PONGWANG LAIPEX 14
14
Abram-e Lot Khosün
1Babilon angkya Amrafel, Ellasar angkya Ariok, Elam angkya Kedorlaomar, ilaxle Goim angkya Tidal, hwom bibi wanghom ali, 2mama wanghom hwom aga ibibi zan to ka: Sodom angkya Bera, Gomorah angkya Birsha, Admah angkya Shinab, Zeboiim angkya Shemebar üntoxle Bela chichangba Zoar nok wanghom. 3Wanghom aga hwom bibi Siddim haxsha, oja athax Omang Tinu ang achangle tüipuix, ikhama zankat thom tuita ang achang. 4Hwom a zanglao 12 hanpakma Kedorlaomar-e apünkya fang ma ngole hüikya, ikoxle zangbün azom nguile hüikya füi tomle hwome chix füi alünle ajong. 5Zanglao 14 lükya to Kedorlaomar hia chix zankat üithobu süpahibu füi nguilaxle Ashteroth Kamaim ma Refaim to anao, Ham ma Zuzim to anao, Kiriathaim haxsha ma Emim to anao, 6ilaxle Edom haxnu ma Hor nok to anaolaxle sak-hax chamtua Elparan alople achuale apao. 7Ifüima hwom anongle Kadesh (ipongma Enmishpat le nyakkya) to chat. Hwome Amalek nok haxtok pangwüi lax ilaxle Hazazon Tamar ma ngokya Amor nok to anao.
8Ifüima Sodom, Gomorah, Admah, Zeboiim hia Bela nok wanghombue hwom süpahibu koplaxle kale Siddim haxsha ma 9Elam, Goim, Babilon hia Ellasar, khua aga wanghombu khua ali wanghombu füi azan. 10Ija haxsha a kom-nüiti füikya tswombue awangle tüikya. Chemtue Sodom hia Gomorah nok wanghom nyi zantam angkya paole azang ang azongpuix, hokhi a ija tswomkha to düt; ikoxle mama wanghom hwom azom a haxnu chito paole azang. 11Hwom wanghom alie Sodom hia Gomorah angkya, osüt-oling to lünle komle tsuile pao. 12Abram zongma sasün Lot Sodom nok ma ating-anokle tüikya; ibue chix füi tomle chix tuina to lünle komkaile tsuile pao. 13Ikoxle ikha tokya paole azangkya khünak tuitae ija kaxho Abram hato apüi. Abram a Ibri khünak tuita changkya. Chix a Amor nok kux Mamre zui angkya otsao pünnu tong zui ma ngole tüikya. Mamre hia chix tüita-naopa Eshkol hia Anar hwom pangwüi zankat ma chix üitho changkya. 14Chemtue Abram-e chix zongto sasün tsyen Lot kople paodaoale atat ang kop-puix, chix pom ma tüikya zankatmix komle sele asox; pangwüi athüt koxle 318 khünak süi. Hwome Dan lomnu fole wanghom ali achuale zik. 15Ikhato chixe ma khünakbu othom-othom ang ahan. Hwome zan to zangnak ma sing ilaxle hwom to anao. Chixe hwom Damaska zongma shuakux chikao Hobah alople achua. 16Hwome kople paokya pangnusa chatle lax. Chixe Lot hia chix tuinabu tamchu shekobu hia kople paokya mama khünakbu pangwüi chatle chat.
Melkizedek-e Abram to Mohimankya
17Chemtue Abram-e wanghom Kedorlaomar hia mama wanghombu to anaolaxle chatpuix, Sodom nok wanghom chix füi apong ang Shaweh haxsha (wanghom haxsha lechuwüi nyakle) to laile apong. 18#Ibr 7.1-10.Melkizedek owa Salem nok wanghompa tamchu Taitax Zang Nguapa changkya hex, chixe Abram hato an hia grepti-ju apüile kox. 19Chixe Abram to mohimanle thüi: “Taitax Zang owae ding-hi-hax zinglaxpuix, Chixe Abram to mohiman hüi! 20Jowanpa Taitax Zang, owae nang ang zanbu to lüt ang tompuix, chix mün achuakpu!” Ilaxle Abram-e, chixe zanchak tokya kopkya tuina bün ma ahanlaxle othom tuita Melkizedek ang kox.
21Sodom nok wanghompa-e Abram ang thüi: “Tuina nange wüi koplax ikoxle ku khünakbu mix achatle fahüi.”
22Abram-e lan: “Ding hia hax zingkya Taitax Jowanpa tunthoma kue tsaopu, 23kue nang kux chemchu müntüi. Ile changkox tix wüi nange, ‘Abram nang kue ahak-alua ang tomwüi’ le thüi angkya müntüiüi. 24Ku khünakbue lax-twondaokya wüi chichangba kue ku hanpakma hexle chemchu münlax. Ikoxle ku füikya zankat othom Anar, Eshkol hia Mamre hwome wüi matsyen-tsyen naxlaxkox.”
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.
PONGWANG LAIPEX 14
14
Abram-e Lot Khosün
1Babilon angkya Amrafel, Ellasar angkya Ariok, Elam angkya Kedorlaomar, ilaxle Goim angkya Tidal, hwom bibi wanghom ali, 2mama wanghom hwom aga ibibi zan to ka: Sodom angkya Bera, Gomorah angkya Birsha, Admah angkya Shinab, Zeboiim angkya Shemebar üntoxle Bela chichangba Zoar nok wanghom. 3Wanghom aga hwom bibi Siddim haxsha, oja athax Omang Tinu ang achangle tüipuix, ikhama zankat thom tuita ang achang. 4Hwom a zanglao 12 hanpakma Kedorlaomar-e apünkya fang ma ngole hüikya, ikoxle zangbün azom nguile hüikya füi tomle hwome chix füi alünle ajong. 5Zanglao 14 lükya to Kedorlaomar hia chix zankat üithobu süpahibu füi nguilaxle Ashteroth Kamaim ma Refaim to anao, Ham ma Zuzim to anao, Kiriathaim haxsha ma Emim to anao, 6ilaxle Edom haxnu ma Hor nok to anaolaxle sak-hax chamtua Elparan alople achuale apao. 7Ifüima hwom anongle Kadesh (ipongma Enmishpat le nyakkya) to chat. Hwome Amalek nok haxtok pangwüi lax ilaxle Hazazon Tamar ma ngokya Amor nok to anao.
8Ifüima Sodom, Gomorah, Admah, Zeboiim hia Bela nok wanghombue hwom süpahibu koplaxle kale Siddim haxsha ma 9Elam, Goim, Babilon hia Ellasar, khua aga wanghombu khua ali wanghombu füi azan. 10Ija haxsha a kom-nüiti füikya tswombue awangle tüikya. Chemtue Sodom hia Gomorah nok wanghom nyi zantam angkya paole azang ang azongpuix, hokhi a ija tswomkha to düt; ikoxle mama wanghom hwom azom a haxnu chito paole azang. 11Hwom wanghom alie Sodom hia Gomorah angkya, osüt-oling to lünle komle tsuile pao. 12Abram zongma sasün Lot Sodom nok ma ating-anokle tüikya; ibue chix füi tomle chix tuina to lünle komkaile tsuile pao. 13Ikoxle ikha tokya paole azangkya khünak tuitae ija kaxho Abram hato apüi. Abram a Ibri khünak tuita changkya. Chix a Amor nok kux Mamre zui angkya otsao pünnu tong zui ma ngole tüikya. Mamre hia chix tüita-naopa Eshkol hia Anar hwom pangwüi zankat ma chix üitho changkya. 14Chemtue Abram-e chix zongto sasün tsyen Lot kople paodaoale atat ang kop-puix, chix pom ma tüikya zankatmix komle sele asox; pangwüi athüt koxle 318 khünak süi. Hwome Dan lomnu fole wanghom ali achuale zik. 15Ikhato chixe ma khünakbu othom-othom ang ahan. Hwome zan to zangnak ma sing ilaxle hwom to anao. Chixe hwom Damaska zongma shuakux chikao Hobah alople achua. 16Hwome kople paokya pangnusa chatle lax. Chixe Lot hia chix tuinabu tamchu shekobu hia kople paokya mama khünakbu pangwüi chatle chat.
Melkizedek-e Abram to Mohimankya
17Chemtue Abram-e wanghom Kedorlaomar hia mama wanghombu to anaolaxle chatpuix, Sodom nok wanghom chix füi apong ang Shaweh haxsha (wanghom haxsha lechuwüi nyakle) to laile apong. 18#Ibr 7.1-10.Melkizedek owa Salem nok wanghompa tamchu Taitax Zang Nguapa changkya hex, chixe Abram hato an hia grepti-ju apüile kox. 19Chixe Abram to mohimanle thüi: “Taitax Zang owae ding-hi-hax zinglaxpuix, Chixe Abram to mohiman hüi! 20Jowanpa Taitax Zang, owae nang ang zanbu to lüt ang tompuix, chix mün achuakpu!” Ilaxle Abram-e, chixe zanchak tokya kopkya tuina bün ma ahanlaxle othom tuita Melkizedek ang kox.
21Sodom nok wanghompa-e Abram ang thüi: “Tuina nange wüi koplax ikoxle ku khünakbu mix achatle fahüi.”
22Abram-e lan: “Ding hia hax zingkya Taitax Jowanpa tunthoma kue tsaopu, 23kue nang kux chemchu müntüi. Ile changkox tix wüi nange, ‘Abram nang kue ahak-alua ang tomwüi’ le thüi angkya müntüiüi. 24Ku khünakbue lax-twondaokya wüi chichangba kue ku hanpakma hexle chemchu münlax. Ikoxle ku füikya zankat othom Anar, Eshkol hia Mamre hwome wüi matsyen-tsyen naxlaxkox.”
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.