Markus 3
3
Ihz tihz wiatz seu plaakz
(Matthe 12:9-14, Lukas 6:6-11)
1Yesuhz mial kut tuhz crawp rawz traz thaengz seu laehz, a diz maang ihz hawkz tihz wiatz seu plaakz. 2Meuz diz maen kaai seu ngihz ihz kam sinz, ihz keui khahz reung dengz kawi kaai Hnhz, keuh pao yawt. Beuk Hnhz cih aez ihz an diz bilz kaw, keuh ngaz maap Hnhz cih kaanz kaai seu ngihz sinz. 3Yesuhz daz ihz tihz wiatz ne nahz, “Truz ceng aacz ngaai ihz raez.” 4Yesuhz peur wiang yawt ihz an sunz maap Daehz keu diz rae maanyz keuh nahz, “Kaai seu ngihz sinz ne sinz traz sawnz aez cih an rak haz, an raai haz? Sawnz aez khyawt ihz haz, piamz ihz haz?” Keuiz daz keuh moh pras pras.
5Yesuhz yawt keuh rae sunz ca, phawmz kyehz baaiz kawp kingz keu nuasz keuh klakz. Hnhz kaw daz ihz tihz wiatz ne nahz, “Peuk caatz tihz mih raez”. Ihz an diz kaw peuk caatz tihz daehz, tihz hnhz kaw a wa rak mial. 6Pharise keui lae lan thaz crawp rawz traz, teur lao luat tang ihz Khunz Herot keui, keuh teur daz daehz nahz ngaz kyaam piamz thengz Yesuhz ceun nae.
Wungz ihz
7Yesuhz boh teu paez Hnhz keui lan nawngz Kalile, wungz ihz kaw lan tawiz Hnhz. 8Ihz keu diz naeh ihz prih Kalile, ihz prih Yio, ihz weng Yerusalem, ihz prih Idume boh ihz thaz reu lae omz Yordan, tae leh a diz phraeoz lan weng Taia boh weng Sidon. Keuh ngarz reu oiz Yesuhz rae truz cu Hnhz. 9Hnhz seumz teu paez keui leh mok aez Daehz nahz ceun luang seu lamz, yak aez ihz keui caang prawk cu Daehz. 10Meuz phangz an diz, Hnhz a wa seuk neum aez ihz heungz baaiz, ihz penz keu diz kaw prawk kut cu teu Hnhz, sunz aez daehz bilz. 11Meuz ihz phiz ruakz kut keui awlz Yesuhz ne, keuh truz seuk deumz aacz ngaai Hnhz, raak daz, “Tahz ehz, Mih naeh kuanz Phraz Pen Caoh.”
12Yesuhz seumz mok mawn mawn keuh nahz, “Yak lao plaez ihz nahz, Ohz naeh yaeh.”
Yesuhz ras teu maan seu kawlz aarz
(Matthe 10:1-4, Lukas 6:12-16)
13Waaiz an diz, Yesuhz raw kaai rang, raak leh ihz an Hnhz dawhz keui pan, keuh kaw lan cu Hnhz. 14Hnhz khaanz ihz seu kawlz aarz, peuk mus keuh teu maan, aez keuh naeh kawmz Daehz, 15aez keuh rawz traz boh aez keuh nahz a na wah thengz phiz.
16Teu paez seu kawlz aarz samz Simon an Yesuhz peuk mus Petros, 17Yakop kaar Yohn, an naeh kuanz Sebede an Hnhz peuk mus kaar Boanerkes, an daz kuanz teuk keurz. 18Andre, Philip, Bartholome, Matthe, Thomas, Yakop kuanz Alphaeus, Thadae, Simon ihz plaakz prih omz Yio 19boh Yudas Iskariot an te ya keu tih saet ca Hnhz ne.
Ihz mawz kyaamz keui maap Yesuhz maang phiz Beelsebul
(Matthe 12:22-32, Lukas 11:14-23, 12:10)
20Waaiz an diz, Yesuhz weng cu lang kaang. Ihz mial truz thaengz heungz baaiz, Hnhz boh teu paez Hnhz keui nam caang suamz seum suamz. 21Meuz ihz kaang Yesuhz ngarz ihz teur ka daz, Hnhz a wa reu waet, keuh ngaz tawiz leh Hnhz.
22Ihz mawz kyaamz an cur truz thaz weng Yerusalem keui kaw daz, “Hnhz maang phiz Beelsebul an daz khunz phiz. Hnhz cao taanz khoz khunz phiz, wah thengz phiz.”
23Kawp ceun diz, Yesuhz raak leh keuh truz cu Daehz, daz plaez keuh nahz mony pung taek, “Satan ngaz cih seu naez wah thengz Satan? 24Prih an nae nam daz, beuk ihz prih teur deuiz teur kawi daehz, ngaz cih seu naez penz prih? 25Beuk ihz kaang kawmz teur teuk praasz, teur kawi daehz kaw nam penz kaang. 26Beuk prih Satan teur deuiz teur teuk praasz, teur kawi daehz kaw nam khreumz, ngaz phraeoz ti dutz.
27Beuk nam mat mok teuk aacz ihz keum rang mawh ne, nam caang kut tuhz kaang hnhz, nam rimz leh bawnz kreung kaang hnhz. Mat mok teuk aacz caang kai rimz leh.
28Phraz Pen Caoh plawiz aez bawnz reung dengz kawi an cih leuz boh an upz leuz. 29Keuiz daz, ihz an upz leuz Khuanz Seu Ngamz samz Phraz Pen Caoh nam plawiz lawt aez seu pawk, kawp daz reung dengz kawi an diz naeh kawmz hnhz cen cen”. 30Yesuhz daz keuh nahz ceun diz, kawp keuh daz, “Hnhz maang phiz.”
Mah Yesuhz boh seum bohz Yesuhz
(Matthe 12:46-50, Lukas 8:19-21)
31Waaiz an diz, mah Yesuhz boh seum bohz Yesuhz keui phraeoz truz, ceng thaz nawk kaang, cao ihz raak leh Hnhz. 32Ihz heungz baaiz keu dez wit wit Hnhz, ihz teur ka kaw daz, “Mah Mih boh seum bohz Mih khahz boh Mih.”
33Yesuhz kaw mial daz, “Naeh yaeh, mah Ohz boh seum bohz Ohz a?” 34Yawt ihz keu dez wit wit Daehz keui daz, “Ihz keu ni naeh mah Ohz boh seum bohz Ohz. 35Ihz an cih tawiz reung dawhz Phraz Pen Caoh ne naeh mah Ohz boh seum bohz Ohz.”
© 2022, Wycliffe Bible Translators, Inc. All rights reserved.
Markus 3
3
Ihz tihz wiatz seu plaakz
(Matthe 12:9-14, Lukas 6:6-11)
1Yesuhz mial kut tuhz crawp rawz traz thaengz seu laehz, a diz maang ihz hawkz tihz wiatz seu plaakz. 2Meuz diz maen kaai seu ngihz ihz kam sinz, ihz keui khahz reung dengz kawi kaai Hnhz, keuh pao yawt. Beuk Hnhz cih aez ihz an diz bilz kaw, keuh ngaz maap Hnhz cih kaanz kaai seu ngihz sinz. 3Yesuhz daz ihz tihz wiatz ne nahz, “Truz ceng aacz ngaai ihz raez.” 4Yesuhz peur wiang yawt ihz an sunz maap Daehz keu diz rae maanyz keuh nahz, “Kaai seu ngihz sinz ne sinz traz sawnz aez cih an rak haz, an raai haz? Sawnz aez khyawt ihz haz, piamz ihz haz?” Keuiz daz keuh moh pras pras.
5Yesuhz yawt keuh rae sunz ca, phawmz kyehz baaiz kawp kingz keu nuasz keuh klakz. Hnhz kaw daz ihz tihz wiatz ne nahz, “Peuk caatz tihz mih raez”. Ihz an diz kaw peuk caatz tihz daehz, tihz hnhz kaw a wa rak mial. 6Pharise keui lae lan thaz crawp rawz traz, teur lao luat tang ihz Khunz Herot keui, keuh teur daz daehz nahz ngaz kyaam piamz thengz Yesuhz ceun nae.
Wungz ihz
7Yesuhz boh teu paez Hnhz keui lan nawngz Kalile, wungz ihz kaw lan tawiz Hnhz. 8Ihz keu diz naeh ihz prih Kalile, ihz prih Yio, ihz weng Yerusalem, ihz prih Idume boh ihz thaz reu lae omz Yordan, tae leh a diz phraeoz lan weng Taia boh weng Sidon. Keuh ngarz reu oiz Yesuhz rae truz cu Hnhz. 9Hnhz seumz teu paez keui leh mok aez Daehz nahz ceun luang seu lamz, yak aez ihz keui caang prawk cu Daehz. 10Meuz phangz an diz, Hnhz a wa seuk neum aez ihz heungz baaiz, ihz penz keu diz kaw prawk kut cu teu Hnhz, sunz aez daehz bilz. 11Meuz ihz phiz ruakz kut keui awlz Yesuhz ne, keuh truz seuk deumz aacz ngaai Hnhz, raak daz, “Tahz ehz, Mih naeh kuanz Phraz Pen Caoh.”
12Yesuhz seumz mok mawn mawn keuh nahz, “Yak lao plaez ihz nahz, Ohz naeh yaeh.”
Yesuhz ras teu maan seu kawlz aarz
(Matthe 10:1-4, Lukas 6:12-16)
13Waaiz an diz, Yesuhz raw kaai rang, raak leh ihz an Hnhz dawhz keui pan, keuh kaw lan cu Hnhz. 14Hnhz khaanz ihz seu kawlz aarz, peuk mus keuh teu maan, aez keuh naeh kawmz Daehz, 15aez keuh rawz traz boh aez keuh nahz a na wah thengz phiz.
16Teu paez seu kawlz aarz samz Simon an Yesuhz peuk mus Petros, 17Yakop kaar Yohn, an naeh kuanz Sebede an Hnhz peuk mus kaar Boanerkes, an daz kuanz teuk keurz. 18Andre, Philip, Bartholome, Matthe, Thomas, Yakop kuanz Alphaeus, Thadae, Simon ihz plaakz prih omz Yio 19boh Yudas Iskariot an te ya keu tih saet ca Hnhz ne.
Ihz mawz kyaamz keui maap Yesuhz maang phiz Beelsebul
(Matthe 12:22-32, Lukas 11:14-23, 12:10)
20Waaiz an diz, Yesuhz weng cu lang kaang. Ihz mial truz thaengz heungz baaiz, Hnhz boh teu paez Hnhz keui nam caang suamz seum suamz. 21Meuz ihz kaang Yesuhz ngarz ihz teur ka daz, Hnhz a wa reu waet, keuh ngaz tawiz leh Hnhz.
22Ihz mawz kyaamz an cur truz thaz weng Yerusalem keui kaw daz, “Hnhz maang phiz Beelsebul an daz khunz phiz. Hnhz cao taanz khoz khunz phiz, wah thengz phiz.”
23Kawp ceun diz, Yesuhz raak leh keuh truz cu Daehz, daz plaez keuh nahz mony pung taek, “Satan ngaz cih seu naez wah thengz Satan? 24Prih an nae nam daz, beuk ihz prih teur deuiz teur kawi daehz, ngaz cih seu naez penz prih? 25Beuk ihz kaang kawmz teur teuk praasz, teur kawi daehz kaw nam penz kaang. 26Beuk prih Satan teur deuiz teur teuk praasz, teur kawi daehz kaw nam khreumz, ngaz phraeoz ti dutz.
27Beuk nam mat mok teuk aacz ihz keum rang mawh ne, nam caang kut tuhz kaang hnhz, nam rimz leh bawnz kreung kaang hnhz. Mat mok teuk aacz caang kai rimz leh.
28Phraz Pen Caoh plawiz aez bawnz reung dengz kawi an cih leuz boh an upz leuz. 29Keuiz daz, ihz an upz leuz Khuanz Seu Ngamz samz Phraz Pen Caoh nam plawiz lawt aez seu pawk, kawp daz reung dengz kawi an diz naeh kawmz hnhz cen cen”. 30Yesuhz daz keuh nahz ceun diz, kawp keuh daz, “Hnhz maang phiz.”
Mah Yesuhz boh seum bohz Yesuhz
(Matthe 12:46-50, Lukas 8:19-21)
31Waaiz an diz, mah Yesuhz boh seum bohz Yesuhz keui phraeoz truz, ceng thaz nawk kaang, cao ihz raak leh Hnhz. 32Ihz heungz baaiz keu dez wit wit Hnhz, ihz teur ka kaw daz, “Mah Mih boh seum bohz Mih khahz boh Mih.”
33Yesuhz kaw mial daz, “Naeh yaeh, mah Ohz boh seum bohz Ohz a?” 34Yawt ihz keu dez wit wit Daehz keui daz, “Ihz keu ni naeh mah Ohz boh seum bohz Ohz. 35Ihz an cih tawiz reung dawhz Phraz Pen Caoh ne naeh mah Ohz boh seum bohz Ohz.”
© 2022, Wycliffe Bible Translators, Inc. All rights reserved.