LUKE 22
22
Jisu dokhriva keto mharhü
1Hi tüce cukevonye khrekhasü kemo tsükhri nye meno bata. 2Thevokezhoko mu thezho keseko Jisu tüpü dokhri va keto chode phu bata, kekrelamori uko thümako mpe ketala. 3Süsa Satan Iscariot Judas yo lü ta. 4Pü tavo kereshücelü thevokezhoko, mu mhakeseko zü kerethi de kedipü bize pütüpü uko tsüsü to sheri ziti. 5Uko nü shuta de presa khapü pütsü keto kepoi. 6Sülü pü sheri pütü kevengo keyi sa pü tüpü uko tsüsü keto, thüma makro kedice, pü medota.
Thenye rede
7Susa khre khasü kemo tsükhri nye, cukevolü teko pü reshü kethi, tü vorita. 8Süla Jisu Peter mu John ni ketsüsü, de poti, tavo uko cukevo nye nyeketo kerede süte side uko kezü mhatito. 9Uni pü ketsoti, no thethi dipüce hanipo tavo kerede sünyü ba ukola? 10Reni süte, “pü poti, neni nadelü talü tice mipü lekhulü jüpü keta ngoyi to. Neni püzü kesü keyice püta dipülü lüta sheri ce sülü neni püsa meji lüte. 11Ce niepoo ceposüte, kemethao ketsoti, resoce dipü ceba apo methakeyiko zü mhati ketola? 12Cebü mesolü thethi kemethipü thapü neni ka süto, ketsopü kemetapü, sülü ukola mhakerede yite.” 13Süla uni tavo pü kepobi mhathipü kemeta ngoyi; mu uni cukevonye kesüyi.
Niepoo kerekra co kesü kesü
14Pütülü pü miz ce bayi mu pu sajiko. 15Pü ukoce poti, I kemezheti mhüjü neko zü cukevo nye mhaco tinyü shu tatele. 16Kekrelamori I neko cekepo, Jihova kedela thitso sü kemothe I mhati sahote. 17Süsa pü tehe-o püyi de kemeza (kethezü) posü, de poti, hihi püyi te neko dolü kezayite. 18Kekrelamori Therhü-o kedethi vori kemothe I khubüzo krasa hote. 19Süsa pü tsükhri pü khiyi de kemeza posü, süsa cephro sü de khapü uko tsüsü. Hibiti thite arekra ta ketola. Athi apho kha neko tsü kesü zoho. 20Tsükhri ti keyi salü tehe sheri püyi de poti tehe la kesü hio neko la aza kha kesü (mekrü) jükho kesa. 21Vele atü kesüo azü bazo, mu pübe miz yo ba. 22Thüma Nuo ta tato, popü kemeta bi, vele sopü pütüsüto sheri thüma süo hesheherü. 23Süsa uko hunehu ketsode, sopü thüma süo süta.
Sopü kezho thito sheri kebu keta
24Uko dolü sopü kezhotho thito sheri kebuta. 25Vele pü ukoce poti, Gentile (Jewmi kemoko) kedeko uthümako pi kekhayo, mu süko cüpü keprakemeve miko ziyo. 26Vele neko siziho, sizimori neko dolü kezhothoo po natsitho bito, krüta-o po mi thekümi thito. 27Sopü zhoku sheri püpo mi thekümi mori mi reyimi thito, I neko kemethao miz lü neko reyi ba mome? 28Neko azü mhakerülü tha. 29Apo mhapü Amelü kesübi, I sheri mhapü neko melü süzü; kede kethi. 30Süla neko a miz yo azüde mhati mhakra ketola, a kede kethilü, mu nekopo kedeba keri kena kolü bato side Isreal shuye kerikena kolü uko jünyo (sheco) ketito.
Jisu Peter püphramu ta keto mejü po kesü
31Simon, Simon, renisüte, Satan neko rezo keto cho bate, tehakerezothito. 32Vele I nla chosüte n kemelü thathi ta mo ketola, no sala vori tice tavo nsazüko thi kethepu süte. 33Pü pücepoti, Niepoo I nzü thejü kethilü mu kesalü sheri vo keto kerede pü tazo. 34Jisu poti, Peter I nceposüto, no vasü asemole ziti amela tato, tha thevü kekhu mhüjü.
Presabü, lekho, mu zecho
35Pü uko ce poti, presabü, lekho mu pheku samo de I neko ketsü kesüce neko tsakhu teme? Uko püce poti “mhapüri tsakhu mole,” 36Pü ukoce poti, vele tsüzo, presabü kebami khiyite, sübi lekho kebami ri; mu zecho kedimi ubola zhupü zecho khriyite. 37Kekrelamori I nekoce kepobi, ketho lesilü thopü kemetako thitsosü ketola, Ayono, “püpü thezho kevarhüko saphri süte, mu sübi ala thopü kemetako thitsü sü tazo.” 38Uko poti, pete, hice zecho kena ba. Pü uko fü kela kesü, tsüzi zori vete.
Jisu olive cejütuyo kecho kethi
39Pü tapra pü zhoce kethibi olive cejütuyo vota, mu püsajiko püsa mejivo. 40Pü tavo thethi yo tso keyice ukoce poti neko kechothiyite, medo kephilü lüta mo ketola. 41Süsa pü tsüzaphe tsüdü thepülü, chütuyi de kechothi bata. 42Apo, mhace n medo tolize tehe hio acelü khipü tatate, sizori amedomo vele n medo thi yite, 43Süsa tüyo choyi mipü tavo püthi kethepusü. 44Pü lükemezhe tilü kechothi thehe thiku sasü; mu thüza rekhrü ti kezho retu cejü kita. 45Pü kecholü tasüri tice ta methakeyiko ce pheri mu uko zü renyü ba keta ngoyi, thelü su ba ketala. 46Pü ukoce poti, neko dito zü bata ta süte de kechothi yite, medo kephilü lüta mo ketola.
Jisu tüsü keva mu pü zü ta keta
47Pü jüpo kebalü thüma krodepü ta vori, mipü Judas, kerikenako dolü, ketapü thümakro chothazü vori, pütavo Jisu mebosü, Thüma Nuo tüsü ketola. 48Vele Jisu püce poti, Judas no thüma Nuo tüsü ketola pü mebosü tozüme? 49Püzü kebako mhathi sü keto vori kezü ngo de poti, “niepoo hako zecho pü dosü tome?” 50Uko süsa mipü zecho pü thevo kezhoo cetao uzaco ni zathü va. 51Vele Jisu poti, mha hiziti thisa hite, pü ni jüsü mu thi menüsü. 52Süsa Jisu thevo kezhoko, kereshücelü kefüko, mu mehiko ta püce voritiko ce poti, neko zechoko, sürüko, bekhako pü acevori züme, apü thüma kesumi bi? 53I tüsonha kereshücelü neko züba, neko süce nebe khapü ayo sümo, vele tsühi neko tüte, kezülü ketako keku.
Peter Jisu phamu keta.
54Süsa uko pütüyi de zü thevo kezhoo celü vota; vele Peter kemecu zalü püsa mejita. 55Uko cehükhro metsulü me thisü, de ba metupüba, Peter ukodolü ba. 56Süsa relimipü püpe türü sü, mekevelü, depoti, thüma hiori püzüta. 57Vele pü mole zita, de poti, thenopü Ipüse mole. 58Süsazace mipü püngo sü de poti, “thümao nori mipü zole, püzü ketako. Vele Peter poti, ‘thümao, I mole.’” 59Süsa bavüdopü salü mipü po sala de thüma hiohi kethozo püzü ketami pü, kekrelamori pü Galilee lü kehümi tsüla. 60Vele Peter poti, “thümao, no kedipü poba sheri I semo,” sizi po kebalü thevü füta. 61Niepoo regüsü Peter pesü; süsa Peter Niepoo jü püsa lüyi, püce kepo, tha thevü kekhu mhüjü no asemole ti vasü po tato. 62Mu pü ta chozu prade kra shuta.
Jisu krünyü de kemeshu mu püvü keta
63Hitülü Jisu tüpü kebako pü krünyü m u pü vüta. 64Uko pü mhü juvade mhapü pü ketso, saju po süte, sopü nvü ba sheri. 65Uko mha kekrolü pü meshu (kenga) ta.
Jisu kehu mhüjülü ketha
66Tüso vori ketace mehi miko, thevo kezhoko, mu thezhokeseko tavo kehulü kenguyi, mu uko püzü kehulü vo. 67No Messiah lize hakoce posüte; pü kela kesü, mhace I neko ce posü zori neko melüyi ho. 68I neko ce mhaketso zori neko acepo süho. 69Vele tsüsahi thüma Nuo Jihova keku zaco batato. 70Uko metü pü ketso, “no Jihova Nu zome?” Pü po kesü “neko kepo I le.” 71Süsa uko poti, uko zhopo dipü phusa bata? Uko utho seyite pü mülü kepo.
Chakhesang Chokri Naga New Testament © Bible Society of India, 2015. Used by permission. All rights reserved worldwide.
LUKE 22
22
Jisu dokhriva keto mharhü
1Hi tüce cukevonye khrekhasü kemo tsükhri nye meno bata. 2Thevokezhoko mu thezho keseko Jisu tüpü dokhri va keto chode phu bata, kekrelamori uko thümako mpe ketala. 3Süsa Satan Iscariot Judas yo lü ta. 4Pü tavo kereshücelü thevokezhoko, mu mhakeseko zü kerethi de kedipü bize pütüpü uko tsüsü to sheri ziti. 5Uko nü shuta de presa khapü pütsü keto kepoi. 6Sülü pü sheri pütü kevengo keyi sa pü tüpü uko tsüsü keto, thüma makro kedice, pü medota.
Thenye rede
7Susa khre khasü kemo tsükhri nye, cukevolü teko pü reshü kethi, tü vorita. 8Süla Jisu Peter mu John ni ketsüsü, de poti, tavo uko cukevo nye nyeketo kerede süte side uko kezü mhatito. 9Uni pü ketsoti, no thethi dipüce hanipo tavo kerede sünyü ba ukola? 10Reni süte, “pü poti, neni nadelü talü tice mipü lekhulü jüpü keta ngoyi to. Neni püzü kesü keyice püta dipülü lüta sheri ce sülü neni püsa meji lüte. 11Ce niepoo ceposüte, kemethao ketsoti, resoce dipü ceba apo methakeyiko zü mhati ketola? 12Cebü mesolü thethi kemethipü thapü neni ka süto, ketsopü kemetapü, sülü ukola mhakerede yite.” 13Süla uni tavo pü kepobi mhathipü kemeta ngoyi; mu uni cukevonye kesüyi.
Niepoo kerekra co kesü kesü
14Pütülü pü miz ce bayi mu pu sajiko. 15Pü ukoce poti, I kemezheti mhüjü neko zü cukevo nye mhaco tinyü shu tatele. 16Kekrelamori I neko cekepo, Jihova kedela thitso sü kemothe I mhati sahote. 17Süsa pü tehe-o püyi de kemeza (kethezü) posü, de poti, hihi püyi te neko dolü kezayite. 18Kekrelamori Therhü-o kedethi vori kemothe I khubüzo krasa hote. 19Süsa pü tsükhri pü khiyi de kemeza posü, süsa cephro sü de khapü uko tsüsü. Hibiti thite arekra ta ketola. Athi apho kha neko tsü kesü zoho. 20Tsükhri ti keyi salü tehe sheri püyi de poti tehe la kesü hio neko la aza kha kesü (mekrü) jükho kesa. 21Vele atü kesüo azü bazo, mu pübe miz yo ba. 22Thüma Nuo ta tato, popü kemeta bi, vele sopü pütüsüto sheri thüma süo hesheherü. 23Süsa uko hunehu ketsode, sopü thüma süo süta.
Sopü kezho thito sheri kebu keta
24Uko dolü sopü kezhotho thito sheri kebuta. 25Vele pü ukoce poti, Gentile (Jewmi kemoko) kedeko uthümako pi kekhayo, mu süko cüpü keprakemeve miko ziyo. 26Vele neko siziho, sizimori neko dolü kezhothoo po natsitho bito, krüta-o po mi thekümi thito. 27Sopü zhoku sheri püpo mi thekümi mori mi reyimi thito, I neko kemethao miz lü neko reyi ba mome? 28Neko azü mhakerülü tha. 29Apo mhapü Amelü kesübi, I sheri mhapü neko melü süzü; kede kethi. 30Süla neko a miz yo azüde mhati mhakra ketola, a kede kethilü, mu nekopo kedeba keri kena kolü bato side Isreal shuye kerikena kolü uko jünyo (sheco) ketito.
Jisu Peter püphramu ta keto mejü po kesü
31Simon, Simon, renisüte, Satan neko rezo keto cho bate, tehakerezothito. 32Vele I nla chosüte n kemelü thathi ta mo ketola, no sala vori tice tavo nsazüko thi kethepu süte. 33Pü pücepoti, Niepoo I nzü thejü kethilü mu kesalü sheri vo keto kerede pü tazo. 34Jisu poti, Peter I nceposüto, no vasü asemole ziti amela tato, tha thevü kekhu mhüjü.
Presabü, lekho, mu zecho
35Pü uko ce poti, presabü, lekho mu pheku samo de I neko ketsü kesüce neko tsakhu teme? Uko püce poti “mhapüri tsakhu mole,” 36Pü ukoce poti, vele tsüzo, presabü kebami khiyite, sübi lekho kebami ri; mu zecho kedimi ubola zhupü zecho khriyite. 37Kekrelamori I nekoce kepobi, ketho lesilü thopü kemetako thitsosü ketola, Ayono, “püpü thezho kevarhüko saphri süte, mu sübi ala thopü kemetako thitsü sü tazo.” 38Uko poti, pete, hice zecho kena ba. Pü uko fü kela kesü, tsüzi zori vete.
Jisu olive cejütuyo kecho kethi
39Pü tapra pü zhoce kethibi olive cejütuyo vota, mu püsajiko püsa mejivo. 40Pü tavo thethi yo tso keyice ukoce poti neko kechothiyite, medo kephilü lüta mo ketola. 41Süsa pü tsüzaphe tsüdü thepülü, chütuyi de kechothi bata. 42Apo, mhace n medo tolize tehe hio acelü khipü tatate, sizori amedomo vele n medo thi yite, 43Süsa tüyo choyi mipü tavo püthi kethepusü. 44Pü lükemezhe tilü kechothi thehe thiku sasü; mu thüza rekhrü ti kezho retu cejü kita. 45Pü kecholü tasüri tice ta methakeyiko ce pheri mu uko zü renyü ba keta ngoyi, thelü su ba ketala. 46Pü ukoce poti, neko dito zü bata ta süte de kechothi yite, medo kephilü lüta mo ketola.
Jisu tüsü keva mu pü zü ta keta
47Pü jüpo kebalü thüma krodepü ta vori, mipü Judas, kerikenako dolü, ketapü thümakro chothazü vori, pütavo Jisu mebosü, Thüma Nuo tüsü ketola. 48Vele Jisu püce poti, Judas no thüma Nuo tüsü ketola pü mebosü tozüme? 49Püzü kebako mhathi sü keto vori kezü ngo de poti, “niepoo hako zecho pü dosü tome?” 50Uko süsa mipü zecho pü thevo kezhoo cetao uzaco ni zathü va. 51Vele Jisu poti, mha hiziti thisa hite, pü ni jüsü mu thi menüsü. 52Süsa Jisu thevo kezhoko, kereshücelü kefüko, mu mehiko ta püce voritiko ce poti, neko zechoko, sürüko, bekhako pü acevori züme, apü thüma kesumi bi? 53I tüsonha kereshücelü neko züba, neko süce nebe khapü ayo sümo, vele tsühi neko tüte, kezülü ketako keku.
Peter Jisu phamu keta.
54Süsa uko pütüyi de zü thevo kezhoo celü vota; vele Peter kemecu zalü püsa mejita. 55Uko cehükhro metsulü me thisü, de ba metupüba, Peter ukodolü ba. 56Süsa relimipü püpe türü sü, mekevelü, depoti, thüma hiori püzüta. 57Vele pü mole zita, de poti, thenopü Ipüse mole. 58Süsazace mipü püngo sü de poti, “thümao nori mipü zole, püzü ketako. Vele Peter poti, ‘thümao, I mole.’” 59Süsa bavüdopü salü mipü po sala de thüma hiohi kethozo püzü ketami pü, kekrelamori pü Galilee lü kehümi tsüla. 60Vele Peter poti, “thümao, no kedipü poba sheri I semo,” sizi po kebalü thevü füta. 61Niepoo regüsü Peter pesü; süsa Peter Niepoo jü püsa lüyi, püce kepo, tha thevü kekhu mhüjü no asemole ti vasü po tato. 62Mu pü ta chozu prade kra shuta.
Jisu krünyü de kemeshu mu püvü keta
63Hitülü Jisu tüpü kebako pü krünyü m u pü vüta. 64Uko pü mhü juvade mhapü pü ketso, saju po süte, sopü nvü ba sheri. 65Uko mha kekrolü pü meshu (kenga) ta.
Jisu kehu mhüjülü ketha
66Tüso vori ketace mehi miko, thevo kezhoko, mu thezhokeseko tavo kehulü kenguyi, mu uko püzü kehulü vo. 67No Messiah lize hakoce posüte; pü kela kesü, mhace I neko ce posü zori neko melüyi ho. 68I neko ce mhaketso zori neko acepo süho. 69Vele tsüsahi thüma Nuo Jihova keku zaco batato. 70Uko metü pü ketso, “no Jihova Nu zome?” Pü po kesü “neko kepo I le.” 71Süsa uko poti, uko zhopo dipü phusa bata? Uko utho seyite pü mülü kepo.
Chakhesang Chokri Naga New Testament © Bible Society of India, 2015. Used by permission. All rights reserved worldwide.