SENESI 3
3
Fakahala, higa, fakapapau
1Nee poto lahi age te gata i te u manu fuli o te vao ae nee fakatupu e te Eteleno Atua. Nee ina ui leva ki te fafine: Pe nee ui mooni atu e te Atua: E mole kolua kai anai ki te u akau fuli o te oloto? 2Nee tali leva e te fafine ki te gata: E ma kai ki te u fua o te u akau o te oloto. 3Kae ki te fua o te akau ae e tuu i lotomalie o te oloto, nee ui e te Atua: E mole kolua kai anai ki ai pea e mole kolua fafa anai ki ai, koteuhi e kolua mamate anai. 4Pea nee ui leva e te gata ki te fafine: E mole kolua mamate anai; 5kae e iloi e te Atua, i te aho ae e kolua kai anai ki ai, e ava anai okolua mata, pea e kolua tatau anai mo te Atua, o kolua iloi anai te lelei mo te kovi. 6Pea nee sio leva te fafine nee lelei te akau ki te kai, mo matalelei ki te mata, pea mo mauhiga ki te avahi o te atamai. Nee ina tolii leva he fuai akau, o kai, pea nee ina toe foaki foki ki tona ohoana, ae nee tuu i ona tafa, pea nee kai leva ia ia ki ai.
7Pea nee ava leva ona mata, pea nee na iloi leva e na telefua. Nee na tui leva ni laui fiki, o na laofi leva ki ai. 8Pea nee na logo leva ki te leo o te Eteleno Atua, ae nee evaeva i te oloto i te afiafi, pea nee fenonoi leva te tagata mo tona ohoana, o mamao ia mata o te Eteleno, i loto o te u akau o te oloto.
9Kae nee paui leva e te Eteleno Atua te tagata, o ui kia ia: Kofea ia koe? 10Nee ina tali leva: Nee au logo ki tou leo i te oloto, pea nee au mataku, koteuhi e au telefua, pea nee au nono leva. 11Pea nee ui leva e te Eteleno Atua: Ko ai nee ina fakaha kia koe e ke telefua? Pe kua ke kai ki te akau ae nee au tapui atu kia koe? 12Nee tali leva e te tagata: Ko te fafine ae nee ke tuku mai ki oku tafa, nee ina foaki mai kia au he foi fuai akau, pea nee au kai ki ai. 13Pea nee ui leva e te Eteleno Atua ki te fafine: Kotea nee ke fai ai te mea aia? Nee tali leva e te fafine: Nee kakaai au e te gata, o au kai leva ki te fua o te akau.
14Nee ui leva e te Eteleno Atua ki te gata: Koteuhi nee ke fai te mea aia, e ke malaia anai o lahi age i te u manu lalahi mo te u manu liliki fuli o te vao, e ke totolo anai ki tou fatu, pea e ke kai anai te efu i te u aho fuli o tou mauli. 15E au tuku anai te fehia ia koe mo te fafine, i tou hakoga mo tona hakoga: e malamalaki anai e te hakoga o te fafine tou ulu, kae e ke uusi anai tona mulivae. 16Pea nee ina ui leva ki te fafine: E au fakalahi anai te mamahi o au faitama, pea e ke fanau anai i te mamahi, pea e alu anai ou holi ki tou ohoana, kae e pule anai ia ia kia koe. 17Pea nee ina ui leva ki te tagata: O tupu nee ke fakalogo ki te leo o tou ohoana, pea nee ke kai ki te fua o te akau ae nee au fakatotonu atu kia koe: E mole ke kai anai ki ai! E malaia anai te kele o tupu ko koe. E ke gaue kinakina anai ke mau ai tau meakai i te u aho fuli o tou mauli. 18E tupu anai i te kele ni akau talatala mo ni vao kovi, pea e ke kai anai te luna o te u gaueaga. 19E ke kai anai tau pane i te kavakava o tou lae, o kaku ki te aho ae e ke liliu ai anai ki te kele, ae nee too mai ai ia koe; koteuhi ko te efu ia koe, pea e ke liliu anai ki te efu.
20Nee foaki leva e Atama ki tona ohoana te higoa ko Eva: koteuhi ko te fae ia ia o te u hahai mauli fuli. 21Nee fau leva e te Eteleno Atua ni kofu mai ni kilii manu kia Atama mo Eva, pea nee ina fakakofu leva naua ki ai.
22Pea nee ui leva e te Eteleno Atua: Koeni, kua liliu te tagata o hage ko he tahi o tatou, koteuhi kua ina iloi te lelei mo te kovi. Koia ke tou taofi ia ia i te aho nei ke aua naa faoi tona nima o toli te akau o te mauli o kai, pea ke mauli ia ia o heegata. 23Pea nee kapu leva e te Eteleno Atua te tagata mai te oloto o Eteni, ke gaue ki te kele, ae nee too ia ia mai ai. 24I te osi o te kapu o Atama, nee fakatuu leva e te Atua i te potu esite o te oloto o Eteni ni selupino, ke natou leo ia te ala ki te akau o te mauli.
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
SENESI 3
3
Fakahala, higa, fakapapau
1Nee poto lahi age te gata i te u manu fuli o te vao ae nee fakatupu e te Eteleno Atua. Nee ina ui leva ki te fafine: Pe nee ui mooni atu e te Atua: E mole kolua kai anai ki te u akau fuli o te oloto? 2Nee tali leva e te fafine ki te gata: E ma kai ki te u fua o te u akau o te oloto. 3Kae ki te fua o te akau ae e tuu i lotomalie o te oloto, nee ui e te Atua: E mole kolua kai anai ki ai pea e mole kolua fafa anai ki ai, koteuhi e kolua mamate anai. 4Pea nee ui leva e te gata ki te fafine: E mole kolua mamate anai; 5kae e iloi e te Atua, i te aho ae e kolua kai anai ki ai, e ava anai okolua mata, pea e kolua tatau anai mo te Atua, o kolua iloi anai te lelei mo te kovi. 6Pea nee sio leva te fafine nee lelei te akau ki te kai, mo matalelei ki te mata, pea mo mauhiga ki te avahi o te atamai. Nee ina tolii leva he fuai akau, o kai, pea nee ina toe foaki foki ki tona ohoana, ae nee tuu i ona tafa, pea nee kai leva ia ia ki ai.
7Pea nee ava leva ona mata, pea nee na iloi leva e na telefua. Nee na tui leva ni laui fiki, o na laofi leva ki ai. 8Pea nee na logo leva ki te leo o te Eteleno Atua, ae nee evaeva i te oloto i te afiafi, pea nee fenonoi leva te tagata mo tona ohoana, o mamao ia mata o te Eteleno, i loto o te u akau o te oloto.
9Kae nee paui leva e te Eteleno Atua te tagata, o ui kia ia: Kofea ia koe? 10Nee ina tali leva: Nee au logo ki tou leo i te oloto, pea nee au mataku, koteuhi e au telefua, pea nee au nono leva. 11Pea nee ui leva e te Eteleno Atua: Ko ai nee ina fakaha kia koe e ke telefua? Pe kua ke kai ki te akau ae nee au tapui atu kia koe? 12Nee tali leva e te tagata: Ko te fafine ae nee ke tuku mai ki oku tafa, nee ina foaki mai kia au he foi fuai akau, pea nee au kai ki ai. 13Pea nee ui leva e te Eteleno Atua ki te fafine: Kotea nee ke fai ai te mea aia? Nee tali leva e te fafine: Nee kakaai au e te gata, o au kai leva ki te fua o te akau.
14Nee ui leva e te Eteleno Atua ki te gata: Koteuhi nee ke fai te mea aia, e ke malaia anai o lahi age i te u manu lalahi mo te u manu liliki fuli o te vao, e ke totolo anai ki tou fatu, pea e ke kai anai te efu i te u aho fuli o tou mauli. 15E au tuku anai te fehia ia koe mo te fafine, i tou hakoga mo tona hakoga: e malamalaki anai e te hakoga o te fafine tou ulu, kae e ke uusi anai tona mulivae. 16Pea nee ina ui leva ki te fafine: E au fakalahi anai te mamahi o au faitama, pea e ke fanau anai i te mamahi, pea e alu anai ou holi ki tou ohoana, kae e pule anai ia ia kia koe. 17Pea nee ina ui leva ki te tagata: O tupu nee ke fakalogo ki te leo o tou ohoana, pea nee ke kai ki te fua o te akau ae nee au fakatotonu atu kia koe: E mole ke kai anai ki ai! E malaia anai te kele o tupu ko koe. E ke gaue kinakina anai ke mau ai tau meakai i te u aho fuli o tou mauli. 18E tupu anai i te kele ni akau talatala mo ni vao kovi, pea e ke kai anai te luna o te u gaueaga. 19E ke kai anai tau pane i te kavakava o tou lae, o kaku ki te aho ae e ke liliu ai anai ki te kele, ae nee too mai ai ia koe; koteuhi ko te efu ia koe, pea e ke liliu anai ki te efu.
20Nee foaki leva e Atama ki tona ohoana te higoa ko Eva: koteuhi ko te fae ia ia o te u hahai mauli fuli. 21Nee fau leva e te Eteleno Atua ni kofu mai ni kilii manu kia Atama mo Eva, pea nee ina fakakofu leva naua ki ai.
22Pea nee ui leva e te Eteleno Atua: Koeni, kua liliu te tagata o hage ko he tahi o tatou, koteuhi kua ina iloi te lelei mo te kovi. Koia ke tou taofi ia ia i te aho nei ke aua naa faoi tona nima o toli te akau o te mauli o kai, pea ke mauli ia ia o heegata. 23Pea nee kapu leva e te Eteleno Atua te tagata mai te oloto o Eteni, ke gaue ki te kele, ae nee too ia ia mai ai. 24I te osi o te kapu o Atama, nee fakatuu leva e te Atua i te potu esite o te oloto o Eteni ni selupino, ke natou leo ia te ala ki te akau o te mauli.
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland