मर्‌कुस 14 - 인기 성경 구절

공유

येसुइ तोसास्‍यावा, “अब्‍बा, अ ङाको आपा, नाङको लागिपाय जुदा थोक सम्‍भब स्‍याउलेना। इ दुखको कचउरासय ङाकाय दल्‍ताक्‍सास्‍याउपाना। तर ङाको इच्‍छ्‍या खेल, नाङको इच्‍छ्‍याखे पुत्‍तो स्‍याउपाना।”

येसुइ ओउमयकाय तोसास्‍यावा, “परिछ्‍याहाङ परमासाको लागि जागराम स्‍याउति प्राथना जाह्‍ङ्‍नु। धइतिदाह्‍य्‌सा ग्‍वालामपाय दोङ्‌सिले तयार मुलेना, तर ज्‍यानखे कमजोर मुना।”

दोङ्‌सिले ङाइ निङकाय तोनेनाङ्‍स, पेओ खबर प्रचार स्‍यावो सङ्‍सारभरिको जुदा थाउहाङ, इ मोम्‍चोको सम्‍झना स्‍याउलेना, र ओउइ जाह्‍ङो कामको बारेहाङ तोलेना।”

ओउतझ्‍यान्‍ते येसुइ ओउमयकाय तोसास्‍यावा, “ङा माहा जोक्‍तो दुखि स्‍यावोझ्‍यान्‍ते, ङा सिओलेखाले स्‍यावो मुनाङ। निङ जागराम स्‍याउति इहाङले मुन।”

येसु र ओउको चेलालम जेःधय मुतोक बेलाहाङ येसुइ लाङ रोःत्‌सास्‍यावा र परमेस्‍वरकाय धन्‍नेबाद बइति लाङ फह्‍न्‌सास्‍यावा, अनि चेलालमकाय बइधय तोसास्‍यावा, “इ लाङ त्‍याक्‍नु, धइतिदाह्‍य्‌सा इखे ङाको ज्‍यान खेना।”

ओहाङसयको येसुइ धाकसायको रसको यातज्‍यो कचउरा च्‍युन्‍‍‍सास्‍यावा र ओउको लागि परमेस्‍वरकाय धन्‍नेबाद बइसास्‍यावा। अनि येसुइ ओउ कचउरा लयको चेलालमकाय बइसास्‍यावा र ओउमय जुदाइ ओउ कचउरासयले तुङाकानि। अनि येसुइ तोसास्‍यावा, “इ धाकसायको रसको कचउराइखे ङाको वुइ जनाउनउ। ङाको वुइखे बलिदानको रुपहाङ नाःतो मान्‍तालमको लागि होलेना, र इ वुइइखे परमेस्‍वरइ लयको मान्‍तालमकुस जाह्‍ङ्‍सास्‍यावो बाचाकाय पक्‍का जाह्‍ङ्‍लेनउ।

ल्‍यामहाङ आल्‍धयमुतोकहाङ येसुइ लयको चेलालमकाय तोसास्‍यावा, “निङ जुदाले ङाकाय फेति क्रउतेनय। धइतिदाह्‍य्‌सा परमेस्‍वरइ धर्‌मसास्‍त्रहाङ एतदाह्‍य्‌ति तोसास्‍यावो मुना, ‘ङाइ गोथालोकाय सात्‍नाङ, अनि भेदालम छरपस्‍त स्‍याउलेनय।’

द्‍याह चिङ्‍न, आलि। योनु, ङाकाय पक्रति धोका बइसाखेओ मान्‍ता इहाङ दाह्‍तिले खायो मुना।”

येसुइ ओउकाय तोसास्‍यावा, “पत्रुस, दोङ्‌सिले ङाइ नाङकाय तोनेनाङ, स्‍याह्‍ङ बिहान भाल्‍या वाः निसपल्‍त गोःसासय ङ्‍हा, नाङइ ङाकाय तह्‍य्‌ङल त दाह्‍य्‌ति सुमपल्‍त ते इन्‍कार जाह्‍ङ्‍तेनाचि।”