Joani 4
4
1Dichi Mwanta chelukiliyi nindi aFwarisi anatiyi dehi nawu Yesu hakutambika atumbanji amavulu akubadika aYowanu, hakuyipapatisha; 2ilaŋa yomweni Yesu hidiyi wapapatishiluku, atumbanji twindi diwu apapatishilaŋa; 3yena hakufuma muYudeya, ayi cheŋi muŊaliliya. 4Chiŋa yohita muSamariya. 5Hakuya kumukala wamuSamariya ijina dawu Sika, kwakwihi nakapata kenkeliyi Yakoba mwanindi Yosefu. 6Ishima daYakoba dadiŋi kwenoku. Dichi Yesu, nazeyi dehi nanjila yanendiyi, hakushakama chochina kwishima. Kuneli dehi neyi ora yamuchitanu nayimu.
7Mumbanda wamuSamariya hakwinza nakutaha meji. Yesu hakumwila nindi, Anyinkuhu meji ninwi. 8Muloŋatumbanji twindi aya dehi kumukala nakulanda yakudya. 9Dichi owu kaSamariya wamumbanda hakumwila nindi, Eyi wukaYudeya, ami nikaSamariya, indi ami wunanlombelidi meji? Muloŋa Yudeya hiyakundaŋana nawaSamariyaku. 10Yesu hakumwakula nindi, Neyi weluka chamukunkulu chaNzambi, ninowu nakwili nindi nyinkuhu meji ninwi, mutenowu yeyi wadi kumulomba yena, wadi kukwinka meji amomi. 11Mumbanda hakumwila nindi, Mwanta, eyi hiwukweti chakutaha nachuku, niishima dakunama; indi owu meji amomi wunayiwani kudihi? 12Yeyi wabadika tata yetu Yakoba, watwinkeli idi ishima, wanwinumu niyomweni, ni anyanindi, niyimuna yindi, tahindi? 13Yesu hakumwakula nindi, Antu ejima akunwa meji awa akutiya cheŋi mpwila; 14ilaŋa muntu wukunwa meji nukuinwinkami, hakatiya cheŋi mpwilaku, ilaŋa meji nukumwinkami akwikala mudi yena kaseloki kameji kakusefukila kuwumi wahaya nyaka. 15Mumbanda hakumwila nindi, Mwanta, nyinki meji owu, kulonda nibuli kutiya mpwila, nakabuli kwinzaŋa kwejima kunu nakutaha.
16Yesu hakumwila nindi, Yaku katambiki nfumweyi, winzi cheŋi kunu. 17Mumbanda hakumwakula nindi, Hinikweti nfumwamuku. Yesu hakumwila nindi, Chiwuneli neyi hinikweti nfumwamuku, wunahoshi chalala. 18Muloŋa wadiŋi nawanfumu jeyi atanu, niniwu wudi nindi katataka hinfumweyuku, ochu chiwunahoshi chalala. 19Mumbanda liakumwila nindi, Mwanta, nakushinshiki dehi, komana wukaprofwetu. 20Ankakulula jetu adifukwilaŋa kudi Nzambi kumpidi iyi; hakwila enu nenu muYerusalema dimu mwawahila kudifukula kudi Nzambi. 21Yesu hakumwila nindi, Eyi mumbanda, ŋitiyi chinukukuleja, nami kukwinza mpinji yakabula kudifukulawu antu kudi Tata kumpidi iyi, hela muYerusalema. 22Chuma chimwadifukulaŋa himwachilukaku; etu tweluka chitwadifukulaŋa; muloŋa wamwinu wafuma kudi aYudeya. 23Ilaŋa mpinji yikwinza, eŋa yashika dehi, yenoyu akwakudifukula alala akadifukula kudi Tata chalala muspiritu; muloŋa diwu akukeŋayi Tata ekali akwakudifukula kudi yena. 24Nzambi hiSpiritu; akudifukula kudi yena chiŋa adifukulaŋa chalala muspiritu. 25Mumbanda hakumwila nindi, Neluki nami Mesiya, diyi atenawu nawu Kristu, wakenza; chakenzayi wakatuleja yuma yejima. 26Yesu hakumwila nindi, Diyi ami nidi nakuhosha naneyi.
27Henohu atumbanji twindi ashika nikushika; hiyakuhayama chadi nakuhoshayi namumbanda; hela chochu, kwosi wamwihwili nindi, Wunakepidi? indi kwiji nindi, Wudi nakuhosheladi nayena? 28Mumbanda ashiya ninsaba yindi, hakuya kumukala, hakuyila amayala, 29nindi, Inzenu mutali iyala nanleji yuma yinakoŋeli yejima; yeniwu hidiyi Kristuku, tahindi? 30Wena hiyakufuma mumukala, hiyakwinza kudi yena.
31Mwejimomu atumbanji twindi adi nakumulembelela nawu, Eyi Rabi, dyaloŋa. 32Yena hakuyila nindi, Ni kweti yakudya yimwabula kwilukenu. 33Dichi atumbanji hiyakudihujola nawu, Hadi muntu namuleteli yakudya, tahindi? 34Yesu hakuyila nindi, Kudya kwami yowu kwila muchima wayena wantemesheli, nakamanishi mudimu windi. 35Enu mwelaŋa nenu kunashali tukweji tuwana hikwakenza chilaaka chakumuna. Talenu, nukuyileja nami, fumbulenu mesu mutali mumaha, chimwatookashana dehi to-o, ashika dehi hakumuna. 36Wamunaŋa watambulaŋa wufwetu, wapompeshelaŋa mbutu yakutwala kuwumi wahaya nyaka; kulonda niwakuwaŋa niwamunaŋa akazaŋaleli hamu. 37Dimu munalumbulukili chishimu chelaŋawu nawu, Wumu wakuwaŋa, wacheŋi wamunaŋa. 38Ami nayitemesheli nakumuna kumwabulili kukalakala; kwakalakeli acheŋi, enu munadiili kunyidimu yawu.
39ASamariya amavulu amumukalowu amwitiyili nezu danowu mumbanda washimwini nindi, Nanleji yuma yinakoŋeli yejima. 40Dichi chenjiluwu aSamariya kudi yena, hiyakumulembelela nawu akamuku mafuku. Hakujiŋilaku mafuku ayedi. 41Amakwawu amavulu hiyakwitiya namazu ahosheliyi yomwenindi. 42Hiyakumwila owu mumbanda nawu, Ichi tunetiyi, hichinafumi hakutuleja kudeyuku, tunamutiyi etu aweni; tuneluki netu chalala diyi Chamwinu champata yamunu mwishina.
43Wenowu mafuku ayedi chanahituwu, hakufuma kwenoku hakuya muŊaliliya. 44Muloŋa yomweni Yesu washimuna dehi nindi, Kaprofwetu hiyamulemeshaŋa mwituŋa dindi yomwenuku. 45Dichi chayiliyi muŊaliliya, aŊaliliya hiyakumutambula chachiwahi, amona dehi yuma yejima yeliliyi kuYerusalema kuchawija; muloŋa niwena nawa ayili kuchawija.
46Dichi hakufunta cheŋi kuKana wamuŊaliliya, oku kwabalumwiniyi meji ekali vinyu. KuKaperinawu kwadiŋi kalama kamwanta, wadiŋi namwanindi weyala wakata. 47Chatiyiliyi nawu Yesu wafuma dehi muYudeya, nenzi muŊaliliya hakuya kudi yena, hakumulembelela nindi akunkumuki akoki mwanindi, muloŋa hakukeŋa kufwa. 48Dichi Yesu hakumwila mindi, chiŋa mumona yinjikijilu niyihayamisha, neyi nehi himukwitiyaku. 49Kalama hakumwila nindi, Mwanta kunkumukaku hohanu hachidiyi mwanami kanda afwi. 50Yesu hakumwila nindi, Diyilaŋa kweyi, mwaneyi nahandi dehi. Owu iyala hakwitiya mazu ahosheliyi Yesu, hakudiyila kwindi. 51Chadiŋi nakukunkumukayi, anduŋu jindi hiyakumukinkilila nawu, Mwaneyi wahanda dehi. 52Hakuyihula mpinji yatachikayi kukola. Hiyakumuleja nawu, Haloshi ora yamuchitanu nachiyedi dihu hamufuma chishi ka. 53Dichi tata yindi hakwiluka nindi komana yoyu ora yamulejayi Yesu nindi, Mwaneyi nahandi dehi. Yomweni hakwitiya niakwetala dindi ejima. 54Dichi chinjikijilu chamuchiyedi cheliliyi Yesu hafuminiyi muYudeya, hayiliyi muŊaliliya.
The Bible in Lunda: Ndembu (Lunda of Kalunda) © B. F. B. S. 1962.
Joani 4
4
1Dichi Mwanta chelukiliyi nindi aFwarisi anatiyi dehi nawu Yesu hakutambika atumbanji amavulu akubadika aYowanu, hakuyipapatisha; 2ilaŋa yomweni Yesu hidiyi wapapatishiluku, atumbanji twindi diwu apapatishilaŋa; 3yena hakufuma muYudeya, ayi cheŋi muŊaliliya. 4Chiŋa yohita muSamariya. 5Hakuya kumukala wamuSamariya ijina dawu Sika, kwakwihi nakapata kenkeliyi Yakoba mwanindi Yosefu. 6Ishima daYakoba dadiŋi kwenoku. Dichi Yesu, nazeyi dehi nanjila yanendiyi, hakushakama chochina kwishima. Kuneli dehi neyi ora yamuchitanu nayimu.
7Mumbanda wamuSamariya hakwinza nakutaha meji. Yesu hakumwila nindi, Anyinkuhu meji ninwi. 8Muloŋatumbanji twindi aya dehi kumukala nakulanda yakudya. 9Dichi owu kaSamariya wamumbanda hakumwila nindi, Eyi wukaYudeya, ami nikaSamariya, indi ami wunanlombelidi meji? Muloŋa Yudeya hiyakundaŋana nawaSamariyaku. 10Yesu hakumwakula nindi, Neyi weluka chamukunkulu chaNzambi, ninowu nakwili nindi nyinkuhu meji ninwi, mutenowu yeyi wadi kumulomba yena, wadi kukwinka meji amomi. 11Mumbanda hakumwila nindi, Mwanta, eyi hiwukweti chakutaha nachuku, niishima dakunama; indi owu meji amomi wunayiwani kudihi? 12Yeyi wabadika tata yetu Yakoba, watwinkeli idi ishima, wanwinumu niyomweni, ni anyanindi, niyimuna yindi, tahindi? 13Yesu hakumwakula nindi, Antu ejima akunwa meji awa akutiya cheŋi mpwila; 14ilaŋa muntu wukunwa meji nukuinwinkami, hakatiya cheŋi mpwilaku, ilaŋa meji nukumwinkami akwikala mudi yena kaseloki kameji kakusefukila kuwumi wahaya nyaka. 15Mumbanda hakumwila nindi, Mwanta, nyinki meji owu, kulonda nibuli kutiya mpwila, nakabuli kwinzaŋa kwejima kunu nakutaha.
16Yesu hakumwila nindi, Yaku katambiki nfumweyi, winzi cheŋi kunu. 17Mumbanda hakumwakula nindi, Hinikweti nfumwamuku. Yesu hakumwila nindi, Chiwuneli neyi hinikweti nfumwamuku, wunahoshi chalala. 18Muloŋa wadiŋi nawanfumu jeyi atanu, niniwu wudi nindi katataka hinfumweyuku, ochu chiwunahoshi chalala. 19Mumbanda liakumwila nindi, Mwanta, nakushinshiki dehi, komana wukaprofwetu. 20Ankakulula jetu adifukwilaŋa kudi Nzambi kumpidi iyi; hakwila enu nenu muYerusalema dimu mwawahila kudifukula kudi Nzambi. 21Yesu hakumwila nindi, Eyi mumbanda, ŋitiyi chinukukuleja, nami kukwinza mpinji yakabula kudifukulawu antu kudi Tata kumpidi iyi, hela muYerusalema. 22Chuma chimwadifukulaŋa himwachilukaku; etu tweluka chitwadifukulaŋa; muloŋa wamwinu wafuma kudi aYudeya. 23Ilaŋa mpinji yikwinza, eŋa yashika dehi, yenoyu akwakudifukula alala akadifukula kudi Tata chalala muspiritu; muloŋa diwu akukeŋayi Tata ekali akwakudifukula kudi yena. 24Nzambi hiSpiritu; akudifukula kudi yena chiŋa adifukulaŋa chalala muspiritu. 25Mumbanda hakumwila nindi, Neluki nami Mesiya, diyi atenawu nawu Kristu, wakenza; chakenzayi wakatuleja yuma yejima. 26Yesu hakumwila nindi, Diyi ami nidi nakuhosha naneyi.
27Henohu atumbanji twindi ashika nikushika; hiyakuhayama chadi nakuhoshayi namumbanda; hela chochu, kwosi wamwihwili nindi, Wunakepidi? indi kwiji nindi, Wudi nakuhosheladi nayena? 28Mumbanda ashiya ninsaba yindi, hakuya kumukala, hakuyila amayala, 29nindi, Inzenu mutali iyala nanleji yuma yinakoŋeli yejima; yeniwu hidiyi Kristuku, tahindi? 30Wena hiyakufuma mumukala, hiyakwinza kudi yena.
31Mwejimomu atumbanji twindi adi nakumulembelela nawu, Eyi Rabi, dyaloŋa. 32Yena hakuyila nindi, Ni kweti yakudya yimwabula kwilukenu. 33Dichi atumbanji hiyakudihujola nawu, Hadi muntu namuleteli yakudya, tahindi? 34Yesu hakuyila nindi, Kudya kwami yowu kwila muchima wayena wantemesheli, nakamanishi mudimu windi. 35Enu mwelaŋa nenu kunashali tukweji tuwana hikwakenza chilaaka chakumuna. Talenu, nukuyileja nami, fumbulenu mesu mutali mumaha, chimwatookashana dehi to-o, ashika dehi hakumuna. 36Wamunaŋa watambulaŋa wufwetu, wapompeshelaŋa mbutu yakutwala kuwumi wahaya nyaka; kulonda niwakuwaŋa niwamunaŋa akazaŋaleli hamu. 37Dimu munalumbulukili chishimu chelaŋawu nawu, Wumu wakuwaŋa, wacheŋi wamunaŋa. 38Ami nayitemesheli nakumuna kumwabulili kukalakala; kwakalakeli acheŋi, enu munadiili kunyidimu yawu.
39ASamariya amavulu amumukalowu amwitiyili nezu danowu mumbanda washimwini nindi, Nanleji yuma yinakoŋeli yejima. 40Dichi chenjiluwu aSamariya kudi yena, hiyakumulembelela nawu akamuku mafuku. Hakujiŋilaku mafuku ayedi. 41Amakwawu amavulu hiyakwitiya namazu ahosheliyi yomwenindi. 42Hiyakumwila owu mumbanda nawu, Ichi tunetiyi, hichinafumi hakutuleja kudeyuku, tunamutiyi etu aweni; tuneluki netu chalala diyi Chamwinu champata yamunu mwishina.
43Wenowu mafuku ayedi chanahituwu, hakufuma kwenoku hakuya muŊaliliya. 44Muloŋa yomweni Yesu washimuna dehi nindi, Kaprofwetu hiyamulemeshaŋa mwituŋa dindi yomwenuku. 45Dichi chayiliyi muŊaliliya, aŊaliliya hiyakumutambula chachiwahi, amona dehi yuma yejima yeliliyi kuYerusalema kuchawija; muloŋa niwena nawa ayili kuchawija.
46Dichi hakufunta cheŋi kuKana wamuŊaliliya, oku kwabalumwiniyi meji ekali vinyu. KuKaperinawu kwadiŋi kalama kamwanta, wadiŋi namwanindi weyala wakata. 47Chatiyiliyi nawu Yesu wafuma dehi muYudeya, nenzi muŊaliliya hakuya kudi yena, hakumulembelela nindi akunkumuki akoki mwanindi, muloŋa hakukeŋa kufwa. 48Dichi Yesu hakumwila mindi, chiŋa mumona yinjikijilu niyihayamisha, neyi nehi himukwitiyaku. 49Kalama hakumwila nindi, Mwanta kunkumukaku hohanu hachidiyi mwanami kanda afwi. 50Yesu hakumwila nindi, Diyilaŋa kweyi, mwaneyi nahandi dehi. Owu iyala hakwitiya mazu ahosheliyi Yesu, hakudiyila kwindi. 51Chadiŋi nakukunkumukayi, anduŋu jindi hiyakumukinkilila nawu, Mwaneyi wahanda dehi. 52Hakuyihula mpinji yatachikayi kukola. Hiyakumuleja nawu, Haloshi ora yamuchitanu nachiyedi dihu hamufuma chishi ka. 53Dichi tata yindi hakwiluka nindi komana yoyu ora yamulejayi Yesu nindi, Mwaneyi nahandi dehi. Yomweni hakwitiya niakwetala dindi ejima. 54Dichi chinjikijilu chamuchiyedi cheliliyi Yesu hafuminiyi muYudeya, hayiliyi muŊaliliya.
The Bible in Lunda: Ndembu (Lunda of Kalunda) © B. F. B. S. 1962.