मिह्‍ताक्‍तेनानि। तर यदि निङइ लयको रुवाङ ङाको लागि बइतेनानि त खेया, निङइ ओउ रुवाङ दल्‍ताक्‍तेनानि।

येसुइ ओउकाय तोसास्‍यावा, “सु खेयाकायमा होलोकाय क्रुतइ चुमाक्‍तिको काह्‍ताङ द्‍याह्‍न्‌ति योतिमुओ मान्‍ताखे परमेस्‍वरको राज्‍यको लागि काम लागलेल।”

मान्‍तालमइ लयकाय चाहओ जुदा थोकलम इ ल्‍हाउदयबाङहाङ दोःसा खाइनानि, तर ङाको चेला स्‍याउमात ओउमयइ लयको रुवाङ मिह्‍ताक्‍नानि त खेया, ओउमयकाय दोह फाइदा स्‍याउना र?

यदि निङ ङा र ङाको स्‍यानरायकुस रास्‍तेनय त खेया, ङा मान्‍ताको चोःइमा ङा लयको र परमेस्‍वर आपाको अनि पबित्र लाङकादुतलमको महिमाहाङ वाङ्‍धार्‌ना निङकाय लयको त तोसा रास्‍‍लेनाङ।

येसुइ ओउकाय तोसास्‍यावा, “स्‍याललम याक्‍साकाय ल्‍युमपुकलम मुना, बन वाःको छ्‍युतलम मुना, तर ङा मान्‍ताको चोःकोपाय आरामकुसि एःन्‌साकाय लयको थाउले नाःङल!”

अनि ओउमयकाय तोसास्‍यावा, “सुखेइ एतताह्‍ङो बालाखकाय ङाको मय्‍ङहाङ सुइकार जाह्‍ङ्‍नानि, ओउमयइ ङाकाय सुइकार जाह्‍ङ्‍नाताङ्‍स, अनि ङाकाय सुइ सुइकार जाह्‍ङ्‍नाताङ्‍स, ओउमयइ ङाकाय ल्‍होक्‍सास्‍यावो ङाको परमेस्‍वर आपाकाय सुइकार जाह्‍ङ्‍नानि। निङ मध्‍येहाङ सुखे जुदासय मइतो मुतेनय, ओउखे जुदासय ताह्‍ङो स्‍याउना।”