Lûk 7
7
Jisòs chwuk wùt fètana wù to sù sojà
(Mat 8.5-13)
1À ndùku mô te Jisòs jìsa mihe gha ghe wù ndùku khɨŋa na ghɨta yu, wù kahi chwo yi tèk yi Kàbanùm. 2To sù Sojà ghɨt a Lûm ale mô afû, kəta wùt à wun wù fètana kôŋà wûn nâ jûŋ. Wùt fètana àtɨ̂n ndùku yafa nâ haŋaŋ kpo yênà. 3To sù Sojà ghɨ̂n yu kum Jisòs, tum chəhsu Jûs su lesu na su yê chyati wûn ma wù bê chwuk wùt à wûn wù fèt. 4Ghɨna yen yen Jisòs chyati wûn nâ haŋaŋ jis na, “Gàmti wùt wunâ, a mò kə nâ wut shyəma wò gamti. 5Wù kòŋàlò ghɨt a ghàhnà, ma wù tî gâmtì ba ndâ ghàhnà yì chìntì.” 6Ni, Jisòs lo ghê ghɨna. À hì mô te wù gbe hì bakhe yênà a to sù sojà ghe ndâ, to sù sojà ghê tum sunsu wunsu na, su yê jis ha Jisòs na, “Bâba, kə fi yen ngə̂k yâ hi bèn a mo ndâ beka mu kpene wi shyəma wò lye a mu ndâ, 7à mò gha ye yi yê hì bona wi na mu bê yen wò nì ngɨŋ à mì, biyani jis kə yi jîs na wùt à mù wù fètana ta ma wù ta, 8mu jìsà ni beka mu boŋa fètà a ghɨta yi dèt, kəta nâbi sojàsù a mu yi dèt. Mu jîsà ha wun na, ‘Wu yen!’ Wu yen kə yi yên, mu jis ha wùlè na, ‘Bì!’ Wu ben kə yi bên. Mu jis ha wùt mù wù fetana na, ‘Wu nì ni!’ Wu ni kə yi nî.”
9Jisòs yu gha yê wù jìsa ni, jwo yim wûn, wù jis a nôn à ghɨ̂t ghe ghɨ ndùku jûmtè wûn na, “Mu fòktè ha ghàn na, mu tà timi yen jə wùt wù kəta yi nki bimi yîn nâbi a Isalì.”
10Sunsu to sù sojà se kaha kolo a ndâ yen yen kə ma wùt fètana we ti tâ.
Jisòs lôhì wâ ywê nkwû a yi kpû
11Yi bàm yi tɨ̂n Jisòs lo yen a yi tèk yile ghɨ toŋte na Nân, jùmtìbàmsù wunsu nì nôn à ghɨ̂tà ghɨ dô kə ni, yen ghê wûn. 12À hì mô te wù bakhe bênà yi jwô yi tèk afû, wù yen ghɨta te ghɨ beka wùt kpona hì fwo bênà nì wûn. Wùt kpona wunâ ndùku mô kə wan wù lɨmà wù mòk we nè wûn ndùku kəta, nè wûn àtɨ̂n mô ywê nkwû. Ywê nkwû atɨ̂n ndùku mô ghê nôn à ghɨ̂tà ghɨ dô kə ni te ghɨ lo a yi tèk afû. 13Te Bâba yena wùt ywên wunâ, kwohi yi sen ha wûn nâ haŋaŋ, jis ha wun na, “Chinâ, kə fî ji.” 14Jisòs jis ni fwuti yenlò, yen kum khɨ̀na wùt kpona ghê, ghɨt ghe ghɨ tì bèka timî, wù jis na, “Wan wù kpuŋ, lòtî.” 15Wùt kpona we lôtì ndokò yîmì hi tè jìs. Jisòs khɨti wûn kaha fo wun ha nè wûn.
16Fânì kwo ghɨt à jɨ̀m afû. Ghɨna hì kokhe Yènfù jîsà na, “Fòktì wù chìk ti ben a ghàhnà fùtɨ̂n. Yènfù ti ben hi kina ghɨt a wuna!”
17Gha ghɨ̂n kum Jisòs waŋ Jùdiyà yì jɨ̀m, nâ nì lak tù jɨ̀m a bàh afû.
Jon Fo Mòlû tum ghɨt a wuna ghɨ tuma ha Jisòs, mô a ndâ chyâk
(Mat 11.2-19)
18Jùmtìbàmsu Jon Fo Mòlû fôktì kwok gha ghe Jisòs ndùku nê. Jon toŋa a ghɨt à bà 19tum na ghɨ yê buf ha Bâba Jisòs na, “À mò wò we wò ndùku kəta hi bèn ma, ma ghàh kəta hi tè yute wùt lè agha?”
20Ghɨt ghɨ̂n yên yen Jisòs, jis ha wun na, “Jon Fo Mòlû tum na ghàh bê buf ha wò na ‘À mò wò we wò ndùku kəta hi bèn ma, ma ghàh kəta hi te yute wùt wùlè agha?’”
21À ndùku mô a yu afû yâ, Jisòs chwuka ghɨta a tu yaf tu dô kə ni, jûmà fihe yohnù be fê nê na ghɨt a fefana kaha yen luktu. 22Jisòs kaha jis ha ghɨt a tum ghe na, “Ghàn boŋà kaha yê fokti ha Jon gha ghe ghàn yena nì ngɨŋ sanisu fî yu lò: Fèfù kaha yena tu luk, ghɨt a kəblena gbê, ghɨt a kuhana tâ, kwùkù ywo a ghâ, ghɨt a kputena lôtè a yi kpû, ghɨ fòktè tum yì jûŋ ha ghɨt a fufana. 23Jûŋ mò ha wùt we wù kante wijə mu.”
24Te ghɨt a tuma Jon ghe tì kaha lo, Jisòs yîmì hi jìs ha nôn à ghɨ̂t ghe kum Jon, buf nâ, “Ghàn tì yèn a yi lak yi sùsi hi yen a ghə? Ghàn tì yen hi yen a wùt wù nêkà te yi jyâŋà a yu afa fufa chyàlà ma? 25Bu yâ, ghàn tì yen hi yen a ghə? A wùt te wù lafa laf yi jûŋì ma? Ghàn hi khə na ghɨt ghe ghɨ lafa wu lum afû fî yə̂ mwə̀ mù jùŋ chyə kə tôk. 26Ghàn tì yen yi lak yi sùsi hi yen a wùt hì khɨŋa hi yen a ghə, a fòktì yì chìk ma? Yi mô kə nâ ni. Mu jìsà ha ghàn na wù chyàlò fòktì yì chìk. 27À mò Jon we ghɨ tì nyàka a ŋwàklù Fùyèn kum wun na,
‘Kike, mu bè tumalò wùt à mù wù tum
ma wù yen a wo ashyə̂ ma wù fati lumu ha wò.’
28Mu jìsà ha ghàn na, wùt tà timi hì mô a chyə afân, we wù chyàlà Jon Fo Mòlû, biyani nâbi we wù tobte chyâhè a luk wu fə̀n wù Fùyèn chyàlò wûn.”
29Ghɨt à jɨ̀m tì yu jis yi Jisòs bakhi nì ghɨt ghe ghɨ ndùku kâtà ŋwaklànà bimi gha ye Jisòs ndùku jîsà hì kokhe Yènfù beka ghɨna tì fye mòlû ha Jon. 30Biyani ghɨt a Falàsî nì chichàsu saksu tunhî hi khɨlî kwàktì ye Yènfù ndùku kəta kum ghɨna kəbi yi ghəl te ghɨna tì tunhe hi fye mòlû ha Jon.
31Jisòs fi kahi jis ha ghɨna na, “Mu lyi ma mu fəknà ghɨt a mbyî lân nâ nì ghə, ghɨna mò nâ te ghə agha?” 32Ghɨna mò te mwəlà me ghɨna mò a wu wən, ghɨna toŋa jîsà bênà ha ghɨ le na, ‘Ghàh ti yem njàŋsù fomasu na ghàn bɨn, ghàn tê bɨ̂n, fî yem njàŋsù kpusu na ghàn ji, ghàn tà jì.’ 33Mu jìsà ni beka Jon fô Mòlû tî bên yə wi hidù, nyo wi lùkû, ghàn jis na ‘Wu kəta yohnà be.’ 34Wâ Wùt ti bên hì yə̂ fê nyô, ghàn ti jis na, yen wùt wunâ ‘Wù yə chyàhèlò fê nyo chyâhè fê mô nì sunu ghê ghɨt ghe ghɨ kâtà ŋwàklànà nì ghɨt a be ale!’ 35“Biyani Yènfù chwùtè tof wu wunu wu mô tohna a gha afa ghɨt a wuna à jɨ̀m nè a ghɨna chyənà.”
Jisòs yə a wùt Falàsî a ndâ
36Wùt à Falàsî wùlè toŋa Jisòs na wù ben a wun a ndâ, ma ghê wûn yə. Wù yên chwo ndokò a lùk wu yənu. 37Wùt ywên wù gha be wùlè we wù ndùku chyə yi tèk afû yu na Jisòs yə a wùt à Falàsî a ndâ lyi sòk yìlè ma ghɨ fati nì ti yile ghɨ toŋte na àlàbastà, yûhì lìmtena mô atɨ̂n, yen nì yinì afû. 38Te wù yèna yâ, timi a Jisòs a ngwùŋ hì jyê, semù chemle a Jisòs wu wù, wù ngumti yah nì nyuŋsu wunsu tusu, wù baŋli wulu wunu fî yuhi nì yûhì lìmtena yê. 39Wùt à Falàsî we wù tì toŋa Jisòs yen gha ye hì jîsà ha ngɨŋ à wûn na, “Wùt wunâ ye hì mô kə nâ fòktì wù chìk, ma wù khəlò na wùt ywên we wu kùmà wun ni, na wù mò ni mô kə nâ wùt à gha be.”
40Jisòs toŋti Samùn jis na, “Samùn mu kəta lò gha hi jìs ha wò.”
Wù fîsì jis na, “Chichà, jìs à bî, mu yutelò.”
41Jisòs jis na, “Ghɨt à bà ndùku kətalò ka ha wùt we wù ndùku samhe ghɨta nì ka, wùt wù mòk ndùku kəta ka wu kwoka yake yi ghə yì tân, wùt lè kəta mtân. 42Nâ wùt mòk a ghɨna ndùku kəta wi ka hi kaha làk. Bì wu kâ atɨ̂n de yen nì ka tɨnu wù jɨ̀m ha ghɨna. Wò ni kwàktè na à mò nde atɨ̂n à ghɨ̂t afân à bà a wù ndùku kôŋà bè wu ka wùna chyâ wùlè agha?”
43Samùn fîsì na, “Mu kwàktè na a mò we a ghɨ tì de ka donu ha wûn.”
Jisòs jis ha wun na, “Wò jìsà kə nâ hamok.” 44Wù fî kahi wu wun fî ki wùt ywên àtɨ̂n jis ha Samùn na, “Wò ti yen wùt ywên wùna? Mu ye ben a wò ndâ, wò ti faŋ hi fo mòlû na mu su wulu mu atɨ̂n, biyani wù ti sû wulu mu nì semù yah nì nyuŋsu wunsu tusu. 45Wò tà ye baŋli jə mu a yu afa mu ye bena, nâ kə wu yu afa mu ye bena, wù ti faŋ hi yahlè mu. 46Wò tà ye tânhì jə to ma nâ kəbi nì chìnà mgut, biyani wù ti yuhi wulu mu nì yûhì yì lìmtena. 47Kum ni mu wu jîsà ha wò na, Koŋ yi chik ye wù chwùte ha mu chwùtè na Yènfù ti lehìfo gha wuna be nâ à jɨ̀m, biyani ghɨ lehèfo fùjiti boŋa chwûtè yi kôŋ fùjiti.”
48Jisòs ki jîs ha wùt ywen wùna na, “Mu ti lehìfo gha ghɨ be gha.”
49Ghɨt ale ghe a ndùku mô nì wûn wu lùk wu yənu hì kante a ghɨna sù ngɨŋ na, “À mò nâ nde mu wuna a wù lèhèfo besu ghɨ̂tsù?”
50Jisòs ki jîs ha wùt ywên àtɨ̂n na, “Bimî ya ti bônhì wò. Kolô kə nì yutìnì.” ft A chyəna ghɨt a Jûs, wùt ki bên a wò ndâ, wò ki fo mòlû na wù su wulu wunu atɨ̂n, ki tânhè mgut a wun a tû chwùtè na wu saŋlelò hi fye wûn a wò ndâ.
© Wycliffe Bible Translators, Inc.
Lûk 7
7
Jisòs chwuk wùt fètana wù to sù sojà
(Mat 8.5-13)
1À ndùku mô te Jisòs jìsa mihe gha ghe wù ndùku khɨŋa na ghɨta yu, wù kahi chwo yi tèk yi Kàbanùm. 2To sù Sojà ghɨt a Lûm ale mô afû, kəta wùt à wun wù fètana kôŋà wûn nâ jûŋ. Wùt fètana àtɨ̂n ndùku yafa nâ haŋaŋ kpo yênà. 3To sù Sojà ghɨ̂n yu kum Jisòs, tum chəhsu Jûs su lesu na su yê chyati wûn ma wù bê chwuk wùt à wûn wù fèt. 4Ghɨna yen yen Jisòs chyati wûn nâ haŋaŋ jis na, “Gàmti wùt wunâ, a mò kə nâ wut shyəma wò gamti. 5Wù kòŋàlò ghɨt a ghàhnà, ma wù tî gâmtì ba ndâ ghàhnà yì chìntì.” 6Ni, Jisòs lo ghê ghɨna. À hì mô te wù gbe hì bakhe yênà a to sù sojà ghe ndâ, to sù sojà ghê tum sunsu wunsu na, su yê jis ha Jisòs na, “Bâba, kə fi yen ngə̂k yâ hi bèn a mo ndâ beka mu kpene wi shyəma wò lye a mu ndâ, 7à mò gha ye yi yê hì bona wi na mu bê yen wò nì ngɨŋ à mì, biyani jis kə yi jîs na wùt à mù wù fètana ta ma wù ta, 8mu jìsà ni beka mu boŋa fètà a ghɨta yi dèt, kəta nâbi sojàsù a mu yi dèt. Mu jîsà ha wun na, ‘Wu yen!’ Wu yen kə yi yên, mu jis ha wùlè na, ‘Bì!’ Wu ben kə yi bên. Mu jis ha wùt mù wù fetana na, ‘Wu nì ni!’ Wu ni kə yi nî.”
9Jisòs yu gha yê wù jìsa ni, jwo yim wûn, wù jis a nôn à ghɨ̂t ghe ghɨ ndùku jûmtè wûn na, “Mu fòktè ha ghàn na, mu tà timi yen jə wùt wù kəta yi nki bimi yîn nâbi a Isalì.”
10Sunsu to sù sojà se kaha kolo a ndâ yen yen kə ma wùt fètana we ti tâ.
Jisòs lôhì wâ ywê nkwû a yi kpû
11Yi bàm yi tɨ̂n Jisòs lo yen a yi tèk yile ghɨ toŋte na Nân, jùmtìbàmsù wunsu nì nôn à ghɨ̂tà ghɨ dô kə ni, yen ghê wûn. 12À hì mô te wù bakhe bênà yi jwô yi tèk afû, wù yen ghɨta te ghɨ beka wùt kpona hì fwo bênà nì wûn. Wùt kpona wunâ ndùku mô kə wan wù lɨmà wù mòk we nè wûn ndùku kəta, nè wûn àtɨ̂n mô ywê nkwû. Ywê nkwû atɨ̂n ndùku mô ghê nôn à ghɨ̂tà ghɨ dô kə ni te ghɨ lo a yi tèk afû. 13Te Bâba yena wùt ywên wunâ, kwohi yi sen ha wûn nâ haŋaŋ, jis ha wun na, “Chinâ, kə fî ji.” 14Jisòs jis ni fwuti yenlò, yen kum khɨ̀na wùt kpona ghê, ghɨt ghe ghɨ tì bèka timî, wù jis na, “Wan wù kpuŋ, lòtî.” 15Wùt kpona we lôtì ndokò yîmì hi tè jìs. Jisòs khɨti wûn kaha fo wun ha nè wûn.
16Fânì kwo ghɨt à jɨ̀m afû. Ghɨna hì kokhe Yènfù jîsà na, “Fòktì wù chìk ti ben a ghàhnà fùtɨ̂n. Yènfù ti ben hi kina ghɨt a wuna!”
17Gha ghɨ̂n kum Jisòs waŋ Jùdiyà yì jɨ̀m, nâ nì lak tù jɨ̀m a bàh afû.
Jon Fo Mòlû tum ghɨt a wuna ghɨ tuma ha Jisòs, mô a ndâ chyâk
(Mat 11.2-19)
18Jùmtìbàmsu Jon Fo Mòlû fôktì kwok gha ghe Jisòs ndùku nê. Jon toŋa a ghɨt à bà 19tum na ghɨ yê buf ha Bâba Jisòs na, “À mò wò we wò ndùku kəta hi bèn ma, ma ghàh kəta hi tè yute wùt lè agha?”
20Ghɨt ghɨ̂n yên yen Jisòs, jis ha wun na, “Jon Fo Mòlû tum na ghàh bê buf ha wò na ‘À mò wò we wò ndùku kəta hi bèn ma, ma ghàh kəta hi te yute wùt wùlè agha?’”
21À ndùku mô a yu afû yâ, Jisòs chwuka ghɨta a tu yaf tu dô kə ni, jûmà fihe yohnù be fê nê na ghɨt a fefana kaha yen luktu. 22Jisòs kaha jis ha ghɨt a tum ghe na, “Ghàn boŋà kaha yê fokti ha Jon gha ghe ghàn yena nì ngɨŋ sanisu fî yu lò: Fèfù kaha yena tu luk, ghɨt a kəblena gbê, ghɨt a kuhana tâ, kwùkù ywo a ghâ, ghɨt a kputena lôtè a yi kpû, ghɨ fòktè tum yì jûŋ ha ghɨt a fufana. 23Jûŋ mò ha wùt we wù kante wijə mu.”
24Te ghɨt a tuma Jon ghe tì kaha lo, Jisòs yîmì hi jìs ha nôn à ghɨ̂t ghe kum Jon, buf nâ, “Ghàn tì yèn a yi lak yi sùsi hi yen a ghə? Ghàn tì yen hi yen a wùt wù nêkà te yi jyâŋà a yu afa fufa chyàlà ma? 25Bu yâ, ghàn tì yen hi yen a ghə? A wùt te wù lafa laf yi jûŋì ma? Ghàn hi khə na ghɨt ghe ghɨ lafa wu lum afû fî yə̂ mwə̀ mù jùŋ chyə kə tôk. 26Ghàn tì yen yi lak yi sùsi hi yen a wùt hì khɨŋa hi yen a ghə, a fòktì yì chìk ma? Yi mô kə nâ ni. Mu jìsà ha ghàn na wù chyàlò fòktì yì chìk. 27À mò Jon we ghɨ tì nyàka a ŋwàklù Fùyèn kum wun na,
‘Kike, mu bè tumalò wùt à mù wù tum
ma wù yen a wo ashyə̂ ma wù fati lumu ha wò.’
28Mu jìsà ha ghàn na, wùt tà timi hì mô a chyə afân, we wù chyàlà Jon Fo Mòlû, biyani nâbi we wù tobte chyâhè a luk wu fə̀n wù Fùyèn chyàlò wûn.”
29Ghɨt à jɨ̀m tì yu jis yi Jisòs bakhi nì ghɨt ghe ghɨ ndùku kâtà ŋwaklànà bimi gha ye Jisòs ndùku jîsà hì kokhe Yènfù beka ghɨna tì fye mòlû ha Jon. 30Biyani ghɨt a Falàsî nì chichàsu saksu tunhî hi khɨlî kwàktì ye Yènfù ndùku kəta kum ghɨna kəbi yi ghəl te ghɨna tì tunhe hi fye mòlû ha Jon.
31Jisòs fi kahi jis ha ghɨna na, “Mu lyi ma mu fəknà ghɨt a mbyî lân nâ nì ghə, ghɨna mò nâ te ghə agha?” 32Ghɨna mò te mwəlà me ghɨna mò a wu wən, ghɨna toŋa jîsà bênà ha ghɨ le na, ‘Ghàh ti yem njàŋsù fomasu na ghàn bɨn, ghàn tê bɨ̂n, fî yem njàŋsù kpusu na ghàn ji, ghàn tà jì.’ 33Mu jìsà ni beka Jon fô Mòlû tî bên yə wi hidù, nyo wi lùkû, ghàn jis na ‘Wu kəta yohnà be.’ 34Wâ Wùt ti bên hì yə̂ fê nyô, ghàn ti jis na, yen wùt wunâ ‘Wù yə chyàhèlò fê nyo chyâhè fê mô nì sunu ghê ghɨt ghe ghɨ kâtà ŋwàklànà nì ghɨt a be ale!’ 35“Biyani Yènfù chwùtè tof wu wunu wu mô tohna a gha afa ghɨt a wuna à jɨ̀m nè a ghɨna chyənà.”
Jisòs yə a wùt Falàsî a ndâ
36Wùt à Falàsî wùlè toŋa Jisòs na wù ben a wun a ndâ, ma ghê wûn yə. Wù yên chwo ndokò a lùk wu yənu. 37Wùt ywên wù gha be wùlè we wù ndùku chyə yi tèk afû yu na Jisòs yə a wùt à Falàsî a ndâ lyi sòk yìlè ma ghɨ fati nì ti yile ghɨ toŋte na àlàbastà, yûhì lìmtena mô atɨ̂n, yen nì yinì afû. 38Te wù yèna yâ, timi a Jisòs a ngwùŋ hì jyê, semù chemle a Jisòs wu wù, wù ngumti yah nì nyuŋsu wunsu tusu, wù baŋli wulu wunu fî yuhi nì yûhì lìmtena yê. 39Wùt à Falàsî we wù tì toŋa Jisòs yen gha ye hì jîsà ha ngɨŋ à wûn na, “Wùt wunâ ye hì mô kə nâ fòktì wù chìk, ma wù khəlò na wùt ywên we wu kùmà wun ni, na wù mò ni mô kə nâ wùt à gha be.”
40Jisòs toŋti Samùn jis na, “Samùn mu kəta lò gha hi jìs ha wò.”
Wù fîsì jis na, “Chichà, jìs à bî, mu yutelò.”
41Jisòs jis na, “Ghɨt à bà ndùku kətalò ka ha wùt we wù ndùku samhe ghɨta nì ka, wùt wù mòk ndùku kəta ka wu kwoka yake yi ghə yì tân, wùt lè kəta mtân. 42Nâ wùt mòk a ghɨna ndùku kəta wi ka hi kaha làk. Bì wu kâ atɨ̂n de yen nì ka tɨnu wù jɨ̀m ha ghɨna. Wò ni kwàktè na à mò nde atɨ̂n à ghɨ̂t afân à bà a wù ndùku kôŋà bè wu ka wùna chyâ wùlè agha?”
43Samùn fîsì na, “Mu kwàktè na a mò we a ghɨ tì de ka donu ha wûn.”
Jisòs jis ha wun na, “Wò jìsà kə nâ hamok.” 44Wù fî kahi wu wun fî ki wùt ywên àtɨ̂n jis ha Samùn na, “Wò ti yen wùt ywên wùna? Mu ye ben a wò ndâ, wò ti faŋ hi fo mòlû na mu su wulu mu atɨ̂n, biyani wù ti sû wulu mu nì semù yah nì nyuŋsu wunsu tusu. 45Wò tà ye baŋli jə mu a yu afa mu ye bena, nâ kə wu yu afa mu ye bena, wù ti faŋ hi yahlè mu. 46Wò tà ye tânhì jə to ma nâ kəbi nì chìnà mgut, biyani wù ti yuhi wulu mu nì yûhì yì lìmtena. 47Kum ni mu wu jîsà ha wò na, Koŋ yi chik ye wù chwùte ha mu chwùtè na Yènfù ti lehìfo gha wuna be nâ à jɨ̀m, biyani ghɨ lehèfo fùjiti boŋa chwûtè yi kôŋ fùjiti.”
48Jisòs ki jîs ha wùt ywen wùna na, “Mu ti lehìfo gha ghɨ be gha.”
49Ghɨt ale ghe a ndùku mô nì wûn wu lùk wu yənu hì kante a ghɨna sù ngɨŋ na, “À mò nâ nde mu wuna a wù lèhèfo besu ghɨ̂tsù?”
50Jisòs ki jîs ha wùt ywên àtɨ̂n na, “Bimî ya ti bônhì wò. Kolô kə nì yutìnì.” ft A chyəna ghɨt a Jûs, wùt ki bên a wò ndâ, wò ki fo mòlû na wù su wulu wunu atɨ̂n, ki tânhè mgut a wun a tû chwùtè na wu saŋlelò hi fye wûn a wò ndâ.
© Wycliffe Bible Translators, Inc.