Akts 27
27
Faŋ vɨ nə ndì Pɔɔl, gə̀ nə ŋwə shɨ Rom
1Kɨ lùu shi mɔ́ꞌ vɨ gi laa Pɔɔl ŋii taa bay, gə Itali. Nɨniŋ, vɨ kɔ Pɔɔl ghɔ vɨ vɨɨ ŋii mfiŋ vəmɔ́ꞌ tɨ́ tɨɨ vəsogeꞌ mɔ́ꞌ, faŋ yizii yi nə luu Julius. Ŋwə nə luu fɨ taa nwaa vəsogeꞌ vɨ fwàŋ kwalə Kaysa. 2Pɔɔl ghɔ wə ntɨə faŋ ŋwə nyɔ̀ꞌ ŋwaꞌlə ŋwə̀, ŋii bay kwalə kəmɔ́ꞌ, faŋ ŋkə nə ndɔ̀ fɨ Adramitiəm, kɨ kəə gə ziꞌ kwiŋ shɨ Asia. Lùu faŋ yia nə ndɔ fɨ ntɨꞌ Sisaria, yia vɨ Aristarkɔs, wuu Makedonia mɔ́ꞌ fɨ ntɨꞌ Tesalonika. 3Fu kɨ lee yia ziꞌ Sidon. Fwi Julius nə luu yijəə maa Pɔɔl. Ŋwə biŋ tɨ́ Pɔɔl laa ŋwə gə yè vɨɨmba vi, tɨ́ kaꞌ vəŋ gaŋtə ŋwə nə vətɔ mbɨə faŋ ŋwə nəə bəə maa yitoꞌ yɔ́. 4Yia baa ndɔ fɨ fuŋ, kɨ toꞌ fɨ taa bay kɔ́, shɔɔ sheꞌ fɨ nshənə fɨ shɨ Sayprɔs, buꞌ faŋ fɨɨ nə fə̀ŋ yia. 5Yia kɨ nii shɔ̀ɔ fɨ taa mamuu ŋgwə faŋ ŋwə lùu yɨ Saylisia nə Pamfilia nə, gə̀ zìꞌ Mira faŋ luu ntɨꞌ yimɔ́ꞌ fɨ shɨ Lisia. 6Tɨɨ vəsogeꞌ ghɔ́ ye bay kwalə kəmɔ́ꞌ faŋ ŋkə nə ndɔ̀ fɨ shɨ Alesandria, kɨ kəə tɔŋ gə Itali. Ŋwə gi yia fuu, ŋìi taa bay yiŋkii. 7Yia kɨ nii tòꞌ sheꞌ bwaŋnə bwaŋnə maa vəshi vəyaŋ, buꞌ faŋ fɨɨ nəə shɔɔ dɨdɨꞌ. Nɨniŋ, yia gə zìꞌ yɨ shɨ Snidɔs ŋkee nə wutə. Yia nə kəə ŋii shɨ yɔ́, fɨɨ fəŋ yia, yia kɨ nii kìasə, gə̀ fɨ kwiŋ shɨ Kriit, shɔ̀ɔ fɨ yɨ kwiŋ Salmoni, 8kɨ tɨtoꞌ sheꞌ nə wutə, gə̀ zìꞌ maa shəŋ kəmɔ́ꞌ faŋ vɨ tii nə twey yibwaŋnə, faŋ shɨ Lasea luu yɨ yi.
9Maa yighee yɔ́ yia nə duꞌtə yia tay jɨɨ dɨdɨꞌ. Shi məbaŋ fazɨ vɨɨ Jus nə duꞌtə ŋkə shɔɔ. Nə lùu maa yighee njyə faŋ nu mətoꞌ nə bay fuu mamuu kɨ nii luu ŋkee nu ghɔꞌ. Nɨniŋ, Pɔɔl kɔ ntɨ tɨ́ vɨɨ məsuŋ bay kɔ́, 10gì laa, «Vətɨɨ vaŋ, mə ye laa tey fɨ feenə yitoꞌ nyaa-nsiŋ taa luu ŋkee yiweꞌ. Vətɔ ndɔ bɨsə. Kee taa bɨsə luu sheꞌ vəbiꞌ nə bay kə̀ me; kaꞌ nshɨ-tɔ ŋwaa-nsiŋ taa ndi.» 11Pɔɔl nə gì nɨniŋ, tɨɨ vəsogeꞌ kee biŋ me, biŋ sheꞌ yigisə tɨɨ bay, nə wə ntɨə faŋ ŋwə nəə dɔŋsə bay kɔ́ nə. 12Shəŋ kɔ́ nə kee lùu kəjəə maa məduꞌ shɔ maa yighee gwə me. Vɨɨ vəyaŋ gi laa bàw vɨ fuu fɨ yifi, mɔ̀ŋ maa məgə zìꞌ ntɨꞌ Fiinis, dùꞌ yifi maa yighee bwə. Shəŋ kɔ́ luu shəŋ mətɨŋnə bay shɨ Kriit maa kwiŋ mfiŋ-shɨshwi, faŋ jɨɨsə bay maa məŋii shəŋ kɔ́ nə luu shɔ səbɔɔ.
Faŋ vɨ Pɔɔl nə yè ŋɨꞌ fuu mamuu
13Fɨɨ zutə koꞌ fɨ yitəŋ, vəŋ bɨꞌtə laa bàw vɨ yɨ nu ŋkɨə faŋ vəŋ nii kɔ̀ꞌnə nə, vəŋ keꞌtə bay gə̀, tòꞌ sheꞌ nshənə fɨ mbɔꞌ Kriit. 14Ŋkə kee tày me, fɨŋ kwalə kəmɔ́ꞌ faŋ vɨ tii nə fɨŋ fɨ yikwi, gwəkə siꞌ jwì fɨ kwiŋ shɨ Kriit, 15fwàŋ bay kɔ́, gə̀ nə ŋkə. Yia nə kee kìi wutə maa məyɨ nu shɔ me, kɨ nii gày, mèꞌtə laa fɨŋ kɔ́ gə nə bay kɔ́. 16Yia shɔɔ nɨniŋ, shɔ̀ɔ yɨ shəŋ nsi kəmɔ́ꞌ fɨ nɨntəŋ muu, faŋ vɨ tii nə Klɔɔda. Maa shəŋ kɔ́ yia nə jìa wee-bay ŋgwə faŋ vɨ yaa kɨ suŋ yiba bay kwalə nə, sheꞌ nə wutə. 17Vɨ kɨ nii kòꞌsə wee-bay ghɔ́ fuu bay kwalə, ndɔ̀ kà bay kwalə kɔ́ nə kuusə weꞌsə, buꞌ faŋ vəŋ nəə kɨꞌ laa ŋkə taa seenə. Vɨ nə sùꞌsə njwisə mədɔŋsə bay nɨzi, buꞌ laa vəŋ nəə fee laa vəŋ gə ŋii taa muu məghoꞌlə kwiŋ Serti. Lùu faŋ yia nə tòꞌ nɨniŋ taa mamuu. 18Faŋ fɨɨ nəə kɔ ŋɨꞌ tɨ́ yia dɨdɨꞌ nə, fu kɨ lee vɨ fuusə waytə vəbiꞌ fɨ taa bay, mèꞌ taa muu. 19Fu mɔ́ꞌ baa kɨ lee vəŋ ŋii ŋkee maa vətɔ və bay, meꞌ taa muu.
20Maa vəshi vəmɔ́ꞌ, shɨshwi nə məjwiŋ kee baa bee me, fɨɨ kɨ shɨshɔɔ nəŋay, yia kee baa bɨ̀ꞌtə laa yia taa bwey me. 21Vɨɨ vənshə kee baa zɨ̀ fa me, maa vəshi vəyaŋ me, Pɔɔl tɨŋnə nɨntəŋ ŋwaa vəŋ, gì laa, «Vətɨta vaŋ, viŋ nəə toꞌ biŋ gɨ nyaa, kee ndɔ̀ fɨ shɨ Kriit me, buu nsiŋ kee yè ŋɨꞌ nyə̀ me, vətɔ vaŋ-nsiŋ kee ndì me. 22Nɨniŋ, mə tɨsə viŋ ndwə, laa viŋ jia fwi siŋ, buꞌ laa tuu kee wə muꞌ fɨ taa ŋwaa viŋ kee taa ndi me, taa ndi sheꞌ bay. 23Nshiiŋii Nwi nii jwì maa mə vətuꞌ ndee. Nə luu nshiiŋii Nwi, faŋ kìi Nwi ghɔ́ kìi mə. Mə baa luu bəŋsə ŋwə. 24Ŋwə gì shee laa kɨ mə fee me, buꞌ laa mə ndɔ ghaa tɨŋnə vɨsɨ fwàŋ kwalə Kaysa, baa nə laa Nwi bìŋ məshɔꞌtə ŋwaa, ndɔ bwèysə vɨɨ vənshə faŋ nsiŋ lùu taa bay mɔ́ꞌ nə. 25Nɨniŋ, vətɨta, viŋ jia fwi siŋ. Mə nùŋ fwi nyaa maa Nwi, laa ŋkə ndɔ luu nɨniŋ, faŋ ŋwə nii nàysə shee nə. 26Fɨɨ taa ndi nsiŋ, gə̀ nə nsiŋ maa shəŋ nsi kəmɔ́ꞌ nɨntəŋ muu.»
27Faŋ fu nə jɨ lwesə vəshi njɔsə-yishwe, faŋ yia nə luu taa muu, fɨɨ ndi yia fɨ taa mamuu mə Adria, kɨ luu nɨntəŋ vətuꞌ, vɨɨ mədɔŋsə bay bɨꞌtə laa vɨ tey kɨ ziꞌ maa shəŋ nsi. 28Vəŋ suꞌsə fa məfɨꞌ muu taa muu, ye laa ŋkə lùu kwiŋ muu-mbɔɔ. Vəŋ baa shəŋtə gə̀, baa kii suꞌsə, ye laa lùu kwiŋ njɔsə-tee, 29kɨ ye nɨniŋ, fee laa bay kɔ́ taa koꞌ fuu ŋoꞌ taa muu, vəŋ suꞌsə vəbwey və mətə bay yishwe yiba, tɨ́ kaꞌ bay kɔ́ tɨŋnə, kɨ kɨꞌ laa fu lee. 30Vɨɨ mədɔŋsə bay fɨꞌnə maa məfuu fɨ taa bay, nyɨŋkə. Nɨniŋ, vəŋ suꞌsə bay tɨtiꞌ taa muu, kɨ bwələ sɨ vɨɨ laa vəŋ kəə suꞌsə vəbwey və mətə bay taa muu fɨ vɨsɨ bay kwalə nɨzi. 31Pɔɔl gi tɨ́ tɨɨ vəsogeꞌ nə vəsogeꞌ laa, «Vɨɨ mədɔŋsə bay kee taa goꞌ taa bay me, buu viŋ kee taa bwey me.» 32Vəsogeꞌ shiatə kuusə nsɨə faŋ nsə nə jìa bay tɨtiꞌ kɔ́ nə, mèꞌtə ŋkə nə gə. 33Faŋ fu nə kee ta lee me, Pɔɔl buꞌ ghɔ tɨ́ vɨɨ vənshə laa vəŋ zɨ fa. Ŋwə gi tɨ́ vəŋ laa, «Ndee lùu vəshi njɔsə-yishwe faŋ viŋ dùꞌ nə məlaꞌ, kee zɨ̀ fa me. 34Mə bùꞌ ghɔ tɨ́ viŋ laa viŋ zɨ fa, buꞌ laa ŋkə taa kɔ wutə tɨ́ viŋ, viŋ taa bwey vənshə. Viŋ yɨ̀ nɨniŋ, buu tuu ŋkee mbuu nyuŋ yimuꞌ kee taa shoꞌnə fɨ tɔ wə fɨ wiŋ me.» 35Ŋwə nə gì nɨniŋ, ndì bee, shɔ̀ꞌtə Nwi vɨsɨ vəŋ vənshə, kɨ nii yibɨꞌ, kɨ zɨ. 36Vəŋ ka fwisə vəŋ, wə tɨ̀ me wə fɨ vəŋ kɨ nii yizɨ. 37Vɨɨ vənshə faŋ vəŋ nə luu taa bay kɔ́, nə luu wə yiwa yibɔɔ nə njɔsə-ntɔfə muu-ŋkwatia. 38Faŋ vɨɨ vənshə nə zɨ zwə̀kə, yia fuusə say ghinə fɨ taa bay, mɔ̀ꞌ taa muu, maa məyɨsə laa bay fɨɨsə.
39Fu kɨ lee vəŋ ye shəŋ nsi kɔ́, kee kɨ̀ɨ nə ŋkə me. Luu nə, vəŋ ye shuu muu mɔ́ꞌ shɔ, mbɔꞌ bia gheesə. Vəŋ gi laa, bàw vəŋ mɔŋ maa məshɔɔ gə̀ shɔ. 40Nɨniŋ, vəŋ shetə kuusə vəbwey və mətə bay, nsə fiŋkə taa muu, kèꞌtə kuusə fɨ maa vəsoo və mədɔŋsə bay, ŋàꞌsə njwi mədɔŋsə bay fɨ vɨsɨ, kà maa kwiŋ fɨɨ, laa fɨɨ dɔŋsə bay kɔ́, gə̀ nə ŋkə shuu muu, vəŋ fuu. 41Faŋ vəŋ nə gə̀ nɨniŋ, ŋiꞌ bay kɔ́ kɔŋ nsi maa shəŋ ghoꞌlə, shuu bay fɨ vɨsɨ tweꞌ, kee baa kɨɨ tòꞌ me, fɨɨ weꞌ nə vəba və muu kɨ nii tey kɨ bɨꞌtə bay fɨ yiba. 42Vəsogeꞌ ka yighaw maa məzwilə vɨɨ ŋii mfiŋ vənshə, tɨ́ kaꞌ wə fɨ fuŋ kee sàŋ muu, gə̀ mbɔꞌ bia me, yuu koꞌ nyɨŋ me. 43Luu nə, tɨɨ vəsogeꞌ nə kəə bweysə Pɔɔl , twey laa kɨ vɨ zwilə vəŋ me. Ŋwə gi laa bàw vɨɨ mbɨə faŋ vəŋ kɨɨ saŋ muu, vəŋ fuu, fì vɨsɨ, shə̀ŋ taa muu, sàŋ muu, gə̀ mbɔꞌ bia, koꞌ, 44buu bətə vɨɨ taa beꞌsə, faŋ vəŋ taa jia vəway və məŋkɔꞌ nə vətɔ vəmɔ́ꞌ fɨ taa bay. Lùu faŋ yia nə gə zìꞌ mbɔꞌ-bia vənshə nə.
© 1993, Wycliffe Bible Translators, Inc. All rights reserved.
Akts 27
27
Faŋ vɨ nə ndì Pɔɔl, gə̀ nə ŋwə shɨ Rom
1Kɨ lùu shi mɔ́ꞌ vɨ gi laa Pɔɔl ŋii taa bay, gə Itali. Nɨniŋ, vɨ kɔ Pɔɔl ghɔ vɨ vɨɨ ŋii mfiŋ vəmɔ́ꞌ tɨ́ tɨɨ vəsogeꞌ mɔ́ꞌ, faŋ yizii yi nə luu Julius. Ŋwə nə luu fɨ taa nwaa vəsogeꞌ vɨ fwàŋ kwalə Kaysa. 2Pɔɔl ghɔ wə ntɨə faŋ ŋwə nyɔ̀ꞌ ŋwaꞌlə ŋwə̀, ŋii bay kwalə kəmɔ́ꞌ, faŋ ŋkə nə ndɔ̀ fɨ Adramitiəm, kɨ kəə gə ziꞌ kwiŋ shɨ Asia. Lùu faŋ yia nə ndɔ fɨ ntɨꞌ Sisaria, yia vɨ Aristarkɔs, wuu Makedonia mɔ́ꞌ fɨ ntɨꞌ Tesalonika. 3Fu kɨ lee yia ziꞌ Sidon. Fwi Julius nə luu yijəə maa Pɔɔl. Ŋwə biŋ tɨ́ Pɔɔl laa ŋwə gə yè vɨɨmba vi, tɨ́ kaꞌ vəŋ gaŋtə ŋwə nə vətɔ mbɨə faŋ ŋwə nəə bəə maa yitoꞌ yɔ́. 4Yia baa ndɔ fɨ fuŋ, kɨ toꞌ fɨ taa bay kɔ́, shɔɔ sheꞌ fɨ nshənə fɨ shɨ Sayprɔs, buꞌ faŋ fɨɨ nə fə̀ŋ yia. 5Yia kɨ nii shɔ̀ɔ fɨ taa mamuu ŋgwə faŋ ŋwə lùu yɨ Saylisia nə Pamfilia nə, gə̀ zìꞌ Mira faŋ luu ntɨꞌ yimɔ́ꞌ fɨ shɨ Lisia. 6Tɨɨ vəsogeꞌ ghɔ́ ye bay kwalə kəmɔ́ꞌ faŋ ŋkə nə ndɔ̀ fɨ shɨ Alesandria, kɨ kəə tɔŋ gə Itali. Ŋwə gi yia fuu, ŋìi taa bay yiŋkii. 7Yia kɨ nii tòꞌ sheꞌ bwaŋnə bwaŋnə maa vəshi vəyaŋ, buꞌ faŋ fɨɨ nəə shɔɔ dɨdɨꞌ. Nɨniŋ, yia gə zìꞌ yɨ shɨ Snidɔs ŋkee nə wutə. Yia nə kəə ŋii shɨ yɔ́, fɨɨ fəŋ yia, yia kɨ nii kìasə, gə̀ fɨ kwiŋ shɨ Kriit, shɔ̀ɔ fɨ yɨ kwiŋ Salmoni, 8kɨ tɨtoꞌ sheꞌ nə wutə, gə̀ zìꞌ maa shəŋ kəmɔ́ꞌ faŋ vɨ tii nə twey yibwaŋnə, faŋ shɨ Lasea luu yɨ yi.
9Maa yighee yɔ́ yia nə duꞌtə yia tay jɨɨ dɨdɨꞌ. Shi məbaŋ fazɨ vɨɨ Jus nə duꞌtə ŋkə shɔɔ. Nə lùu maa yighee njyə faŋ nu mətoꞌ nə bay fuu mamuu kɨ nii luu ŋkee nu ghɔꞌ. Nɨniŋ, Pɔɔl kɔ ntɨ tɨ́ vɨɨ məsuŋ bay kɔ́, 10gì laa, «Vətɨɨ vaŋ, mə ye laa tey fɨ feenə yitoꞌ nyaa-nsiŋ taa luu ŋkee yiweꞌ. Vətɔ ndɔ bɨsə. Kee taa bɨsə luu sheꞌ vəbiꞌ nə bay kə̀ me; kaꞌ nshɨ-tɔ ŋwaa-nsiŋ taa ndi.» 11Pɔɔl nə gì nɨniŋ, tɨɨ vəsogeꞌ kee biŋ me, biŋ sheꞌ yigisə tɨɨ bay, nə wə ntɨə faŋ ŋwə nəə dɔŋsə bay kɔ́ nə. 12Shəŋ kɔ́ nə kee lùu kəjəə maa məduꞌ shɔ maa yighee gwə me. Vɨɨ vəyaŋ gi laa bàw vɨ fuu fɨ yifi, mɔ̀ŋ maa məgə zìꞌ ntɨꞌ Fiinis, dùꞌ yifi maa yighee bwə. Shəŋ kɔ́ luu shəŋ mətɨŋnə bay shɨ Kriit maa kwiŋ mfiŋ-shɨshwi, faŋ jɨɨsə bay maa məŋii shəŋ kɔ́ nə luu shɔ səbɔɔ.
Faŋ vɨ Pɔɔl nə yè ŋɨꞌ fuu mamuu
13Fɨɨ zutə koꞌ fɨ yitəŋ, vəŋ bɨꞌtə laa bàw vɨ yɨ nu ŋkɨə faŋ vəŋ nii kɔ̀ꞌnə nə, vəŋ keꞌtə bay gə̀, tòꞌ sheꞌ nshənə fɨ mbɔꞌ Kriit. 14Ŋkə kee tày me, fɨŋ kwalə kəmɔ́ꞌ faŋ vɨ tii nə fɨŋ fɨ yikwi, gwəkə siꞌ jwì fɨ kwiŋ shɨ Kriit, 15fwàŋ bay kɔ́, gə̀ nə ŋkə. Yia nə kee kìi wutə maa məyɨ nu shɔ me, kɨ nii gày, mèꞌtə laa fɨŋ kɔ́ gə nə bay kɔ́. 16Yia shɔɔ nɨniŋ, shɔ̀ɔ yɨ shəŋ nsi kəmɔ́ꞌ fɨ nɨntəŋ muu, faŋ vɨ tii nə Klɔɔda. Maa shəŋ kɔ́ yia nə jìa wee-bay ŋgwə faŋ vɨ yaa kɨ suŋ yiba bay kwalə nə, sheꞌ nə wutə. 17Vɨ kɨ nii kòꞌsə wee-bay ghɔ́ fuu bay kwalə, ndɔ̀ kà bay kwalə kɔ́ nə kuusə weꞌsə, buꞌ faŋ vəŋ nəə kɨꞌ laa ŋkə taa seenə. Vɨ nə sùꞌsə njwisə mədɔŋsə bay nɨzi, buꞌ laa vəŋ nəə fee laa vəŋ gə ŋii taa muu məghoꞌlə kwiŋ Serti. Lùu faŋ yia nə tòꞌ nɨniŋ taa mamuu. 18Faŋ fɨɨ nəə kɔ ŋɨꞌ tɨ́ yia dɨdɨꞌ nə, fu kɨ lee vɨ fuusə waytə vəbiꞌ fɨ taa bay, mèꞌ taa muu. 19Fu mɔ́ꞌ baa kɨ lee vəŋ ŋii ŋkee maa vətɔ və bay, meꞌ taa muu.
20Maa vəshi vəmɔ́ꞌ, shɨshwi nə məjwiŋ kee baa bee me, fɨɨ kɨ shɨshɔɔ nəŋay, yia kee baa bɨ̀ꞌtə laa yia taa bwey me. 21Vɨɨ vənshə kee baa zɨ̀ fa me, maa vəshi vəyaŋ me, Pɔɔl tɨŋnə nɨntəŋ ŋwaa vəŋ, gì laa, «Vətɨta vaŋ, viŋ nəə toꞌ biŋ gɨ nyaa, kee ndɔ̀ fɨ shɨ Kriit me, buu nsiŋ kee yè ŋɨꞌ nyə̀ me, vətɔ vaŋ-nsiŋ kee ndì me. 22Nɨniŋ, mə tɨsə viŋ ndwə, laa viŋ jia fwi siŋ, buꞌ laa tuu kee wə muꞌ fɨ taa ŋwaa viŋ kee taa ndi me, taa ndi sheꞌ bay. 23Nshiiŋii Nwi nii jwì maa mə vətuꞌ ndee. Nə luu nshiiŋii Nwi, faŋ kìi Nwi ghɔ́ kìi mə. Mə baa luu bəŋsə ŋwə. 24Ŋwə gì shee laa kɨ mə fee me, buꞌ laa mə ndɔ ghaa tɨŋnə vɨsɨ fwàŋ kwalə Kaysa, baa nə laa Nwi bìŋ məshɔꞌtə ŋwaa, ndɔ bwèysə vɨɨ vənshə faŋ nsiŋ lùu taa bay mɔ́ꞌ nə. 25Nɨniŋ, vətɨta, viŋ jia fwi siŋ. Mə nùŋ fwi nyaa maa Nwi, laa ŋkə ndɔ luu nɨniŋ, faŋ ŋwə nii nàysə shee nə. 26Fɨɨ taa ndi nsiŋ, gə̀ nə nsiŋ maa shəŋ nsi kəmɔ́ꞌ nɨntəŋ muu.»
27Faŋ fu nə jɨ lwesə vəshi njɔsə-yishwe, faŋ yia nə luu taa muu, fɨɨ ndi yia fɨ taa mamuu mə Adria, kɨ luu nɨntəŋ vətuꞌ, vɨɨ mədɔŋsə bay bɨꞌtə laa vɨ tey kɨ ziꞌ maa shəŋ nsi. 28Vəŋ suꞌsə fa məfɨꞌ muu taa muu, ye laa ŋkə lùu kwiŋ muu-mbɔɔ. Vəŋ baa shəŋtə gə̀, baa kii suꞌsə, ye laa lùu kwiŋ njɔsə-tee, 29kɨ ye nɨniŋ, fee laa bay kɔ́ taa koꞌ fuu ŋoꞌ taa muu, vəŋ suꞌsə vəbwey və mətə bay yishwe yiba, tɨ́ kaꞌ bay kɔ́ tɨŋnə, kɨ kɨꞌ laa fu lee. 30Vɨɨ mədɔŋsə bay fɨꞌnə maa məfuu fɨ taa bay, nyɨŋkə. Nɨniŋ, vəŋ suꞌsə bay tɨtiꞌ taa muu, kɨ bwələ sɨ vɨɨ laa vəŋ kəə suꞌsə vəbwey və mətə bay taa muu fɨ vɨsɨ bay kwalə nɨzi. 31Pɔɔl gi tɨ́ tɨɨ vəsogeꞌ nə vəsogeꞌ laa, «Vɨɨ mədɔŋsə bay kee taa goꞌ taa bay me, buu viŋ kee taa bwey me.» 32Vəsogeꞌ shiatə kuusə nsɨə faŋ nsə nə jìa bay tɨtiꞌ kɔ́ nə, mèꞌtə ŋkə nə gə. 33Faŋ fu nə kee ta lee me, Pɔɔl buꞌ ghɔ tɨ́ vɨɨ vənshə laa vəŋ zɨ fa. Ŋwə gi tɨ́ vəŋ laa, «Ndee lùu vəshi njɔsə-yishwe faŋ viŋ dùꞌ nə məlaꞌ, kee zɨ̀ fa me. 34Mə bùꞌ ghɔ tɨ́ viŋ laa viŋ zɨ fa, buꞌ laa ŋkə taa kɔ wutə tɨ́ viŋ, viŋ taa bwey vənshə. Viŋ yɨ̀ nɨniŋ, buu tuu ŋkee mbuu nyuŋ yimuꞌ kee taa shoꞌnə fɨ tɔ wə fɨ wiŋ me.» 35Ŋwə nə gì nɨniŋ, ndì bee, shɔ̀ꞌtə Nwi vɨsɨ vəŋ vənshə, kɨ nii yibɨꞌ, kɨ zɨ. 36Vəŋ ka fwisə vəŋ, wə tɨ̀ me wə fɨ vəŋ kɨ nii yizɨ. 37Vɨɨ vənshə faŋ vəŋ nə luu taa bay kɔ́, nə luu wə yiwa yibɔɔ nə njɔsə-ntɔfə muu-ŋkwatia. 38Faŋ vɨɨ vənshə nə zɨ zwə̀kə, yia fuusə say ghinə fɨ taa bay, mɔ̀ꞌ taa muu, maa məyɨsə laa bay fɨɨsə.
39Fu kɨ lee vəŋ ye shəŋ nsi kɔ́, kee kɨ̀ɨ nə ŋkə me. Luu nə, vəŋ ye shuu muu mɔ́ꞌ shɔ, mbɔꞌ bia gheesə. Vəŋ gi laa, bàw vəŋ mɔŋ maa məshɔɔ gə̀ shɔ. 40Nɨniŋ, vəŋ shetə kuusə vəbwey və mətə bay, nsə fiŋkə taa muu, kèꞌtə kuusə fɨ maa vəsoo və mədɔŋsə bay, ŋàꞌsə njwi mədɔŋsə bay fɨ vɨsɨ, kà maa kwiŋ fɨɨ, laa fɨɨ dɔŋsə bay kɔ́, gə̀ nə ŋkə shuu muu, vəŋ fuu. 41Faŋ vəŋ nə gə̀ nɨniŋ, ŋiꞌ bay kɔ́ kɔŋ nsi maa shəŋ ghoꞌlə, shuu bay fɨ vɨsɨ tweꞌ, kee baa kɨɨ tòꞌ me, fɨɨ weꞌ nə vəba və muu kɨ nii tey kɨ bɨꞌtə bay fɨ yiba. 42Vəsogeꞌ ka yighaw maa məzwilə vɨɨ ŋii mfiŋ vənshə, tɨ́ kaꞌ wə fɨ fuŋ kee sàŋ muu, gə̀ mbɔꞌ bia me, yuu koꞌ nyɨŋ me. 43Luu nə, tɨɨ vəsogeꞌ nə kəə bweysə Pɔɔl , twey laa kɨ vɨ zwilə vəŋ me. Ŋwə gi laa bàw vɨɨ mbɨə faŋ vəŋ kɨɨ saŋ muu, vəŋ fuu, fì vɨsɨ, shə̀ŋ taa muu, sàŋ muu, gə̀ mbɔꞌ bia, koꞌ, 44buu bətə vɨɨ taa beꞌsə, faŋ vəŋ taa jia vəway və məŋkɔꞌ nə vətɔ vəmɔ́ꞌ fɨ taa bay. Lùu faŋ yia nə gə zìꞌ mbɔꞌ-bia vənshə nə.
© 1993, Wycliffe Bible Translators, Inc. All rights reserved.