SENESI 34
34
Too o Tina
1Ko Tina, te taahine ae nee fanaui e Lea kia Sakopo, nee alu leva o ahiahi ki te u taahine o te fenua. 2Pea nee sio leva ia Siseme kia ia, foha o Amole, ko te hau o te fenua. Pea nee ina too leva te taahine, o momoe mo ia, pea nee ina fakamatagafuai leva ia ia. 3Pea nee pipiki leva tona loto ki te ofafine o Sakopo ko Tina. Nee manako leva ia ia ki te taahine, pea nee poto leva ia ia i te palalau ki tona loto. 4Pea nee ui leva e Siseme ki tana tamai ko Amole: Tuku mai te taahine aena ke au ohoana mo ia. 5Nee logo leva ia Sakopo kua ina fakamatagafuai tona ofafine ko Tina; kae nee mole ina fai leva he mea, koteuhi nee nonofo ona foha i te u gaueaga mo te faga manu; pea nee talitali leva ia ia ke natou toe liliu age.
6Nee alu leva ia Amole, tamai a Siseme, kia Sakopo o palalau kia ia. 7Pea nee toe liliu ake leva te u foha o Sakopo mai te gaueaga, o logo ki te mea ae kua hoko. Pea nee loto mamahi te u tagata aena pea nee iita kovi osi, koteuhi kua fai e Siseme he mea fakaufiufi i Iselaele, i tana momoe mo te ofafine o Sakopo. Koteuhi nee mole tonu ke fai te mea aena i Iselaele. 8Kae nee palalau leva ia Amole kia natou, o ui: Kua pipiki te loto o toku foha ko Siseme ki takotou taahine; koia e au kole atu ai kia koutou ke koutou foaki mai ia ia ke ohoana mo toku foha. 9E koutou fakatahi anai mo matou. E koutou foaki mai anai kia matou akotou taahine, pea e matou foaki atu anai kia koutou amatou taahine. 10E koutou nonofo anai mo matou, pea e tuu anai te fenua o fakalogo atu kia koutou. Koutou nonofo i te fenua, o faikoloa i ai mo totogi ai ni okotou kele.
11Pea nee ui leva e Siseme ki te tamai mo te u tuagaane o Tina: Koutou fakamolemole mai kia au, pea e au foaki atu anai te mea ae e koutou ui mai anai ki ai. 12Koutou fakaha mai kia au he totogi lahi, mo ni meaofa lahi, pea e au foaki atu anai kia koutou te mea ae e koutou ui mai anai ki ai. Kae kehe pe ke koutou foaki mai te taahine ke ohoana mo au. 13Nee tali leva e te u foha o Sakopo, o palalau fakakaka kia Siseme mo tana tamai ko Amole, o tupu kua fakamatagafuai e Siseme tonatou tuagaane ko Tina. 14Nee natou tali leva kia naua: E mole feala ke matou foaki atu tomatou tuagaane ke ohoana mo he tagata heeki silikosisioi; koteuhi e fakaufiufi te mea aia kia matou. 15Kae e feala anai ke matou tali te mea ae e kolua loto ki ai, mo kapau e koutou liliu anai o tatau mo matou, mo kapau e silikosisioi anai te u tagata fuli o koutou. 16E matou foaki atu anai amatou taahine ke ohoana mo koutou, pea e matou too anai akotou taahine ke ohoana mo matou. E matou nonofo anai mo koutou, pea e tou fakatahi anai ko he hahai e tahi. 17Kae kapau e mole koutou tali ke koutou silikosisio, pea e matou too anai tomatou tuagaane, pea e matou olo anai.
18Nee tali lelei leva te fakatokatoka aia e Amole mo tona foha ko Siseme. 19Pea nee mole tuai leva te fakahoko e te tupulaga te mea aia, koteuhi nee manako aupito ia ia ki te ofafine o Sakopo. Pea nee tuu ia ia ki mua i te fale katoa o tana tamai.
20Nee alu leva ia Amole mo tona foha ko Siseme ki te matapa o te kolo, pea nee na palalau leva ki te hahai o te kolo, o ui: 21E agalelei te u tagata aeni kia tatou; ke natou nonofo i te fenua, pea ke natou gaue i ai, ke avahi lahi te fenua kia natou. E feala anai ke tou ohoana mo anatou taahine, pea e tou foaki anai atatou taahine ke ohoana mo natou. 22Kae e loto anai te u tagata aeni ke nonofo mo tatou, pea ke tou fakatahi ko he hahai e tahi, mo kapau e silikosisioi anai te u tagata fuli o tatou, ke tou tatau mo natou. 23Kapau e tou tali anai te mea ae e natou loto ki ai, pea e natou omai anai o nonofo mo tatou; pea e liliu anai anatou faga manu, mo onatou koloa ko akotou mea.
24Nee io leva natou fuli ae nee olo ki te matapa o te kolo kia Amole mo tona foha ko Siseme: pea nee silikosisioi leva te u tagata fuli o te kolo. 25I te tolu aho, kei lolotoga mamahi te u tagata o te kolo, ko Simeone mo Levi, tuagaane o Tina, ko te u foha e lua o Sakopo, nee na too leva ana heleta; pea nee na ulufi leva te kolo ae nee tokalelei, pea nee na matematehi leva te u tagata fuli. 26Nee na tamatei foki aki te heleta ia Amole mo tona foha ko Siseme; pea nee na too leva ia Tina mai te fale o Siseme pea nee na mavae leva mai ai. 27Nee oho ake leva te u foha o Sakopo ki te kau mate, o too onatou teu, pea nee natou too leva te u koloa o te kolo, o tupu ko te matagafua ae nee fai ki tonatou tuagaane. 28Nee natou too leva anatou faga manu: te u ovi, mo te u tao, mo te u pipi, mo te u asino. Nee natou too leva te u mea fuli ae nee mau i te kolo mo te u gaueaga. 29Nee natou ave leva te u koloa fuli, mo te u fanau fuli mo te u fafine, pea mo te u mea fuli ae nee mau i te u loto fale.
30Pea nee ui leva e Sakopo kia Simeone mo Levi: kua kolua fai he mea fakamamahi kia au, koteuhi kua au fakalialia kia mata o te hahai o te fenua aeni, ki te kau Kanaane mo te kau Felesi. E kau fakatahi anai te u hahai aena kia au. E natou omai anai o matehi au mo toku famili, koteuhi e lavaki osi aku tagata. 31Nee na tali leva kia ia: pe e tonu ke gaohi tomatou tuagaane ko he fafine faiaga?
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
SENESI 34
34
Too o Tina
1Ko Tina, te taahine ae nee fanaui e Lea kia Sakopo, nee alu leva o ahiahi ki te u taahine o te fenua. 2Pea nee sio leva ia Siseme kia ia, foha o Amole, ko te hau o te fenua. Pea nee ina too leva te taahine, o momoe mo ia, pea nee ina fakamatagafuai leva ia ia. 3Pea nee pipiki leva tona loto ki te ofafine o Sakopo ko Tina. Nee manako leva ia ia ki te taahine, pea nee poto leva ia ia i te palalau ki tona loto. 4Pea nee ui leva e Siseme ki tana tamai ko Amole: Tuku mai te taahine aena ke au ohoana mo ia. 5Nee logo leva ia Sakopo kua ina fakamatagafuai tona ofafine ko Tina; kae nee mole ina fai leva he mea, koteuhi nee nonofo ona foha i te u gaueaga mo te faga manu; pea nee talitali leva ia ia ke natou toe liliu age.
6Nee alu leva ia Amole, tamai a Siseme, kia Sakopo o palalau kia ia. 7Pea nee toe liliu ake leva te u foha o Sakopo mai te gaueaga, o logo ki te mea ae kua hoko. Pea nee loto mamahi te u tagata aena pea nee iita kovi osi, koteuhi kua fai e Siseme he mea fakaufiufi i Iselaele, i tana momoe mo te ofafine o Sakopo. Koteuhi nee mole tonu ke fai te mea aena i Iselaele. 8Kae nee palalau leva ia Amole kia natou, o ui: Kua pipiki te loto o toku foha ko Siseme ki takotou taahine; koia e au kole atu ai kia koutou ke koutou foaki mai ia ia ke ohoana mo toku foha. 9E koutou fakatahi anai mo matou. E koutou foaki mai anai kia matou akotou taahine, pea e matou foaki atu anai kia koutou amatou taahine. 10E koutou nonofo anai mo matou, pea e tuu anai te fenua o fakalogo atu kia koutou. Koutou nonofo i te fenua, o faikoloa i ai mo totogi ai ni okotou kele.
11Pea nee ui leva e Siseme ki te tamai mo te u tuagaane o Tina: Koutou fakamolemole mai kia au, pea e au foaki atu anai te mea ae e koutou ui mai anai ki ai. 12Koutou fakaha mai kia au he totogi lahi, mo ni meaofa lahi, pea e au foaki atu anai kia koutou te mea ae e koutou ui mai anai ki ai. Kae kehe pe ke koutou foaki mai te taahine ke ohoana mo au. 13Nee tali leva e te u foha o Sakopo, o palalau fakakaka kia Siseme mo tana tamai ko Amole, o tupu kua fakamatagafuai e Siseme tonatou tuagaane ko Tina. 14Nee natou tali leva kia naua: E mole feala ke matou foaki atu tomatou tuagaane ke ohoana mo he tagata heeki silikosisioi; koteuhi e fakaufiufi te mea aia kia matou. 15Kae e feala anai ke matou tali te mea ae e kolua loto ki ai, mo kapau e koutou liliu anai o tatau mo matou, mo kapau e silikosisioi anai te u tagata fuli o koutou. 16E matou foaki atu anai amatou taahine ke ohoana mo koutou, pea e matou too anai akotou taahine ke ohoana mo matou. E matou nonofo anai mo koutou, pea e tou fakatahi anai ko he hahai e tahi. 17Kae kapau e mole koutou tali ke koutou silikosisio, pea e matou too anai tomatou tuagaane, pea e matou olo anai.
18Nee tali lelei leva te fakatokatoka aia e Amole mo tona foha ko Siseme. 19Pea nee mole tuai leva te fakahoko e te tupulaga te mea aia, koteuhi nee manako aupito ia ia ki te ofafine o Sakopo. Pea nee tuu ia ia ki mua i te fale katoa o tana tamai.
20Nee alu leva ia Amole mo tona foha ko Siseme ki te matapa o te kolo, pea nee na palalau leva ki te hahai o te kolo, o ui: 21E agalelei te u tagata aeni kia tatou; ke natou nonofo i te fenua, pea ke natou gaue i ai, ke avahi lahi te fenua kia natou. E feala anai ke tou ohoana mo anatou taahine, pea e tou foaki anai atatou taahine ke ohoana mo natou. 22Kae e loto anai te u tagata aeni ke nonofo mo tatou, pea ke tou fakatahi ko he hahai e tahi, mo kapau e silikosisioi anai te u tagata fuli o tatou, ke tou tatau mo natou. 23Kapau e tou tali anai te mea ae e natou loto ki ai, pea e natou omai anai o nonofo mo tatou; pea e liliu anai anatou faga manu, mo onatou koloa ko akotou mea.
24Nee io leva natou fuli ae nee olo ki te matapa o te kolo kia Amole mo tona foha ko Siseme: pea nee silikosisioi leva te u tagata fuli o te kolo. 25I te tolu aho, kei lolotoga mamahi te u tagata o te kolo, ko Simeone mo Levi, tuagaane o Tina, ko te u foha e lua o Sakopo, nee na too leva ana heleta; pea nee na ulufi leva te kolo ae nee tokalelei, pea nee na matematehi leva te u tagata fuli. 26Nee na tamatei foki aki te heleta ia Amole mo tona foha ko Siseme; pea nee na too leva ia Tina mai te fale o Siseme pea nee na mavae leva mai ai. 27Nee oho ake leva te u foha o Sakopo ki te kau mate, o too onatou teu, pea nee natou too leva te u koloa o te kolo, o tupu ko te matagafua ae nee fai ki tonatou tuagaane. 28Nee natou too leva anatou faga manu: te u ovi, mo te u tao, mo te u pipi, mo te u asino. Nee natou too leva te u mea fuli ae nee mau i te kolo mo te u gaueaga. 29Nee natou ave leva te u koloa fuli, mo te u fanau fuli mo te u fafine, pea mo te u mea fuli ae nee mau i te u loto fale.
30Pea nee ui leva e Sakopo kia Simeone mo Levi: kua kolua fai he mea fakamamahi kia au, koteuhi kua au fakalialia kia mata o te hahai o te fenua aeni, ki te kau Kanaane mo te kau Felesi. E kau fakatahi anai te u hahai aena kia au. E natou omai anai o matehi au mo toku famili, koteuhi e lavaki osi aku tagata. 31Nee na tali leva kia ia: pe e tonu ke gaohi tomatou tuagaane ko he fafine faiaga?
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland