Génesis 27 - 인기 성경 구절

공유

Tome'ẽ ndéve Tupã upe yvy hi'áva, tome'ẽ ysapy ha trígo. Ha kaguy ñane mbovy'áva taheta ha tahembypa. Ne rembiguái ramo toiko táva kuéra ha ne renondépe tojayvy tetã. Nde sy memby kuéra járake ta ndénte, ha ne renondépe tojayvy joa. Nde rehe ojahéiva toiko ijaheipýrõ, ha nde rovasáva tojehovasa.”

Esaú he'i: —Ajeve voi niko ra'e oñembohéra Jacob! Péina mokõi jeyháma che mohendague. Che jopy vaekue ame'ẽ haguã chupe che mba'erãva, che nde ra'y ypykue rupi. Ha ko'ágã ogueraha imba'erã, nde rovasa paha che mba'e rãnguéva. Upéi oporandu itúvape: —Nahembýi piko jehovasa chéve guarã?

Upévo itúva Isaac he'i chupe: “Yvy hi'a ha ijysapýva, nde reikotahápe ndaipóri mo'ãi. Nde kyse pukúgui reikovéta, ha reikóta nde ryvy poguýpe. Reñandu rire ne mbareteha, upépe ae, rejetyvyróta chugui.”

Esaú katu he'i jey: —Ha piko reporohovasa kuaa peteĩ jevýnte? Che rovasána chéve avei taita! Isaac okirirĩnte. Ha Esaú oñemoĩ hasẽ soro.