Tabekacane 2
2
1La ngimia kikai, kikai lepawngane sanaka maneemane maka wabeekacenga. 2Ikai ki samaka pitulu, ku Twaumase twalreepengenga ku tabekacaneini kaungu la isadra ku awngane. 3La subulrubulru baai ki samakapitulu, si tusaniange kwini ki vai ka mwakalrivili ka vai; asi lwiyane yakai kwini ki vai tulrepenge ku tabekacane#2.3 “yakai kwini ki vai tulrepenge ku tabekacane” ku wahunyake madu iya kai “aswala kwini ki vai ku Twaumase twalrepengeenga bekace”., la palikai ku awngane si isadra. 4Kikai yai amani ku tangilribatane sa bekace ku Twaumase ki lepawngane.
Mawivaivai ka Idingi
Ku Tamatama ka Twaumase sa bekace kai ki lepawngane yai, 5kai daedae kadrwa ku ubulu si angatu, kadrwa ku lalacenge, asi lwiyane kaiyana pawdale, la kakadrwa ku umawmase ku mauawngu; 6ai yakaai ku acilai ku twalai adringi ki kadaengane beraberai, pakalrealreke ki kadaengane.
7Sakabilrilinga, ku Tamatama ka Twaumase la arakai ku lamenge ki daedae bekace tuumawmase#2.7 “daedae” si “umawmase” ku tangadrane ka pacase twalai ki vaeva ka pacase ki Hiburu., la malra ku saseverane ki niake ipi pwadringi ki ngungwaneini, kai lasu la kirimunga ka yakai ku niake ka umawmase.
8Ku Tamatama ka Twaumase yakai kavai tali talrawane cegecege ku Idingi ka mawivaivai, la malra ki bekaceini ka umawmase pasutelrai pikai kwini adringi. 9Ku Tamatama ka Twaumase pacebe kwini ki kadaengane ku makaelaeela ku tathaaithariri ku laangatu, la pumadru ka talimememe. Ikai kwini ki mawivaivai yakai ku taluvaale ku patarwamaara ku niake ka angatu, la mialri ikai ku taluvaale ku wadulru pathingale ki umawmase ku mathariri si malisi ka angatu#2.9 “wadulru pathingale ki umawmase ku mathariri si malisi ka angatu” ku wahunyake madu iya kai “Wabaai sanaka lrigilane ki umawmase ka angatu”..
10Yakai ku vaeva ku kadravane ku twalai Idingi kainganai mwaludru, si pwacilai kwini ki mawivaivai. La mwaludru mulatadre Idingi, si mawvagavagai mau supate ka vaalru. 11Ku sivaale ku vaalru sia Pisunge, ngiavalritutuku kavai Havila. 12Ki talikai kwini tatwaladhane ku kakingiane, bekelane ka nisilasilapane ka sarakaikaiyane tusapasangulrelremane, si tinukucingalrane ka lrenege. 13Ku sakadrusa ku vaalru sia Gihunge, ngiathalrilringulu Kuse#2.13 “Kuse” ku wahunyake madu iya kai “Sudane”.. 14Ku sakatulru ku vaalru sia Tigerise, ngwakakaai bitake tali talrawane Asiria. Ku sakasupate ku vaalru sia Yuparati.
15Ku Tamatama ka Twaumase la malra kwini ki umawmase pasutelrai pikai Idingi, si pakauawngu iniane, drangalrungalru kwini ki mawivaivai. 16Ku Tamatama ka Twaumase la drekase kwini ki umawmase, “Sanaka madru ki ivai ikai kai ki mawivaivai, lri dulrusu kane patuelre. 17Kathaane kavai lri dulru pathingale ki umawmase ku mathariri si malisi ka madru ki angatu, kaisu lri kane lutuumane; lu kanesu, ikai kwini ki vaivai lri tara pacaisu.”
18Sangilribatenga, ku Tamatama ka Twaumase la iya kai, “Kai umawmase lu tangeangea cekecekecekele kai mathariri, lri bekacaku ku tangea ku swadalepe ka palra ka lri paralubu iniane.” 19Ku Tamatama ka Twaumase ala arakai ku dae bekace ku makaelaeela ku waudriwdripi si adhadhame, la malra liniane pucucubungu kwini ki lasu, si kamani ku swanagane; kwini lasu la sunagane sanaka waudriwdripi. 20Kai lasu swanagane ki lanilapulapwane, laadhadhame, si labulabulai; ai, kadrwa liniane ku natangeanga ku swadalepe ka palraini, ku lri maka paralubu iniane.
21Lakamani, ku Tamatama ka Twaumase la paereke kwini ki lasu. Kwini lasu sa kasipelrenge sakaereke, ku Tamatama ka Twaumase la malra ku vaeva ku vigwaini, la pwa sawlri apaelre kwini beate. 22Ku Tamatama ka Twaumase la arakai kwini vigwa bekace ku tangea ka ababai, la iluku kwini ki alisu pucucubungu kwini ki lasu. 23Kwini lasu la iya kai,
kikai amanilringa ku twalai ki culraleli,
ka twalai ki beateli;
“Ababai#2.23 “Ababai” si “Sawvalai” ku tangadrane ka pacase twalai ki vaeva ka pacase ki Hiburu.” lri iyaku iniane,
asi lwiyane kikai alisu twalai ki “Sawvalai” kainganai.
24Lakamani, ku sawvalai lri kitukudha ki marudrawdrangeini, si maelre ki taelrelreini, kwini tadrusa lai ka vaevanga ka kinawmasane.
25Kwini lasu si taelrelreini vialralralrakane, ai kai kiarimu kainu.
© The Bible Society in Taiwan, 2017
All rights reserved
© 臺灣聖經公會版權所有，2017
Tabekacane 2
2
1La ngimia kikai, kikai lepawngane sanaka maneemane maka wabeekacenga. 2Ikai ki samaka pitulu, ku Twaumase twalreepengenga ku tabekacaneini kaungu la isadra ku awngane. 3La subulrubulru baai ki samakapitulu, si tusaniange kwini ki vai ka mwakalrivili ka vai; asi lwiyane yakai kwini ki vai tulrepenge ku tabekacane#2.3 “yakai kwini ki vai tulrepenge ku tabekacane” ku wahunyake madu iya kai “aswala kwini ki vai ku Twaumase twalrepengeenga bekace”., la palikai ku awngane si isadra. 4Kikai yai amani ku tangilribatane sa bekace ku Twaumase ki lepawngane.
Mawivaivai ka Idingi
Ku Tamatama ka Twaumase sa bekace kai ki lepawngane yai, 5kai daedae kadrwa ku ubulu si angatu, kadrwa ku lalacenge, asi lwiyane kaiyana pawdale, la kakadrwa ku umawmase ku mauawngu; 6ai yakaai ku acilai ku twalai adringi ki kadaengane beraberai, pakalrealreke ki kadaengane.
7Sakabilrilinga, ku Tamatama ka Twaumase la arakai ku lamenge ki daedae bekace tuumawmase#2.7 “daedae” si “umawmase” ku tangadrane ka pacase twalai ki vaeva ka pacase ki Hiburu., la malra ku saseverane ki niake ipi pwadringi ki ngungwaneini, kai lasu la kirimunga ka yakai ku niake ka umawmase.
8Ku Tamatama ka Twaumase yakai kavai tali talrawane cegecege ku Idingi ka mawivaivai, la malra ki bekaceini ka umawmase pasutelrai pikai kwini adringi. 9Ku Tamatama ka Twaumase pacebe kwini ki kadaengane ku makaelaeela ku tathaaithariri ku laangatu, la pumadru ka talimememe. Ikai kwini ki mawivaivai yakai ku taluvaale ku patarwamaara ku niake ka angatu, la mialri ikai ku taluvaale ku wadulru pathingale ki umawmase ku mathariri si malisi ka angatu#2.9 “wadulru pathingale ki umawmase ku mathariri si malisi ka angatu” ku wahunyake madu iya kai “Wabaai sanaka lrigilane ki umawmase ka angatu”..
10Yakai ku vaeva ku kadravane ku twalai Idingi kainganai mwaludru, si pwacilai kwini ki mawivaivai. La mwaludru mulatadre Idingi, si mawvagavagai mau supate ka vaalru. 11Ku sivaale ku vaalru sia Pisunge, ngiavalritutuku kavai Havila. 12Ki talikai kwini tatwaladhane ku kakingiane, bekelane ka nisilasilapane ka sarakaikaiyane tusapasangulrelremane, si tinukucingalrane ka lrenege. 13Ku sakadrusa ku vaalru sia Gihunge, ngiathalrilringulu Kuse#2.13 “Kuse” ku wahunyake madu iya kai “Sudane”.. 14Ku sakatulru ku vaalru sia Tigerise, ngwakakaai bitake tali talrawane Asiria. Ku sakasupate ku vaalru sia Yuparati.
15Ku Tamatama ka Twaumase la malra kwini ki umawmase pasutelrai pikai Idingi, si pakauawngu iniane, drangalrungalru kwini ki mawivaivai. 16Ku Tamatama ka Twaumase la drekase kwini ki umawmase, “Sanaka madru ki ivai ikai kai ki mawivaivai, lri dulrusu kane patuelre. 17Kathaane kavai lri dulru pathingale ki umawmase ku mathariri si malisi ka madru ki angatu, kaisu lri kane lutuumane; lu kanesu, ikai kwini ki vaivai lri tara pacaisu.”
18Sangilribatenga, ku Tamatama ka Twaumase la iya kai, “Kai umawmase lu tangeangea cekecekecekele kai mathariri, lri bekacaku ku tangea ku swadalepe ka palra ka lri paralubu iniane.” 19Ku Tamatama ka Twaumase ala arakai ku dae bekace ku makaelaeela ku waudriwdripi si adhadhame, la malra liniane pucucubungu kwini ki lasu, si kamani ku swanagane; kwini lasu la sunagane sanaka waudriwdripi. 20Kai lasu swanagane ki lanilapulapwane, laadhadhame, si labulabulai; ai, kadrwa liniane ku natangeanga ku swadalepe ka palraini, ku lri maka paralubu iniane.
21Lakamani, ku Tamatama ka Twaumase la paereke kwini ki lasu. Kwini lasu sa kasipelrenge sakaereke, ku Tamatama ka Twaumase la malra ku vaeva ku vigwaini, la pwa sawlri apaelre kwini beate. 22Ku Tamatama ka Twaumase la arakai kwini vigwa bekace ku tangea ka ababai, la iluku kwini ki alisu pucucubungu kwini ki lasu. 23Kwini lasu la iya kai,
kikai amanilringa ku twalai ki culraleli,
ka twalai ki beateli;
“Ababai#2.23 “Ababai” si “Sawvalai” ku tangadrane ka pacase twalai ki vaeva ka pacase ki Hiburu.” lri iyaku iniane,
asi lwiyane kikai alisu twalai ki “Sawvalai” kainganai.
24Lakamani, ku sawvalai lri kitukudha ki marudrawdrangeini, si maelre ki taelrelreini, kwini tadrusa lai ka vaevanga ka kinawmasane.
25Kwini lasu si taelrelreini vialralralrakane, ai kai kiarimu kainu.
© The Bible Society in Taiwan, 2017
All rights reserved
© 臺灣聖經公會版權所有，2017