Yuhani 1
1
Vaga ka niake
1Sa kaiyana kibekace kai lepawngane, kai Vaga yakaiinga. Kai Vaga si Twaumase matatapalra; kai Vaga yai Twaumase. 2Ikai ki satawpathagili, kai Vaga si Twaumase matatapalra. 3Kai Twaumase pangwakai iniane si bekace sanaka maneemane; ikai ki tabekacane patueelre, kadrwa ku navaevanga ku kai ngwakai iniane si kibekace. 4Kai Vaga amani ku tatwaladhane ki niake, kikai niake wabaai ki umawmase ku ledra. 5Kai ledra paledra ki dradrimitane, kai dradrimitane kadrwana ku tapaamalebeane ki ledra.
6Yakai ku tangea ku umawmase, ku naganeini sia Yuhani, amani kudra sikawlu ki Twaumase ka sasiakawlu. 7Kai lasu ku kelaini lri pasikai ki ledra pelaela, pakai ku akilalraneta makanaelre kwini matiakiragai ka vagaini si la kasalru. 8Kai lasu kaika amani kwini ledra, amaani ku lri pasikai ki ledra pelaela. 9Kwini ledra amani ku patengane ka ledra, ka kaiyanganai mukawmasane si paledra ki sanaka umawmase.
10Kai Vaga yakai kawmasane, ku Twaumase pangwakai iniane si bekace kawmasane, ai kai kawmasane kai umawmase, kai wathingale iniane. 11Kai lasu kaiyanganai mwa ki cekeleini, kwi sakacekeleini la kai tarumara iniane. 12Ai, sanaka tarwamara iniane, amani ku masalru iniane, kwini lasu lai lri baai liniane ku pinawkalrivilane ka puku ku akisilalakane ki Twaumase. 13Ku miyaiya kai ku umawmase, kaika ngwakai ki erai ki umawmase, kaika ngwakai ku tamaelreane ki sawvalai si ababai, la kai ngukai ki kidremedreme ki sawvalai si kitulalake, twalai ki Twaumase kitulalake.
14Ku Vaga aumawmase, si ikai mitane, la suete ku sakialibake si patengane ka sabulrwane. Wadrelengata ku lriguini, kikai lrigu ala amani ku alrane ki beraberathane ka Lalake ki Tama.
15Ku Yuhani pasiakai iniane pelaela, si akwadrau tawtau iya kai, “Kudra ngwakai iniane, nakawarivanga naku iya kai, ‘Kai lasu abilrili nakwane kainganai, ai sanianiange nakwane; asi lwiyane sa kainaku kitulalakeana, kai lasu yakainga.’ ”
16Twalai kudra ki ngiradhekananeini, tarwamarangata ku migemi, si ku migemi la aru drimana. 17Ku Twaumase pangwakai ki Musi pelaela pathingale ku hulrice, ai ku migemi si patengane ka sabulrwane pangwakai ki Yesu Kirisitu kainganai. 18Kadrwana ku umawmase ku wadrelenga ki Twaumase, kathaane ku beraberathane ka Lalake ka Twaumase#1.18 “kathaane ku beraberathane ka Lalake ka Twaumase” yakai ku sidrumane ka hungu ku amia kai “kathaane ku mararaamau ki Twaumase ka beraberathane ka Lalake”; la ikaai ku sidrumane ka hungu ku amia kai “kathaane ku beraberathane ka Lalake”., ka amani kwidra tangea ka makisudawdaalrunga ki Tama, ka waalra iniane paathingalane.
Vaga ki tarapabanau ka Yuhani
(Matai 3.1-12; Maruku 1.1-8; Luka 3.1-18)
19Kai bilrilane yai pelaela ki Yuhani. Sakamani kwidra, ku yakai Yerusalrime ka lamabelenge ki swa Yuda pakamani ki barakalai si swa Lrivi mwa kikawriva ki Yuhani, “Aneanesu?” Iya kivaga iniane.
20Ku Yuhani la kai icelrebe kai tubalre, pwadriadriingailringa iya kai liniane, “Kainaku ka Kirisitu.”
21Kwini lalasu la kivaga, “Luka ngimiyaiya kwini, laka aneanesu? Laka Ilriasu?”
Ku Yuhani la tubalre, “Kainaku kaamani.”
Kwi lalasu la peelana kivaga, “Amanisu kwidra yuginsia?”
Kwi lasu, “Ini” la iya pela tubalre.
22Kwi lalasu la pacuungulu iya kai, “Ala pelaela naiane, luka aneanesu, la nai tubalre pelaela kwidra ki siakawlu naiane. Ala ngipapelaela, aneanesu?”
23Ku Yuhani la arakai ku vaga ki yuginsia ka Isaiya tubalre, si iya kai:
“Amaniaku kudra yakai ubulane akwadradrau ka lingau:
Pasikaikai ki Tamatama pudriadringai pakadringelrese ku angukaiyaneini ku kadalranane!”
24Kudra laumawmase ku pakainganai ki swa Palrisai 25la kivaga iya kai ki Yuhani, “Kusu ka kaika Kirisitu, kaika Ilria, la kaika amani kwidra yuginsia, lasu pabanau midra?”
26Ku Yuhani la iya kai tubalre, “Arakaiyaku ku acilai pabanau; ai yakai ku tangea ka acegecege ikai numiane, ka kaika thingale numi, 27kai lasu abilrili nakwane kainganai, adravane ka aukeceane iniane kainaku swadalepe.”
28Kikai ngimiyaiya kai amani sa ibalrealreanane kadravane Yuredange ka Bithani, amani kwidra taikaiyane pabanau ki Yuhani.
Lrulai ka Kiu ki Twaumase
29Sakakaiyane, ku Yuhani wadrele ki Yesu sa papiapia iniane kainganai, la iya kai, “Drela, ka Lrulai ka Kiu ki Twaumase, mwalra ku pasalrivane ki yakawmasane! 30Kikai amani kudra iyangali, ‘Kai lasu abilrili nakwane kainganai, ai sanianiange nakwane, asi lwiyane sa kainaku kitulalakeana, kai lasu yakainga.’ 31Kainaku wathingale iniane, kai kelali kaiasasane, arakaiyaku ku acilai pabanau, pakai ku lrika athingalane ki swa Iseraylri iniane.”
32Ku Yuhani la pelaelana iya kai, “Wadrelaku ki Siri mia ki tavagu twalai belenge kainganai ulebe, si makakai ki kinawmasaneini. 33La kainaku thingaleana iniane, ai kwidra siakawlu nakwane si paarakai ku acilai pabanau ka Twaumase amia kai nakwane, ‘Ku drelesu sa kainganai ulebe ku Siri, si makakai ki kinawmasane ki aneane, lrika amani ku lri arakai ku Siri pabanau.’ 34Wadrelenga naku, lakamani ku pelaelali numiane kai lasu amani ku Lalake ki Twaumase.”
Satawpilri ki lasitu
35La ngilribatenga ku minakavalane, ku Yuhani si tadrusa ka situini la ikaainga kwini; 36kai lasu wadrele sa lribate ku Yesu, la iya kai, “Drela, ki Lrulai ka Kiu ki Twaumase!”
37Kudra tadrusa ka situ sa kilalra kikai vaga, la tupapalranga ki Yesu. 38Ku Yesu la ngibangulu, si drele liniane sa tupapapalra, la kivaga iya kai, “Manemane ku urikaikai numi?”
Kwi lalasu la tubalre iya kai, “Rabi yainu ku taikaiyanesu?” (“Rabi” lwiyane ku pacugane “Sinsi” amia.)
39Ku Yesu la iya kai, “Kunumi bwala drela!” Kwi lalasu la tupapalra iniane katwase, si drelenga ku taikaiyaneini, sakavaivai la ikainga kwini taelre iniane sulai. (Sa ngimiyaiya kwini lri ikai ku supate ki tuki ki miawbu.)
40Kudra kilalra ku vaga ki Yuhani si tupapalra ki Yesu ka tadrusa, kudra tangea agi ki Simune Pitiru ka Anederiu. 41Kai lasu paswala katwase silape ki takaini ka Simune, la iya kai iniane, “Kiapadradresengenga nai ki Misaia.” (“Misaia” ku pacugane “Kirisitu” amia.) 42Ala ililuku ki Simune katwase kidrele ki Yesu.
Ku Yesu la drele iniane, si iya kai “Kusu ka lalake ki Yuhani ka Simune, ku naganesu lri si Kipase.” (Kipase si Pitiru mararaamau ku pacugane, ku pacugane yai “Alrisapesape” amia.)
Wadawlu ki Pilripi si Nathanaile
43Sangilribatenga ku minakavalane, ku Yesu la kidremedreme ku wamwa Galrilri. La kipadradresenge ki Pilripi, la iya kai iniane, “Bwala tupapalraili!” 44(Kai Pilripi swa Bithesaida, ka sakacekele ki Anederiu si Pitiru.) 45Ku Pilripi sa kidringai ki Nathanaile, la iya kai iniane, “Kudra pacase ikai ki hulrice ki Musi si kudra pacase ki layuginsia pangukai kudra ki lasu, kiapadradresengenga nai. Kwi lasu lalake ki Yusepe, ka swa Nazarethe ka Yesu.”
46Ku Nathanaile la kivaga, “Manemane ku mathariri kulri twalai ki swa Nazarethe?”
Ku Pilripi la iya kai, “Bwala drela!”
47Sa drele ku Yesu sa kaingananganai papia iniane ku Nathanaile, kiarimu iya kai, “Drela, ka lasu tengatengane ka swa Iseraylri; ka kidremedremeini kadrwa ku draedrangelrane!”
48La kivaga iniane ku Nathanaile, “Asu thingale nakwane?”
La tubalre ku Yesu iya kai, “Sa itailebesu ki angatu ki icizike, sakaiyana dawlu muswane ku Pilripi, wadrelenga naku muswane.”
49Ku Nathanaile la iya kai, “Sinsi, Lalakesu ki Twaumase, talialalaisu ki swa Iseraylri!”
50Ku Yesu la iya kai, “Amani sa pelaelaku muswane, wadrelaku muswane sa itailebesu ki icizike ka angatu iya, lakamani ku kasalrusu? Lri drelesu ku madradrau kikai ki miyaiya kai!” 51La iyanga kai liniane, “Lri tupudriadriingadhaku pelaela numiane, lri drele numi ku ngwaelebane ka subelebelenge, ku sasiakawlu ki Twaumase la ikai belenge ki kinawmasane ki Lalake ki Umawmase, mubelebelenge si mulebelebe masasawlriwlri.”
© The Bible Society in Taiwan, 2017
All rights reserved
© 臺灣聖經公會版權所有，2017
Yuhani 1
1
Vaga ka niake
1Sa kaiyana kibekace kai lepawngane, kai Vaga yakaiinga. Kai Vaga si Twaumase matatapalra; kai Vaga yai Twaumase. 2Ikai ki satawpathagili, kai Vaga si Twaumase matatapalra. 3Kai Twaumase pangwakai iniane si bekace sanaka maneemane; ikai ki tabekacane patueelre, kadrwa ku navaevanga ku kai ngwakai iniane si kibekace. 4Kai Vaga amani ku tatwaladhane ki niake, kikai niake wabaai ki umawmase ku ledra. 5Kai ledra paledra ki dradrimitane, kai dradrimitane kadrwana ku tapaamalebeane ki ledra.
6Yakai ku tangea ku umawmase, ku naganeini sia Yuhani, amani kudra sikawlu ki Twaumase ka sasiakawlu. 7Kai lasu ku kelaini lri pasikai ki ledra pelaela, pakai ku akilalraneta makanaelre kwini matiakiragai ka vagaini si la kasalru. 8Kai lasu kaika amani kwini ledra, amaani ku lri pasikai ki ledra pelaela. 9Kwini ledra amani ku patengane ka ledra, ka kaiyanganai mukawmasane si paledra ki sanaka umawmase.
10Kai Vaga yakai kawmasane, ku Twaumase pangwakai iniane si bekace kawmasane, ai kai kawmasane kai umawmase, kai wathingale iniane. 11Kai lasu kaiyanganai mwa ki cekeleini, kwi sakacekeleini la kai tarumara iniane. 12Ai, sanaka tarwamara iniane, amani ku masalru iniane, kwini lasu lai lri baai liniane ku pinawkalrivilane ka puku ku akisilalakane ki Twaumase. 13Ku miyaiya kai ku umawmase, kaika ngwakai ki erai ki umawmase, kaika ngwakai ku tamaelreane ki sawvalai si ababai, la kai ngukai ki kidremedreme ki sawvalai si kitulalake, twalai ki Twaumase kitulalake.
14Ku Vaga aumawmase, si ikai mitane, la suete ku sakialibake si patengane ka sabulrwane. Wadrelengata ku lriguini, kikai lrigu ala amani ku alrane ki beraberathane ka Lalake ki Tama.
15Ku Yuhani pasiakai iniane pelaela, si akwadrau tawtau iya kai, “Kudra ngwakai iniane, nakawarivanga naku iya kai, ‘Kai lasu abilrili nakwane kainganai, ai sanianiange nakwane; asi lwiyane sa kainaku kitulalakeana, kai lasu yakainga.’ ”
16Twalai kudra ki ngiradhekananeini, tarwamarangata ku migemi, si ku migemi la aru drimana. 17Ku Twaumase pangwakai ki Musi pelaela pathingale ku hulrice, ai ku migemi si patengane ka sabulrwane pangwakai ki Yesu Kirisitu kainganai. 18Kadrwana ku umawmase ku wadrelenga ki Twaumase, kathaane ku beraberathane ka Lalake ka Twaumase#1.18 “kathaane ku beraberathane ka Lalake ka Twaumase” yakai ku sidrumane ka hungu ku amia kai “kathaane ku mararaamau ki Twaumase ka beraberathane ka Lalake”; la ikaai ku sidrumane ka hungu ku amia kai “kathaane ku beraberathane ka Lalake”., ka amani kwidra tangea ka makisudawdaalrunga ki Tama, ka waalra iniane paathingalane.
Vaga ki tarapabanau ka Yuhani
(Matai 3.1-12; Maruku 1.1-8; Luka 3.1-18)
19Kai bilrilane yai pelaela ki Yuhani. Sakamani kwidra, ku yakai Yerusalrime ka lamabelenge ki swa Yuda pakamani ki barakalai si swa Lrivi mwa kikawriva ki Yuhani, “Aneanesu?” Iya kivaga iniane.
20Ku Yuhani la kai icelrebe kai tubalre, pwadriadriingailringa iya kai liniane, “Kainaku ka Kirisitu.”
21Kwini lalasu la kivaga, “Luka ngimiyaiya kwini, laka aneanesu? Laka Ilriasu?”
Ku Yuhani la tubalre, “Kainaku kaamani.”
Kwi lalasu la peelana kivaga, “Amanisu kwidra yuginsia?”
Kwi lasu, “Ini” la iya pela tubalre.
22Kwi lalasu la pacuungulu iya kai, “Ala pelaela naiane, luka aneanesu, la nai tubalre pelaela kwidra ki siakawlu naiane. Ala ngipapelaela, aneanesu?”
23Ku Yuhani la arakai ku vaga ki yuginsia ka Isaiya tubalre, si iya kai:
“Amaniaku kudra yakai ubulane akwadradrau ka lingau:
Pasikaikai ki Tamatama pudriadringai pakadringelrese ku angukaiyaneini ku kadalranane!”
24Kudra laumawmase ku pakainganai ki swa Palrisai 25la kivaga iya kai ki Yuhani, “Kusu ka kaika Kirisitu, kaika Ilria, la kaika amani kwidra yuginsia, lasu pabanau midra?”
26Ku Yuhani la iya kai tubalre, “Arakaiyaku ku acilai pabanau; ai yakai ku tangea ka acegecege ikai numiane, ka kaika thingale numi, 27kai lasu abilrili nakwane kainganai, adravane ka aukeceane iniane kainaku swadalepe.”
28Kikai ngimiyaiya kai amani sa ibalrealreanane kadravane Yuredange ka Bithani, amani kwidra taikaiyane pabanau ki Yuhani.
Lrulai ka Kiu ki Twaumase
29Sakakaiyane, ku Yuhani wadrele ki Yesu sa papiapia iniane kainganai, la iya kai, “Drela, ka Lrulai ka Kiu ki Twaumase, mwalra ku pasalrivane ki yakawmasane! 30Kikai amani kudra iyangali, ‘Kai lasu abilrili nakwane kainganai, ai sanianiange nakwane, asi lwiyane sa kainaku kitulalakeana, kai lasu yakainga.’ 31Kainaku wathingale iniane, kai kelali kaiasasane, arakaiyaku ku acilai pabanau, pakai ku lrika athingalane ki swa Iseraylri iniane.”
32Ku Yuhani la pelaelana iya kai, “Wadrelaku ki Siri mia ki tavagu twalai belenge kainganai ulebe, si makakai ki kinawmasaneini. 33La kainaku thingaleana iniane, ai kwidra siakawlu nakwane si paarakai ku acilai pabanau ka Twaumase amia kai nakwane, ‘Ku drelesu sa kainganai ulebe ku Siri, si makakai ki kinawmasane ki aneane, lrika amani ku lri arakai ku Siri pabanau.’ 34Wadrelenga naku, lakamani ku pelaelali numiane kai lasu amani ku Lalake ki Twaumase.”
Satawpilri ki lasitu
35La ngilribatenga ku minakavalane, ku Yuhani si tadrusa ka situini la ikaainga kwini; 36kai lasu wadrele sa lribate ku Yesu, la iya kai, “Drela, ki Lrulai ka Kiu ki Twaumase!”
37Kudra tadrusa ka situ sa kilalra kikai vaga, la tupapalranga ki Yesu. 38Ku Yesu la ngibangulu, si drele liniane sa tupapapalra, la kivaga iya kai, “Manemane ku urikaikai numi?”
Kwi lalasu la tubalre iya kai, “Rabi yainu ku taikaiyanesu?” (“Rabi” lwiyane ku pacugane “Sinsi” amia.)
39Ku Yesu la iya kai, “Kunumi bwala drela!” Kwi lalasu la tupapalra iniane katwase, si drelenga ku taikaiyaneini, sakavaivai la ikainga kwini taelre iniane sulai. (Sa ngimiyaiya kwini lri ikai ku supate ki tuki ki miawbu.)
40Kudra kilalra ku vaga ki Yuhani si tupapalra ki Yesu ka tadrusa, kudra tangea agi ki Simune Pitiru ka Anederiu. 41Kai lasu paswala katwase silape ki takaini ka Simune, la iya kai iniane, “Kiapadradresengenga nai ki Misaia.” (“Misaia” ku pacugane “Kirisitu” amia.) 42Ala ililuku ki Simune katwase kidrele ki Yesu.
Ku Yesu la drele iniane, si iya kai “Kusu ka lalake ki Yuhani ka Simune, ku naganesu lri si Kipase.” (Kipase si Pitiru mararaamau ku pacugane, ku pacugane yai “Alrisapesape” amia.)
Wadawlu ki Pilripi si Nathanaile
43Sangilribatenga ku minakavalane, ku Yesu la kidremedreme ku wamwa Galrilri. La kipadradresenge ki Pilripi, la iya kai iniane, “Bwala tupapalraili!” 44(Kai Pilripi swa Bithesaida, ka sakacekele ki Anederiu si Pitiru.) 45Ku Pilripi sa kidringai ki Nathanaile, la iya kai iniane, “Kudra pacase ikai ki hulrice ki Musi si kudra pacase ki layuginsia pangukai kudra ki lasu, kiapadradresengenga nai. Kwi lasu lalake ki Yusepe, ka swa Nazarethe ka Yesu.”
46Ku Nathanaile la kivaga, “Manemane ku mathariri kulri twalai ki swa Nazarethe?”
Ku Pilripi la iya kai, “Bwala drela!”
47Sa drele ku Yesu sa kaingananganai papia iniane ku Nathanaile, kiarimu iya kai, “Drela, ka lasu tengatengane ka swa Iseraylri; ka kidremedremeini kadrwa ku draedrangelrane!”
48La kivaga iniane ku Nathanaile, “Asu thingale nakwane?”
La tubalre ku Yesu iya kai, “Sa itailebesu ki angatu ki icizike, sakaiyana dawlu muswane ku Pilripi, wadrelenga naku muswane.”
49Ku Nathanaile la iya kai, “Sinsi, Lalakesu ki Twaumase, talialalaisu ki swa Iseraylri!”
50Ku Yesu la iya kai, “Amani sa pelaelaku muswane, wadrelaku muswane sa itailebesu ki icizike ka angatu iya, lakamani ku kasalrusu? Lri drelesu ku madradrau kikai ki miyaiya kai!” 51La iyanga kai liniane, “Lri tupudriadriingadhaku pelaela numiane, lri drele numi ku ngwaelebane ka subelebelenge, ku sasiakawlu ki Twaumase la ikai belenge ki kinawmasane ki Lalake ki Umawmase, mubelebelenge si mulebelebe masasawlriwlri.”
© The Bible Society in Taiwan, 2017
All rights reserved
© 臺灣聖經公會版權所有，2017