Matius 1
1
Yesus Kristus pung silsila
1:1-17
(Lukas 3:23-38)
1Ini ni Yesus Kristus pung silsila. Yesus Kristus ni Abraham pung turunang deng jua Raja Daud pung turunang.
2Abraham pung ana par Isak,
Isak pung ana par Yakub,
Yakub pung ana par Yehuda deng dia pung sudara-sudara.
3Yehuda kaweng deng Tamar la dong pung ana par Peres deng Sera.
Peres pung ana par Hesron,
Hesron pung ana par Ram,
4Ram pung ana par Aminadab,
Aminadab pung ana par Nahason,
Nahason pung ana par Salmon.
5Salmon kaweng deng Rahab la dong pung ana par Boas.
Boas kaweng deng Rut la dong pung ana par Obed.
Obed pung ana par Isai,
6Isai pung ana par Raja Daud.
Daud kaweng deng Uria pung bini la dong dua pung ana par Salomo.
7Salomo pung ana par Rehabeam,
Rehabeam pung ana par Abia,
Abia pung ana par Asa.
8Asa pung ana par Yosafat,
Yosafat pung ana par Yoram,
Yoram pung ana par Usia,
9Usia pung ana par Yotam,
Yotam pung ana par Ahas,
Ahas pung ana par Hiskia.
10Hiskia pung ana par Manasye,
Manasye pung ana par Amon,
Amon pung ana par Yosia,
11Yosia pung turunang par Yekonya#1:11 Kalo lia 2 Raja-Raja 23—25 deng 2 Orang Israel pung Sejara 36, Yosia pung ana tu par Yoyakim (yang pung nama laeng par Elyakim), la Yoyakim pung ana par Yekonya. deng dia pung sudara-sudara, la dong dapa bawa ka Babel par dapa tahang di sana.#2 Raja-Raja 24:14-15; 2 Orang Israel pung Sejara 36:10; Yeremia 27:20
12Abis orang-orang Israel dapa bawa ka Babel par dapa tahang,
Yekonya pung ana par Sealtiel.
Sealtiel pung ana par Serubabel,
13Serubabel pung ana par Abihud,
Abihud pung ana par Elyakim,
Elyakim pung ana par Asor.
14Asor pung ana par Sadok,
Sadok pung ana par Akim,
Akim pung ana par Eliud,
15Eliud pung ana par Eleasar,
Eleasar pung ana par Matan,
Matan pung ana par Yakub.
16Yakub pung ana par Yusuf. Yusuf ni Maria pung laki.
Maria ni yang kasi lahir Yesus, yang dapa panggel par Orang yang Allah su Angka par Kasi Salamat Manusia.
17Jadi dari Abraham sampe di Daud, samua ada sapulu ampa turunang. Dari Daud sampe orang-orang Israel dapa bawa ka Babel par dapa tahang, samua ada sapulu ampa turunang lai. La dari orang-orang Israel dapa tahang di Babel sampe ka Orang yang Allah su Angka par Kasi Salamat Manusia tu lahir, samua ada sapulu ampa turunang lai.
Yesus Kristus lahir
1:18-25
(Lukas 2:1-7)
18Ini ni carita soal bagemana Yesus Kristus lahir. Akang bagini: Yesus pung mama Maria su batunangang deng Yusuf. Mar biar kata dong dua balong parna tidor sama-sama, Maria su deng badang tagal Allah pung Roh pung kuasa.#Lukas 1:27 19Maria pung tunangang Yusuf tu salalu iko orang Yahudi pung atorang agama. Jadi waktu dia dapa tau kalo Maria su deng badang, dia rencana mau kasi putus Maria tado-tado. Dia biking bagitu biar jang sampe dia biking malu-malu Maria di muka orang banya. 20Mar waktu dia ada pikir-pikir dia pung rencana tu, Tuhan pung malekat datang par dia dalang mimpi. Malekat tu bilang par dia kata, “Yusuf, Raja Daud pung turunang e! Jang ale taku ambe Maria par jadi ale pung bini, tagal ana dalang dia pung poro tu ada tagal Allah pung Roh pung kuasa. 21Nanti Maria kasi lahir ana laki-laki satu la ale musti kasi nama Dia Yesus. Barang, Dia yang nanti kasi salamat Dia pung orang-orang dari dong pung dosa-dosa.”#Lukas 1:31 22Samua tu jadi bagitu biar apa yang Tuhan bilang dolo lewat Antua pung juru bicara tu jadi. Antua bilang kata,
23“Parampuang muda satu yang balong parna tidor deng laki-laki tu nanti ada deng badang la kasi lahir ana laki-laki satu.
La Dia nanti dapa panggel par Imanuel.”
Imanuel tu pung arti ‘Allah ada sama-sama deng katong’.#Yesaya 7:14
24Waktu Yusuf bangong, dia biking iko apa yang Tuhan pung malekat su bilang par dia. Dia kaweng deng Maria. 25Mar, Yusuf seng parna tidor deng Maria sampe ana tu lahir. Waktu ana tu su lahir, Yusuf kasi nama Dia Yesus.#Lukas 2:21
© 2022, Sinode Gereja Protestan Maluku
Matius 1
1
Yesus Kristus pung silsila
1:1-17
(Lukas 3:23-38)
1Ini ni Yesus Kristus pung silsila. Yesus Kristus ni Abraham pung turunang deng jua Raja Daud pung turunang.
2Abraham pung ana par Isak,
Isak pung ana par Yakub,
Yakub pung ana par Yehuda deng dia pung sudara-sudara.
3Yehuda kaweng deng Tamar la dong pung ana par Peres deng Sera.
Peres pung ana par Hesron,
Hesron pung ana par Ram,
4Ram pung ana par Aminadab,
Aminadab pung ana par Nahason,
Nahason pung ana par Salmon.
5Salmon kaweng deng Rahab la dong pung ana par Boas.
Boas kaweng deng Rut la dong pung ana par Obed.
Obed pung ana par Isai,
6Isai pung ana par Raja Daud.
Daud kaweng deng Uria pung bini la dong dua pung ana par Salomo.
7Salomo pung ana par Rehabeam,
Rehabeam pung ana par Abia,
Abia pung ana par Asa.
8Asa pung ana par Yosafat,
Yosafat pung ana par Yoram,
Yoram pung ana par Usia,
9Usia pung ana par Yotam,
Yotam pung ana par Ahas,
Ahas pung ana par Hiskia.
10Hiskia pung ana par Manasye,
Manasye pung ana par Amon,
Amon pung ana par Yosia,
11Yosia pung turunang par Yekonya#1:11 Kalo lia 2 Raja-Raja 23—25 deng 2 Orang Israel pung Sejara 36, Yosia pung ana tu par Yoyakim (yang pung nama laeng par Elyakim), la Yoyakim pung ana par Yekonya. deng dia pung sudara-sudara, la dong dapa bawa ka Babel par dapa tahang di sana.#2 Raja-Raja 24:14-15; 2 Orang Israel pung Sejara 36:10; Yeremia 27:20
12Abis orang-orang Israel dapa bawa ka Babel par dapa tahang,
Yekonya pung ana par Sealtiel.
Sealtiel pung ana par Serubabel,
13Serubabel pung ana par Abihud,
Abihud pung ana par Elyakim,
Elyakim pung ana par Asor.
14Asor pung ana par Sadok,
Sadok pung ana par Akim,
Akim pung ana par Eliud,
15Eliud pung ana par Eleasar,
Eleasar pung ana par Matan,
Matan pung ana par Yakub.
16Yakub pung ana par Yusuf. Yusuf ni Maria pung laki.
Maria ni yang kasi lahir Yesus, yang dapa panggel par Orang yang Allah su Angka par Kasi Salamat Manusia.
17Jadi dari Abraham sampe di Daud, samua ada sapulu ampa turunang. Dari Daud sampe orang-orang Israel dapa bawa ka Babel par dapa tahang, samua ada sapulu ampa turunang lai. La dari orang-orang Israel dapa tahang di Babel sampe ka Orang yang Allah su Angka par Kasi Salamat Manusia tu lahir, samua ada sapulu ampa turunang lai.
Yesus Kristus lahir
1:18-25
(Lukas 2:1-7)
18Ini ni carita soal bagemana Yesus Kristus lahir. Akang bagini: Yesus pung mama Maria su batunangang deng Yusuf. Mar biar kata dong dua balong parna tidor sama-sama, Maria su deng badang tagal Allah pung Roh pung kuasa.#Lukas 1:27 19Maria pung tunangang Yusuf tu salalu iko orang Yahudi pung atorang agama. Jadi waktu dia dapa tau kalo Maria su deng badang, dia rencana mau kasi putus Maria tado-tado. Dia biking bagitu biar jang sampe dia biking malu-malu Maria di muka orang banya. 20Mar waktu dia ada pikir-pikir dia pung rencana tu, Tuhan pung malekat datang par dia dalang mimpi. Malekat tu bilang par dia kata, “Yusuf, Raja Daud pung turunang e! Jang ale taku ambe Maria par jadi ale pung bini, tagal ana dalang dia pung poro tu ada tagal Allah pung Roh pung kuasa. 21Nanti Maria kasi lahir ana laki-laki satu la ale musti kasi nama Dia Yesus. Barang, Dia yang nanti kasi salamat Dia pung orang-orang dari dong pung dosa-dosa.”#Lukas 1:31 22Samua tu jadi bagitu biar apa yang Tuhan bilang dolo lewat Antua pung juru bicara tu jadi. Antua bilang kata,
23“Parampuang muda satu yang balong parna tidor deng laki-laki tu nanti ada deng badang la kasi lahir ana laki-laki satu.
La Dia nanti dapa panggel par Imanuel.”
Imanuel tu pung arti ‘Allah ada sama-sama deng katong’.#Yesaya 7:14
24Waktu Yusuf bangong, dia biking iko apa yang Tuhan pung malekat su bilang par dia. Dia kaweng deng Maria. 25Mar, Yusuf seng parna tidor deng Maria sampe ana tu lahir. Waktu ana tu su lahir, Yusuf kasi nama Dia Yesus.#Lukas 2:21
© 2022, Sinode Gereja Protestan Maluku