LUKAS 22
22
Komol᷊ang ko mundoka si Yesus
(Mat. 26:1-5; Mrk. 14:1-2; Yoh. 11:45-53)
1 #
Sasu. 12:1-27
Putatinaungang u Boroti Takoae Ragi nge, ko isigho Paska seng masandighi. 2Manga Tumbonang u imam dang manga meteri agama kapundeae l᷊al᷊eng tadeau mangono mamate si Yesus, watu'u i sire mataku su taumata ko maul᷊i.
I Yudas nukumire musingking si Yesus
(Mat. 26:14-16; Mrk. 14:10-11)
3Bou e'e setang nusumu su naung i Yudas ko nisigho l᷊ai si Iskariot, ko singkatau bo i sire mapul᷊odua tumatuhu I Yesus. 4Ual᷊ingu e'e i Yudas natamai dang nughaghighili dingang u manga tumbonang u imam dang manga tumbonang u mundadiaga Wal᷊e ngu Mawu hal᷊i u kirapa i sie makapanarakang I Yesus si sire. 5I Sire mal᷊uasi kahingang dang nudiandi hindo mangonggo doi si sie. 6I Yudas nukumire dang nanita mundea l᷊oahi sarang ta ikatitonang u taumata manarakang I Yesus si sire.
Sasadia kang u Paska
(Mat. 26:17-25; Mrk. 14:12-21; Yoh. 13:21-30)
7Nurating l᷊ounge su l᷊al᷊ung u sal᷊iwang Boroti Takoae Ragi nge himoneu domba guna ngu kang u Paska ihata. 8Kuteu I Yesus nangoro si Petrus l᷊au i Yohanes, “Tamaite panadia kang u Paska guna ngi kite.”
9“Su apa kao i Tuang i kami manadia?” kakina i sire
10I Yesus nusumimbahi, “Su tempo i kumu sumu su soa, i kumu sarung musombang u tau ko ese singkatau kapumbawae bunsari simbau taho u ake. Tuhuke i sie sarang wal᷊e ko isukange, 11dang puhabari su tataghuang u wal᷊e e'e: I Tuang nangul᷊i, ‘Su apa tampae guna ngu Ia l᷊au tumatuhu-Ku kumang kang u Paska?’ 12Tataghuang u wal᷊e e'e sarung manibo si kumu kamari ko l᷊abo simbau su loteng, naimuti dingang u tatahoe. Sadiaite kaul᷊ie su se'e.” 13Kuteu i Petrus l᷊au i Yohanes natamai, bou e'e nakahombang kaul᷊ie nuhino kere ko nihabari Yesus. I sire nanadia kang u Paska e'e.
Parjamuang u Mawu
(Mat. 26:26-30; Mrk. 14:22-26; 1Kor. 11:23-25)
14Suapang seng temponge kumang kang u Paska e'e, I Yesus nukumangiang dingang u manga tumatuhu-E su tampa u parjamuang. 15Bou e'e I Sie nangul᷊i si sire, “Ia mo kahingang kumang kang u Paska i'i singkakang dingang i kumu suhoro Ia mutatahang u singsara! 16Watu'u, pangimangte: Ia sarung ta kumang i'i l᷊ai sarang mangal᷊eng u parjamuang i'i ipakal᷊ahe su Dunia ngu Mawu Ruata Ko Wuhu.”
17Bou e'e I Yesus nuhengke cawang u anggori, bou e'e nukal᷊iomaneng nutarimakase su Mawu Ruata, mbuhue nangul᷊i, “Al᷊ae i'i, dang pupapahiae; 18Watu'u katitongte: manita bou tempo i'i Ia sarung seng ta manginung anggori i'i l᷊ai sarang Mawu Ruata seng mukawasa patiku.”
19Bou e'e I Yesus nangal᷊a boroti. Dang suapang mbuae nukal᷊iomaneng nuputarimakase, I Sie nangangompeng boroti e'e dingang u l᷊ima-Nge mbuhue nangonggo e'e si sire, l᷊au nangul᷊i, “Ii badang-Ku [ko isarakang guna ngi kumu. Koako i'i guna ngu putatinaungang si Sia.” 20#Yer. 31:31-34Kere'e l᷊ai suapang bou nukumang, I Sie nangonggo cawang u anggori e'e si sire dingang nangul᷊i, “Cawang i'i ko pudadiandi ko wuhu bou Mawu Ruata, ko nitoghaseng u daha-Ku, e'e daha ko nipaansehi guna ngi kumu.”]
21 #
Mzm. 41:10
“Kateho putuhung! Taumata ko musingking si Sia ene su si'i dingang-Ku! 22Ahusi Taumata mang sarung mate kere ko seng nitantu u Mawu Ruata; kateho silaka su taumata ko musingking si Sie!”
23Kuteu i sire nanita nukakina simbau dingang ko wal᷊inge, i sai bou tal᷊oara i sire ko sarung mukoa hal᷊i e'e.
Purarendehi hal᷊i u i sai ko kal᷊abokange
24 #
Mat. 18:1; Mrk. 9:34; Luk. 9:46 Su tal᷊oara u manga tumatuhu I Yesus nutumimbul᷊i purarendehi hal᷊i u ko i sai bo i sire ko mambeng irekeng kal᷊abokange. 25#Mat. 20:25-27; Mrk. 10:42-44I Yesus nangul᷊i si sire, “Manga Ratu ngu dunia ko wugha ngu Mawu Ruata manira ana u kawanuange dang apang mangangawasange isigho ‘Munanirung Umati’. 26#Mat. 23:11; Mrk. 9:35Arawe i kumu ta wotonge kere'e. Su simbukange, taumata ko kal᷊abokange su tal᷊oara i kumu mambeng makoa ko kadiokange, dang pangaha mambeng makoa kere paparentang 27#Yoh. 13:12-15I sai ko lebe l᷊abo; taumata ko kakangiang su meda, arako taumata ko kapusiliwirie si sie? Tantu taumata ko kakangiang e'e. Arawe Ia ene su tal᷊oara i kumu kere paparentang.
28Su l᷊al᷊ung u kaul᷊i u kasasusa-Ku, i kumu mangkate sintinia dingang-Ku. 29Kere'e I Yamang seng nangonggo si Sia haki guna ngu mamarenta, kere'e l᷊ai Ia sarung mangonggo haki e'e si kumu. 30#Mat. 19:28Dingang kere'e i kumu botonge mahul᷊uasi dingang-Ku su tempo ngu Ia makoa Ratu. Dang i kumu sarung kumangiang su wawo u mapul᷊odua kadera guna ngu mamarenta mapul᷊odua suku bou bangsa Israel.”
Nubueti himoneu i Petrus sarung musunial᷊i Yesus
(Mat. 26:32-35; Mrk. 14:27-31; Yoh. 13:36-38)
31“Simon, Simon, raringihi! Setang seng nipakawala guna ngu panal᷊uka si kumu; kere gandung nihae bou pisinge hakiu ko mapia nihae bou ko dal᷊ai. 32Kateho Ia seng mbuae nukal᷊iomaneng guna ngi kau Simon, tadeau pangangimangu kumbahang muwal᷊u. Dang boko i kau seng nusul᷊e sarang koa-Ku i kau mambeng panoghasi ana u singkatau'u.”
33I Petrus nusumimbahi, “Mawu, ia sadia sumu su tutupang dang mate dingang u Mawu!”
34“Pangimangte, Petrus”, angkung I Yesus, “suhoro manu kumuku silou i'i, i kau seng pakatilu musunial᷊i u Ia.”
Dompeti, patoka arako pera
35 #
Mat. 10:9-10; Mrk. 6:8-9; Luk. 9:3, 10:4 Bou e'e I Yesus nangul᷊i si sire, “Ndahuwite su tempo Ia nundoi si kumu dang ta nupakawala ngi kumu mumbawa dompeti, patoka arako sapatu, apa pia kurange si kumu?”
“Takoae!” sasimbahi sire.
36“Arawe i'i,” angkung I Yesus, “I sai pia dompeti, arako patoka, mambeng wawa; dang i sai takoae perange, mambeng puwal᷊u jubange guna ngu pul᷊uang pera. 37#Yes. 53:12Watu'u, pangimangte, su ayeti u Buki Susi ko nangul᷊i kiri'i, ‘I Sie nirekeng kere singkatau tahakoa ko dal᷊ai’, mambeng mariadi su watangeng-Ku. Watu'u apang ko kawawohe su Buki Susi hal᷊i u Ia, seng kakariadinge su tempo i'i.”
38“Mawu,” angkung u manga tumatuhu I Yesus, “Tuhungete, su si'i pia pera darua.”
“Kuhaete!”#22:38: Kuhaete: arako Seng botonge. sasimbahi Yesus.
I Yesus nukal᷊iomaneng su Wukiri u Zaitung
(Mat. 26:36-46; Mrk. 14:32-42)
39I Yesus nanintang u soa dang kere narange nakoa sarang Wukiri u Zaitung dang manga tumatuhu-E natarai l᷊ai dingang-E. 40Suapang nurating u e'e, I Sie nangul᷊i si sire, “Pukal᷊iomanengko, tadeau i kumu ta mukoa dosa boko i kumu isal᷊ukateng.”
41Bou e'e i Sie natamai lebe marau singkodo bo i sire, pari manga singkapal᷊o u watu karaunge, mbuhue nusuba dang nukal᷊iomaneng. 42“I Yamang,” angkung-E, “kere wotonge, pakarauko bou Ia singsara ko mambeng Daku l᷊al᷊engang i'i. Kateho kumbahang tumuhu kao-Ku, kitang tumuhu kao I Yamang.” 43[Singkatau malaikati nusumongo si Sie dang nupakatoghasi si Sie. 44I Yesus nutatahang u singsara kere'e kahebati su naung-E, hakiu i Sie nanamba nukal᷊iomaneng. Liagha-E musul᷊ung u daha nutumudo su tana.]
45Nasue kal᷊iomanenge, I Yesus nusul᷊e sau sarang manga tumatuhu-E. I Sie nakahombang si sire katikie ual᷊ingu naung tumaniu masusa. 46Bou e'e I Sie nangul᷊i si sire, “Nakurawe i kumu natiki? Puwangungte dang pukal᷊iomanengte tadeau i kumu tawe kahinomang u sasal᷊uka.”
I Yesus nisame
(Mat. 26:47-56; Mrk. 14:43-50; Yoh. 18:3-11)
47Tintal᷊a I Yesus mborong kadidatonge, nasongote taumata singgapang. I sire niaha i Yudas, singkatau bou tumatuhu I Yesus. Bou e'e i Yudas nusumandighi si Yesus, mbuhue nangimbu si Sie. 48Arawe I Yesus nangul᷊i si sie, “Yudas, apa dingang u l᷊aimbu e'e i kau musingking Ahusi Taumata?”
49Suapang manga tumatuhu I Yesus ko ene su se'e nakawua apang ko nariadi, i sire nangul᷊i, “Mawu, mapiang rokateng i kami dingang u pera!” 50Bou e'e singkatau bo i sire namili l᷊ang u imam ko l᷊abo dingang u pera hakiu tul᷊inge kuaneng nasahing.
51Kateho I Yesus nangul᷊i, “Kuhaete.” Bou e'e i Sie nanil᷊iri tul᷊i ngu tau e'e dang nipakaul᷊e.
52Bou e'e I Yesus nangul᷊i, su manga tumbonang u imam l᷊au su manga parwira mundadiaga Wal᷊e ngu Mawu, dang manga pangaha u tau Yahudi ko nusumongo su se'e guna ngu maname si Sie, “Apa Ia i'i ko tahakoa ko dal᷊ai sarang i kumu nusumongo dingang u pera dang tatutu guna ngu maname si Sia? 53#Luk. 19:47, 21:37L᷊ou-l᷊ou Ia ene dingang i kumu su Wal᷊e ngu Mawu, i kumu ta naname si Sia. Arawe i'i seng tempo i kumu mukoa, tempo ngu kawasa ngu kararundung makoa paneheri.”
I Petrus nusunial᷊i Yesus
(Mat. 26:57-58,69-75; Mrk. 14:53-54,66-72; Yoh. 18:12-18,25-27)
54I sire naname si Yesus dang numbawa si Sie sarang Wal᷊e ngu imam ko l᷊abo. I Petrus katuhue bou raunge. 55Su tal᷊oara u lilahi e'e putung rararang seng kahenange dang i Petrus tamai nukumangiang dingang u manga taumata ko kakangiang nul᷊iku putung e'e. 56Singkatau paparentang kowawine nakawua si Petrus kakangiang su sindihang u putung rararang e'e; bou e'e paparentang kowawine e'e nutuhung pakapia-pia si Petrus, mbuhue nangul᷊i, “Taumata i'i l᷊ai kanini ene dingang I Yesus!”
57Arawe i Petrus nusunial᷊i. I sie nangul᷊i, “Ia tinga-tingari wugha ngu tau e'e!”
58Ta nal᷊iwue bou e'e, singkatau ko wal᷊inge nakawua si Petrus dang nangul᷊i, “I kau l᷊ai singkatau bo i sire!”
Kateho i Petrus nusumimbahi, “Ta, wal᷊inge ia!”
59Patehang manga singkaorasi bou e'e, singkatau ko wal᷊inge l᷊ai nangul᷊i mauha, “Tingari taumata i'i tumatuhu I Yesus, watu'u i sie l᷊ai tau Galilea!”
60Arawe i Petrus nusumimbahi, “Apa ko su naungu e'e, ia wugha!”
Su tempo e'e l᷊ai, tintal᷊a i Petrus mborong kadidatonge, manu nukumuku. 61I Yesus l᷊ai nuwihu dang nutuhung si Petrus. Bou e'e i Petrus nakatinaung Mawu mbuae nangul᷊i si sie, “Suhoro u manu nukumuku silou i'i, i kau seng pakatilu nusunial᷊i u Ia.” 62Kuteu i Petrus nusumuwang bou e'e dang nusumangi marehe.
I Yesus niputaghunang dang nipukul᷊i
(Mat. 26:67-68; Mrk. 14:65)
63Manga taumata ko kapudiagae si Yesus, nuputaghunang dang namukul᷊i si Sie. 64I sire nanaka mata-Nge, dang nukina si Sie, “Kenang tika i sai namukul᷊i si Kau?” 65Maul᷊i l᷊ai manga didato l᷊ahinakang ko nihabari sire si Sie
I Yesus su tingo ngu Pangadilang u Agama
(Mat. 26:59-66; Mrk. 14:55-64; Yoh. 18:19-24)
66Su mal᷊ukari e'e, manga pangaha u tau Yahudi, manga tumbonang u imam, l᷊au manga meteri agama nukomol᷊i, bou e'e I Yesus niwawa sarang tingo ngu Pangadilang u Agama ngi sire 67“Habari ko si kami,” angkung i sire si sie, “Apa ko i Kau i'i Ratu Mananal᷊amati?”
I Yesus nusumimbahi, “Boko Ia muhabari si kumu, i kumu sarung ta mangimang. 68Dang boko ia makina si kumu, i kumu ta sarung sumimbahi. 69Arawe manita bou tempo i'i, Ahusi Taumata sarung kumangiang su simbuka kuaneng#22:69 kumangiang … kuaneng: Putuhung Luk. 20:42. u Mawu Ruata Ko Makawasa Mawu.”
70I sire kaul᷊ie nangul᷊i, “Boko kere'e, i Kau i'i Ahusi Mawu Ruata?”
I Yesus nusumimbahi, “Kere'e nihabari kumu.”
71Kuteu i sire nangul᷊i, “Seng ta wahal᷊uasi l᷊ai mborong pia saksi! I kite seng nakaringihi bou mohong-E sisane!”
