Эклц 7
7
1Деед Эзн Ноахд келнә:
– Өрк-бүләрн кермд орад суутн. Чи өдгә үйнрин дунд, Мини өмн, үннч күн болҗахичн Би үзҗәнәв. 2Цевр мал-адусдас зүс-зүсәрнь долаһад эр, эм ав, цевр бишин зүсн болһнаснь хошадар эр, эм ав, 3теңгрин шовудас долаһад эр, эм ав – һазр деер тедниг зүс-зүсәрнь бәәлһхин төлә бийләһән ав. 4Дола хонад 40 өдр, 40 сө орх хур һазрт Би илгәнәв. Үүдәгдсн әмтә-киитә цуг юмиг һазр деерәс Би уга кенәв.
5Деед Эзнә заавриг Ноах цугинь күцәв.
6Усна аюл һазр деер ирхд, Ноах 600 наста бәәҗ. 7Ноах, терүнә көвүд, терүнә гергн, көвүдиннь гергд усна аюлас әмд үлдхин төлә кермд орцхана. 8-9Цевр болн цевр биш мал-адусд, шовуд болн һазрар мөлкдгүд цуһар Ноах тал ирлдәд, кермд орна. Бурхн Ноахд заксар тедн эр эмтәһән хошадар кермд орцхана. 10Долан хонг давхла, усна аюл һазр деер болна.
11Ноахин 600 насна өөнлә, хойрдгч сарин арвн доладгч өдрлә һазр дор бәәсн цуг булгуд хаһрна, теңгр секгднә, 12һазр деер 40 өдр, 40 сө хур орна.
13Минь тер өдрлә Ноах, Ноахин көвүд Шем, Хам болн Япет, Ноахин гергн, терүнә һурвн көвүнә гергд кермд орҗ сууцхана. 14Теднлә хамдан цуг әмтә-киитә тоот зүс-зүсәрн кермд орцхана: зерлг аңгуд, мал-адусд, һазрар мөлкдгүд, шовуд цугтан. 15Әмтә-киитә тоот цугтан Ноах тал ирәд, кермд хошадар орв. 16Бурхн Ноахд заксар бәәсн әмтә-киитә юмнас эр эм хойр ирцхәҗ. Деед Эзн теднә ардас үүдинь хаав.
17Усна аюл 40 хонгтан болв, усн икдәд, кермиг һазр деерәс өөдән өргв. 18Усн дегд икәр орад, зөвәр деегшән өөдлв, керм усчв. 19Һазр деерәс усн келҗ болшгоһар өөдлв, теңгр дор бәәх цуг өндр уулмудыг бүркв. 20Усн өөдләд өндртән 15 тохаһас#7:20 6,9 м шаху. үлүһәр цуг уулмудыг бүркв. 21Һазр деер бәәсн әмтә-киитә юмн цугтан үкв – шовуд, мал-адусд, зерлг аңгуд, һазр деер бигшҗәсн мөлкдгүд, цуг улс. 22Хагсу һазр деер хамрарн кииһән авчасн тоот цугтан үкв. 23Һазр деер бәәсн әмтә-киитә тоотыг Деед Эзн уга кев: әмтиг болн малмудыг, мөлкдгүдиг болн теңгрин шовудыг. Һанцхн Ноах, терүнлә кермд йовснь әмд үлдв. 24Усна аюл һазриг 150 өдртән бүркв.
© Институт перевода Библии, 2002-2023
Эклц 7
7
1Деед Эзн Ноахд келнә:
– Өрк-бүләрн кермд орад суутн. Чи өдгә үйнрин дунд, Мини өмн, үннч күн болҗахичн Би үзҗәнәв. 2Цевр мал-адусдас зүс-зүсәрнь долаһад эр, эм ав, цевр бишин зүсн болһнаснь хошадар эр, эм ав, 3теңгрин шовудас долаһад эр, эм ав – һазр деер тедниг зүс-зүсәрнь бәәлһхин төлә бийләһән ав. 4Дола хонад 40 өдр, 40 сө орх хур һазрт Би илгәнәв. Үүдәгдсн әмтә-киитә цуг юмиг һазр деерәс Би уга кенәв.
5Деед Эзнә заавриг Ноах цугинь күцәв.
6Усна аюл һазр деер ирхд, Ноах 600 наста бәәҗ. 7Ноах, терүнә көвүд, терүнә гергн, көвүдиннь гергд усна аюлас әмд үлдхин төлә кермд орцхана. 8-9Цевр болн цевр биш мал-адусд, шовуд болн һазрар мөлкдгүд цуһар Ноах тал ирлдәд, кермд орна. Бурхн Ноахд заксар тедн эр эмтәһән хошадар кермд орцхана. 10Долан хонг давхла, усна аюл һазр деер болна.
11Ноахин 600 насна өөнлә, хойрдгч сарин арвн доладгч өдрлә һазр дор бәәсн цуг булгуд хаһрна, теңгр секгднә, 12һазр деер 40 өдр, 40 сө хур орна.
13Минь тер өдрлә Ноах, Ноахин көвүд Шем, Хам болн Япет, Ноахин гергн, терүнә һурвн көвүнә гергд кермд орҗ сууцхана. 14Теднлә хамдан цуг әмтә-киитә тоот зүс-зүсәрн кермд орцхана: зерлг аңгуд, мал-адусд, һазрар мөлкдгүд, шовуд цугтан. 15Әмтә-киитә тоот цугтан Ноах тал ирәд, кермд хошадар орв. 16Бурхн Ноахд заксар бәәсн әмтә-киитә юмнас эр эм хойр ирцхәҗ. Деед Эзн теднә ардас үүдинь хаав.
17Усна аюл 40 хонгтан болв, усн икдәд, кермиг һазр деерәс өөдән өргв. 18Усн дегд икәр орад, зөвәр деегшән өөдлв, керм усчв. 19Һазр деерәс усн келҗ болшгоһар өөдлв, теңгр дор бәәх цуг өндр уулмудыг бүркв. 20Усн өөдләд өндртән 15 тохаһас#7:20 6,9 м шаху. үлүһәр цуг уулмудыг бүркв. 21Һазр деер бәәсн әмтә-киитә юмн цугтан үкв – шовуд, мал-адусд, зерлг аңгуд, һазр деер бигшҗәсн мөлкдгүд, цуг улс. 22Хагсу һазр деер хамрарн кииһән авчасн тоот цугтан үкв. 23Һазр деер бәәсн әмтә-киитә тоотыг Деед Эзн уга кев: әмтиг болн малмудыг, мөлкдгүдиг болн теңгрин шовудыг. Һанцхн Ноах, терүнлә кермд йовснь әмд үлдв. 24Усна аюл һазриг 150 өдртән бүркв.
© Институт перевода Библии, 2002-2023