मर्‌कुस 16 - 인기 성경 구절

공유

अनि येसुइ चेलालमकाय तोसास्‍यावा, “सङ्‍सारको जुदा थाउहाङ आल्‍न, र जुदा मान्‍तालमकाय ङाको पेओ खबर प्रचार जाह्‍ङ्‍नु।

ङाकाय बिस्‍वास जाह्‍ङोलमकुसिखे इ चिनोलम स्‍याउलेना— ओउमयइ ङाको मय्‍ङहाङ लानलम रुःन्‌ति ल्‍होक्‌लेनानि, र ओउमय नया-नउलो भासालमहाङ नोःलेनय। यदि ओउमयइ रु चुम्‍नानि अथबा बिख जेःनानि त खेयाकायमा, ओउमयकाय दोह पेमातोमा स्‍याउलेल। तर जब ओउमयइ रोगि-बिरामिलमकहाङ लयको क्रुत झाम्‍नानि, परमेस्‍वरइ ओउमयकाय स्‍याक्‍ताक्‍सा स्‍याउलेना।”

ङाकाय बिस्‍वास जाह्‍ङो र बप्‍तिस्‍मा लेःओलमकायखे परमेस्‍वरइ मुक्‍ति बइसास्‍याउलेना। तर ङाकाय बिस्‍वास जाह्‍ङ्‍सा इन्‍कार जाह्‍ङोलमकायखे परमेस्‍वरइ दन्‍दको लागि गाल बइसास्‍याउलेना।

ओहाङसयको येसुको चेलालम जुदा थाउहाङ आलाक्‍तिको मान्‍तालमकाय प्रचार जाह्‍ङाकानि। अनि प्रभुइ ओउमयकाय सहयोग जाह्‍ङ्‍सास्‍यावा, र ओउमयइ प्रचार जाह्‍ङो कुराकाय ग्‍याह्‍ङ्‌सिओ कामलम दुवारा सत्‍य प्रमानित जाह्‍ङ्‌ति बइसास्‍यावा।] आमेन।

तर ओउ जवान गोय्‍चो दाह्‍या, “निङ रइलाम! ङाइ चिःनाङ, निङखे क्रुसहाङ योकोति सातो नासरतको येसुकाय बोःङ्‍धयमुओ खेतेनय। तर येसुपाय इहाङ मुसास्‍याउल, येसुपाय सिओसय उह्‍ति च्‍योक्‍सास्‍यावो मुना। योनु, येसुकाय गमो थाउ इले खेना।

तर जब ओउमय तेसहाङ दाहाकाय, ओउमयइ तेसताङ त्‍याउति योतोकहाङ तेसहाङ पोको दह्‍य्‌लो राक्‍तिगमो ओउ ताह्‍ङो ब्‍लेकबाङ, ङ्‍हाखाले यातताङ सारतिगमो ओउमयइ च्‍यवाकानि। ओउ मोम्‍चोलम तेसभित्र पोकाकाय, अनि भामो नाय लावओ यातचाक जवान गोय्‍चोकाय ङोइसयको थाउहाङ च्‍युःङ्‌तिमुओ च्‍यउति ओउमय माहा जोक्‍तो रयाकाय।