Yaheiya 2 - 인기 성경 구절

공유

Eneshi Ersa xienjighasan tou 1 gie ghudureqi wo. Jialili ni Jiana de xienjighawo. Ene ghudureqighala kunlade famane mejieghawo. Ingiese tujilani hhei xianxin giewo.

Ersa kieliewo, "Ana, hhe made yan xiangan wo? Mii shihou da ese kuruzho."

Ersa hojilade kieliewo, "Gande usui durugha." Ingiese hojila usui zhonlozhi gan kouzide khizheghawo. Ersa pse hojilade kieliewo, "Ede yuzhi xi gonjisan kunde khughozhi echigha." Ingiese hhela echighawo.

Ersa kieliewo, "Ta ene mechini chei. Bi ghurudude gie khizheghane."

Ingiese Ersa jiesunyi mushigheidene fughe ghonilai mechise tou khighawo. Baer arunzhasan kunlai baerlani kie khizhegha, shirelani tungu unaghawo. Pse ghoghochen huisan kunlade kieliewo, "Dunxilane man banji khirei! Adaimi giei meimei gieku oron bu gholugha!"