ကမ္ဘာႏစ 12 - 인기 성경 구절

공유

ခွေ​အီႏ​ဖေႏ​အာ​နာꩻ ပို​လီꩻ​စွိုး​ခွိုꩻ​တဲင် ဝွေꩻ​သီး​နဝ်ꩻ အီႏ​ထွာ​လွဉ် လိုꩻ​မျိုꩻ​တန်​သွူ။ ခွေ​အီႏ​ဖေႏ​နာꩻ မင်္ဂ​လာႏ​တဲင် မာꩻ​မဉ်ꩻ​ကျော်ႏ တန်​မျတ်​ဖေႏ​နာꩻ နဝ်ꩻ​မꩻ နာꩻ​အီႏ​စံႏ​စာꩻ​ဗာႏ မင်္ဂ​လာႏ​သွူ။ ပါꩻ​က​ဖေႏ​ဒါႏ​နာꩻ မင်္ဂ​လာႏ​နဝ်ꩻ ခွေ​အီႏ​ဖေႏ​ဝွေꩻ မင်္ဂ​လာႏ၊ ကွဲ​တွော့ꩻ ပါꩻ​က​စိန်ႏတရေႏ​ဒါႏ နာꩻ​နဝ်ꩻ ခွေ​အီႏ​စိန်ႏတရေႏ​သွူ။ တွမ်ႏ​နာꩻ​နဝ်ꩻ ခွေ​အီႏ​ဖေႏ လိုꩻ​မျိုꩻ​ကား​က​အဝ်ႏ မင်္ဂ​လာႏ​သွူ။”

ထာ​ဝ​ရ​ဘု​ရာꩻ မိန်း​ဖေႏ​အာ​ဗြံ၊ “​အွဉ်ႏ​ကုဲင် နာꩻ​ခမ်း​ထီ၊ နာꩻ​ဖူး​ဝေး​စွိုး​ခွိုꩻ၊ တွမ်ႏ​နာꩻ​ဖါ​လမ်း​တဲင် လွေꩻ​သွော့ ခွေ​က​အီႏ​အွဉ်ႏ​နယ်​နာꩻ ခမ်း​ထီ​သူꩻ​ဟုဲင်း။

နုဲင်း​ထာ​ဝ​ရ​ဘု​ရာꩻ က​မိန်း ဖေႏ​ဝွေꩻ​မာꩻ​အ​တွိုင်ꩻ အာ​ဗြံ​သက် ထွိုင်ႏ​လꩻ ၇၅​နေင်ႏ​ချိန်ႏ အဝ်ႏ​ဟာ​ရန်​ဝေင်ꩻ​နဝ်ꩻ ထန်ႏ​လွဉ်​စ​စွဉ်ႏ​သွူ။ လော​တ​တဲ့ꩻ လွေꩻ​လွဉ်ꩻ တွမ်ႏ​ဝွေꩻ​သွူ။

ထာ​ဝ​ရ​ဘု​ရာꩻ​ပေါႏ​နယ် ထင်ႏ​သျာꩻ​ဖေႏ အာ​ဗြံ​တဲင် မိန်း​ဖေႏ​ဝွေꩻ “​ခမ်း​ယို​နဝ်ꩻ ခွေ​အီႏ​ဖေႏ နာꩻ​ပို​လီꩻ​စွိုး​ခွိုꩻ” နုဲင်း​နဝ်ꩻ​သွူ။ နဝ်ꩻ​ထွူ ထာ​ဝ​ရ​ဘု​ရာꩻ က​ပေါႏ​ဖေႏ ဝွေꩻ​တာႏ​နဝ်ꩻ အာ​ဗြံ​တယ်ႏ ယဇ်​ပ​လ္လင်ႏ​တ​ဗာႏ​သွူ။