YAM JAH 2
2
1Mawh kheu nan raoma mai haktiex khawm can ceu pa koe daux an khankix, hoik yuh khawmuik heue. 2Ka daux singaix aliah, Siyiex hoik kaing jhaw pa yuh tix, Nawh Cao laux leu tix, singaix aliah an, khaing kaing jhaw pa yuh tix heue.#He 4:4, 10 3Khaix an Siyiex nawb bwan ka singaix aliah an, kieh singax singeh, #Lih 20:11 mawh kheu Siyiex hoik yuh kaing jhaw pa phan pa deuh tix khawmuik, Nawh tom laux leu tix heue. 4In mawh grawng been pa hoik phan hoik deuh raoma mai haktiex, ka daux singaix pa hoik yuh Simiang Siyiex haktiex mai raoma khankix heue. 5Yam ang khaox ox mai rib riem khankix nyang kuah piang haktiex, Simiang Siyiex ang nyang kieh rawm lhiex lih piang haktiex mai kawn pui pa sum ti ih kuceu piang tiex ang nyang bax koe heue. 6Viang mawh nan, bhawm rawm ciex khankix kieh haktiex caux heue. 7Khaix an Simiang Siyiex yuh grang pakpeung kawn pui khaing phawng tiex mai phlu bhawm pa im ju daux meeh nawh mai kawn pui lih mawh pa im ju heue. #1Kaw 15:45
Sipeem Eden
8Simiang Siyiex sum sipeem tix guang ka plak lih singaix daux praix Eden, Nawh Cao deuh kawn pui pa hoik yuh tix ot tan heue. 9Simiang Siyiex phan khaox ox, pa nyawm ti jhak mai plix khaox pa mhawm son pa ih kuah khaing tiex, ka daux sigreung sipeem an, koe khaox im ju #Jhi 2:7, 22:2, 14 mai khaox pa kieh tawng pa mhawm mai pa ang mhawm heue. 10Rawm klawng ting tix klawng lih khaing daux sipeem Eden, sonsang kieh tiex caux, mai khaing klawng an deeh gwieh ti mawh pon klawng ka plak praix sipeem heue. 11Ceu kaux rawm klawng an tix klawng mawh Pishon mai lih hu plak haktiex Havilax dee koe khri heue. 12Khri haktiex an, mawh pa jiet mhawm, peeh khaox Badelax mai siang simaox Shahan kawx koe tan heue. 13Ceu kaux rawm klawng ra klawng tix klawng mawh Gihon mai lih hu plak haktiex Kushax heue. 14Ceu kaux rawm klawng loe klawng tix klawng mawh Tigarit mai lih hu plak lih singaix haktiex Asurix. Rawm klawng pon klawng tix klawng mawh Upharat heue. 15Simiang Siyiex teei kawn pui mai deuh ka daux sipeem Eden sonsang priex sang yuh sipeem an heue. 16Simiang Siyiex tawx gumlox ka kawn pui ah nin, “maix pon ti ih kuceu khaing khaox ku khaox, pa koe daux sipeem awm pa koe rhawm tix, 17viang mawh nan, maix tak ang pon ti ih khaing khaox pa kieh tawng pa mhawm mai pa ang mhawm, phan maix ih, maix tak yum singaix an tete heue.” 18Nawh ah nin, “simex tix kaux ang khaw ti ot nong nong, Aux tak baox yuh pui sang teem, awm pa khaw mai nawh heue.” 19Simiang Siyiex phan totiag kuceu piang haktiex mai sim raoma kuceu khankix khaing tiex, viex hoek ka Adam sonsang yaox nawh mai chix kok ceu kaux kix, can ceu pa kok kawn pui ka totiag pa im ju an khankix lih mawh ceu kaux kix heue. 20Adam tawx ceu kaux tobrie mai sim daux raoma khawm totiag kuceu khawmuik pa koe piang tiex, viang mawh nan kawn pui ang nyang yaox ka pui pa sang teem pa khaw mai tix heue. 21Mawh kheu nan Simiang Siyiex kieh Adam laig it, khaix an Nawh Cao teei si-ang praok nawh tix nyaing mai deeh nyeep nex kleuk paox tix heue. 22Simiang Siyiex teei si-ang praok khaing pui simex, yuh pui bun tix kaux, mai viex hoek ka pui simex heue. 23Adam ah nin, “In mawh si-ang khaing si-ang aux mai kok nawh mawh pui bun, mawh kheu mawh nawh pa hoik teei lih khaing pui simex heue.” 24Mawh kheu in, pui simex tak prah ka miex keeing tix mai ot tau mai moeng tix, kiex ra kaux tak mawh nex nham tix mu khaing heue.#Mat 19:5; Mak 10:7, 8; 1Kaw 6:16; Efe 5:31 25Kiex mex moeng khawm ra ang nyang koe kraung ceep mai ang nyang koe krax kaig tua heue.
Wa Common Language Bible © Bible Society of Myanmar, 2012
YAM JAH 2
2
1Mawh kheu nan raoma mai haktiex khawm can ceu pa koe daux an khankix, hoik yuh khawmuik heue. 2Ka daux singaix aliah, Siyiex hoik kaing jhaw pa yuh tix, Nawh Cao laux leu tix, singaix aliah an, khaing kaing jhaw pa yuh tix heue.#He 4:4, 10 3Khaix an Siyiex nawb bwan ka singaix aliah an, kieh singax singeh, #Lih 20:11 mawh kheu Siyiex hoik yuh kaing jhaw pa phan pa deuh tix khawmuik, Nawh tom laux leu tix heue. 4In mawh grawng been pa hoik phan hoik deuh raoma mai haktiex, ka daux singaix pa hoik yuh Simiang Siyiex haktiex mai raoma khankix heue. 5Yam ang khaox ox mai rib riem khankix nyang kuah piang haktiex, Simiang Siyiex ang nyang kieh rawm lhiex lih piang haktiex mai kawn pui pa sum ti ih kuceu piang tiex ang nyang bax koe heue. 6Viang mawh nan, bhawm rawm ciex khankix kieh haktiex caux heue. 7Khaix an Simiang Siyiex yuh grang pakpeung kawn pui khaing phawng tiex mai phlu bhawm pa im ju daux meeh nawh mai kawn pui lih mawh pa im ju heue. #1Kaw 15:45
Sipeem Eden
8Simiang Siyiex sum sipeem tix guang ka plak lih singaix daux praix Eden, Nawh Cao deuh kawn pui pa hoik yuh tix ot tan heue. 9Simiang Siyiex phan khaox ox, pa nyawm ti jhak mai plix khaox pa mhawm son pa ih kuah khaing tiex, ka daux sigreung sipeem an, koe khaox im ju #Jhi 2:7, 22:2, 14 mai khaox pa kieh tawng pa mhawm mai pa ang mhawm heue. 10Rawm klawng ting tix klawng lih khaing daux sipeem Eden, sonsang kieh tiex caux, mai khaing klawng an deeh gwieh ti mawh pon klawng ka plak praix sipeem heue. 11Ceu kaux rawm klawng an tix klawng mawh Pishon mai lih hu plak haktiex Havilax dee koe khri heue. 12Khri haktiex an, mawh pa jiet mhawm, peeh khaox Badelax mai siang simaox Shahan kawx koe tan heue. 13Ceu kaux rawm klawng ra klawng tix klawng mawh Gihon mai lih hu plak haktiex Kushax heue. 14Ceu kaux rawm klawng loe klawng tix klawng mawh Tigarit mai lih hu plak lih singaix haktiex Asurix. Rawm klawng pon klawng tix klawng mawh Upharat heue. 15Simiang Siyiex teei kawn pui mai deuh ka daux sipeem Eden sonsang priex sang yuh sipeem an heue. 16Simiang Siyiex tawx gumlox ka kawn pui ah nin, “maix pon ti ih kuceu khaing khaox ku khaox, pa koe daux sipeem awm pa koe rhawm tix, 17viang mawh nan, maix tak ang pon ti ih khaing khaox pa kieh tawng pa mhawm mai pa ang mhawm, phan maix ih, maix tak yum singaix an tete heue.” 18Nawh ah nin, “simex tix kaux ang khaw ti ot nong nong, Aux tak baox yuh pui sang teem, awm pa khaw mai nawh heue.” 19Simiang Siyiex phan totiag kuceu piang haktiex mai sim raoma kuceu khankix khaing tiex, viex hoek ka Adam sonsang yaox nawh mai chix kok ceu kaux kix, can ceu pa kok kawn pui ka totiag pa im ju an khankix lih mawh ceu kaux kix heue. 20Adam tawx ceu kaux tobrie mai sim daux raoma khawm totiag kuceu khawmuik pa koe piang tiex, viang mawh nan kawn pui ang nyang yaox ka pui pa sang teem pa khaw mai tix heue. 21Mawh kheu nan Simiang Siyiex kieh Adam laig it, khaix an Nawh Cao teei si-ang praok nawh tix nyaing mai deeh nyeep nex kleuk paox tix heue. 22Simiang Siyiex teei si-ang praok khaing pui simex, yuh pui bun tix kaux, mai viex hoek ka pui simex heue. 23Adam ah nin, “In mawh si-ang khaing si-ang aux mai kok nawh mawh pui bun, mawh kheu mawh nawh pa hoik teei lih khaing pui simex heue.” 24Mawh kheu in, pui simex tak prah ka miex keeing tix mai ot tau mai moeng tix, kiex ra kaux tak mawh nex nham tix mu khaing heue.#Mat 19:5; Mak 10:7, 8; 1Kaw 6:16; Efe 5:31 25Kiex mex moeng khawm ra ang nyang koe kraung ceep mai ang nyang koe krax kaig tua heue.
Wa Common Language Bible © Bible Society of Myanmar, 2012