Johane 6 - 인기 성경 구절

공유

Jesu wakabaambila kuti, Ndime insima yabuumi, oyo uuza kulindime takooyoofwa nzala, awalo uundisyoma takooyoofwa limbi nyota.

Muuya nguupa buumi, mubili ngwabuyo, majwi ngendakamwaambila muuya, mbuumi.

Mutabelekeli kulya ukubola, pele kulya ukukalilila mane kubuumi ubutamani, oko kulya nkwati mupe Mwana aMuntu, nkaambo ngonguwe ngwaakasinizya Wisi, Leza nguwenya.

Eno ndoolu luyando lwa-Taata, kuti umwi umwi uubona Mwana akumusyoma, abe abuumi ubutamani, amebo ndiyoomubusya kubuzuba bwakumamanino.

Jesu wakavuwa wakati, Ngooyu mulimo wa-Leza, kuti mumusyome oyo ngwaakatuma

Boonse mbandipa Taata baleza kulindime, awalo uuza kulindime nsikoomutanda akaniini pe.

Simoni Petro wakamuvuwa wakati, O mwami, tuye kuli? Nduwe oojisi majwi aabuumi ubutamani

Ndime nsima ngumi iyakazwa kujulu, na muntu wiilya nsima eyi unooli muumi lyoonse, alimwi insima njenti pe ngomubili wangu, kuti inyika ibe abuumi.

Takukwe muntu uukonzya kuza kulindime Taata uwakandituma atamukwela, amebo ndiyoomubusya kubuzuba bwakumamanino.

Nkaambo insima ya-Leza ngooyo uuzwa kujulu, uupa nyika buumi.

Ndime nsima yabuumi.

Mpoonya Jesu wakabweza mikamu, naakamana kulumba, wakabaabanya abo bali kukede ansi, azyalo inswi mbubonya mbuli mbobali kuyanda. Nobakakuta wakabaambila basikwiiya bakwe kuti, Amubweze bufwefwelenga ubwasyaala, kuti kutasweeki cintu.

Nobakakwasula bamaile botatwe na bone, bakabona Jesu uleenda atala lyalwizi, wakaswena afwaafwi abwaato, mpoonya bakayoowa, Pele walo wakabaambila kuti, Ndime, mutayoowi.