Yon Parnai Cato
Parnai Cato
Yon la te top mui chít la bar náq ndon rian te Yê-su. Án la a-em conh Yacơ, án la acái conh Sê-badê. Án taran Uráq ndô sám cumo 85 tớq 90, vít Yê-su carnian.
Yon taran tông: Yê-su táp la parnai Yang Arbang-pilŏ́ng ndon siar te pilŏ́ng nga cúc cuteq ndô. Án cơt ticuoi alứng át munơi nha ticuoi. Yon taran uráq ndô dŏq dyôn máh ticuoi tin Yê-su la Acái Yang Arbang-pilŏ́ng, án choi tamống ticuoi. Ticuoi mmo tin án, ticuoi ngki lư bôn tumống níc-níc.
Yon taran lieh máh arnáq sileh Yê-su khoiq táq, dŏq apáh dyôn ticuoi chom, Yê-su la munáq ndon choi tamống, la án ndon Yang Arbang-pilŏ́ng khoiq par-ưq te nsuoi. Yon tông te ngai táq alứng téh Yê-su tớq along calláng; Yê-su cuchet alứng tumống lieh. Vít ngki Yê-su tớq apáh cháq án dyôn top rian te án hôm.
© 2018, Wycliffe Bible Translators, Inc. All rights reserved.