Luka 5
5
Yezu bwoŋi nɔɔna badwonna se ba taa tɔge‑o
Matiyu 4:18-22; Maake 1:16-20
1Dɛ dedwe mo Yezu déem vei o zege buga-kamunu kodwoŋi ni ne, ka yere mo Genesara.#5:1 Genesara yere dedwoŋi ye Galili naneo kom. O na zege da konto to, nɔɔna ma ba o tei se ba taa cheigi Wɛ kwora. Ba maa peene daane ye ba yiga. 2O ma na nabwooru telei te tigi buga kam ni ne, ywon-jara na yage-te ye ba daare ba vo se ba zare ba chworu tem. 3Nabworo dedoa maa ye Simon nyem mo. Yezu ma zo ko wone. O ma ta dedaane Simon o we, “Chwo bworo kom n ja n vo yiga fenfee n pa-ne.”
Ko na seene ko ke to, o laam maa jei nabworo kom wone o tɛ Wɛ taane o bere nɔn-kɔgɔ kom. 4O na bere-ba o ti to, o ma ta de Simon o we, “Cho bworo kom n ja n vo na-luŋa kam jei, se á de á chworu tem na bam kuri ne á ja ywona.” 5O ma leiri‑o o we, “Amo tu, debam maŋe dé de chworu tem taa dé ga. Tega poore ye dé wo nɛ kolokolo. Dé nam bugi dedɛ. Nmo nam na tage we dé daa jwoori dé ke to, amo wó pa ba de chworu tem se dé nii.”
6Ba ma vo ba yi na bam tetare jei sem ye ba de chworu tem da ba ja ywona dedɛ. Ywona yam maa tiini ya daga dedɛ pa se chworu tem lage te kaare. 7Ba ma yeese ba jea ba bwoŋi ba dwonna bam se ba ba ba woli-ba. Banto de ma kwei nabworo kokom kom ba ja vo ba woli-ba. Bworru tem telei maama ma su de ywona. Te ma ga fenfee se te misi na bam wone.#Jɔn 21:3-8 8Simon wolo yere dedwoŋi na ye Piita to ma na kolo na ke to. O ma vo o kuni dwoona Yezu yiga ne, ye o we, “Amo tu, véi dáa a tei ne, se amo mo ye nɔn-chechɔgɔ.”
9Ba na jaane ywona dedɛ ye ya tiini ya daga to, ko ma kagele Simon dedaane nɔɔna balo na wo o tei ne to. 10Ko ta kagele Zebedi bia balei na tɔge ba wora to. Ba dedoa yere mo Jemsi, o nyaane wom yere mo Jɔn. Banto déem yeini ba tɔge de Simon mo ba toŋa. Yezu daa ma ta de Simon o we, “Yé ta‑n kɔre foone. Ko zege zem dɛ dem ne ko taa via, nmo laam wó ta‑n lage nɔɔna mo n pa amo, ne nmo déem na yeini n lage ywona n jaane tei to.”
11Ba ma jwoori ba ja nabwooru tem ba nwoŋi ba tiŋi buburu kom ni ne. Ba na ke konto ba ti to, ba yage ba wonnu maama ye ba laam daare ba tɔge Yezu.
Yezu daa ta yɔɔre nɔɔna
Matiyu 8:1-4; 9:1-8; Maake 1:40–2:12
12Dɛ dedwe mo Yezu vei teo kodwoŋi. Nɔɔno ya wo teo kom konto ne o na ye nayɔŋɔ. O jaweo kom déem zo o yera lanyerane. O na nɛ Yezu to, o ma fɔɔre o yi o tei, ye o kuni dwoona o lwoori‑o o we, “Amo tu, n ná laga, n jege dam se n pa a na yazura.” 13Yezu ma twe o jeŋa o dwei‑o ye o we, “A lage se ko taa ye konto. Zaŋe de yazura.”
O na tage konto to mo bedwe baŋa ne jaweo kom jei nɔɔno wom yera ne. 14Yezu ma kaane‑o o we, “Yé zaŋe n ta kolo na ke to n bere nɔɔn-nɔɔno. Yɔɔre Wɛ kaanem tu wom tei se n vo n bere‑o n jaweo kom na jei tei n ye-daa ne.#Chullu 14:1-32 Ta daare n kwei pɛɛra n ma n kaane Wɛ, nenɛɛne Moses nia yam na bere tei kwɛɛm ŋwaane to. Konto wó bere nɔɔna we n jaweo kom seene ko jei.”
15Ko nam na ke tei to, nɔɔna dedɛ déem nigi Yezu ŋwa jei maama. Konto ŋwaane mo nɔn-kɔgɔ dedɛ maa vei o tei se ba taa cheigi o ni-botare sem, se ba daare ba na yazura. 16O déem ná lage o ware Wɛ, o yeini o beeri mɛ seeni nɔɔna na tera to mo se o ware Wɛ.
17Dɛ dedoa mo Yezu déem wora o tɛ Wɛ taane o bere nɔɔna. Ba badaara déem ye Farisi tiina mo dedaane Wɛ nia zamesem tiina. Ba déem nwoŋi teene dwi dwi mo ba ba o tei. Jerusalem tiina, de teene delo maama na wo Galili ne de Judea ne to tiina maa wora. Ba déem maa jei Yezu tei ne, ye o wane o yɔɔre jaweena Baŋa Wɛ dam na wo o tei ne to ŋwaane. 18O na wora o bere-ba konto to, nɔɔna badwonna ya zeŋe gɔrɔ de gungwolo ba jege ba beena. Ba na yi jei selo Yezu na wora to, ba ya kwaane se ba ja gɔrɔ kom ba ja ba zo diga kam wo ba tiŋi Yezu yiga ne. 19Ko ya maa ware, kɔgɔ kom na daga to ŋwaane. Ba wo nɛ chwoŋa se ba zo. Ba ma ja gɔrɔ kom ba di nayuu. Ba laam ma puri bɔɔne ye ba daare ba pa gungwolo kom tɔge da ko tu diga kam wo. Ko ma pa se gɔrɔ kom zo ko tigi nɔɔna bam tetare ne Yezu yiga ne konto. 20Yezu ma lɔre we ba ke ba wo-dedoa ded‑o. O ma ta o we, “A badwoŋi, nmo wɛleera yam saare.”
21O na tage konto to, Wɛ nia zamesem tiina bam de Farisi tiina bam maa bwɛ ba wone ba we, “O bere o tete we o ye wɔ mo, ye o pae se o de Wɛ ye bedwe? Nɔɔn-nɔɔno tera kotu na jege chwoŋa se o yage o dwoŋi nɔɔno wɛleera o ma chɛ‑o, ko ná dae Wɛ yerane.”
22Yezu ma lɔre ba na bwɛ tei ba kana ne to ye o bwei-ba o we, “Bɛŋwaane mo á jege boboŋe dem konto dwoŋi á wone? 23Yage-na se a bwei abam a nii kɔ mo ye mɔle, amo ná tage nɔɔno wonto we, o wɛleera yam saare, naa a ná tage‑o a we, o zaŋe o taa via? 24Amo nam wó pa se abam lɔre we amo wolo na ye Nabiin-bu wom to jege dam logo baŋa ne se a yage nɔɔno wɛleera a ma chɛ‑o.” O laam ma ta gɔrɔ kom o we, “Nii mo! Zaŋe wɛɛne se n kwei n gungwolo kom n ja n vo sɔŋɔ.” 25Bedwe baŋa ne mo nɔɔno wom zaŋe ba maama yiga ne, ye o kwei o gungwolo kom o ya na tigi ko baŋa ne to o zeŋe o maa vei sɔŋɔ. O na maa viiri to mo o tei Wɛ lanyerane.
26Nɔɔna maama na nɛ kolo na ke to, ko ma ke-ba yaau. Foone ma ja-ba. Ba ma daare ba tei Wɛ, ye ba we, “Dé zem nɛ wo-kenkagele lanyerane!”
Yezu bwoŋi Levi se o ta tɔge‑o
Matiyu 9:9-13; Maake 2:13-17
27Konto maama na kɛ to, Yezu ma zaŋe o nwoŋi o maa kɛa. O na maa kɛ to mo o nɛ lampwoo laro wodwoŋi, o yere mo Levi.#5:27 Levi Levi yere dedwoŋi ye Matiyu. Matiyu 9:9 O déem jei mɛ seeni o na yeini o jei o jwoŋi lampwoo nɔɔna tei ne to. Yezu ma ta ded‑o o we, “Zaŋe n ta n tɔge-ne.”
28Levi ma zaŋe o yage o woŋo maama ye o tɔge o kwaga. 29O ma vo sɔŋɔ o ke wodiiru dedɛ o ma ke kuri o pa Yezu. Nɔɔna dedɛ ma ba ba tɔge ba di, dedaane lampwoo lara dedɛ. 30Farisi tiina de ba zamesem tiina de tɔge ba wora. Ba ma vo Yezu kwaga tɔgena bam tei ba ŋɔɔna ye ba poona ba we, “Bɛ mo ke ye abam di wodiu dedaane lampwoo lara de nɔn-chechɔgero tem konto?”#Luka 15:1-7 31Yezu ma leiri-ba o we, “Ko ná ye balo na jege ya-dɛɛra to, banto ba jege se ba vo dɔkta tu tei se o yɔɔre-ba. Ko daare balo na ba jege yazura to mo jege se ba vo ba na yɔɔrem. 32Amo na tu logo baŋa to, ko dae balo na maŋe ba ye nɔn-ŋona to ŋwaane, se a nam tu se a pa nɔn-chechɔgero mo leiri ba wo Wɛ ŋwaane.”
Yezu berem dem ye berem-doore
Matiyu 9:14-17; Maake 2:18-22
33Ba daa ta ma ta de Yezu ba we, “Jɔn kwaga tɔgena bam yeini ba vɔ ni mo maŋa maama ye ba daare ba ware Wɛ. Farisi tiina tɔgena bam de yeini ba ke konto dwoŋi. Bɛ mo ye nmo kwaga tɔgena bam ba vɔ ni konto?” 34O ma leiri-ba o we, “Nɔɔno ná wora o ke kadiri, ye o dwonna ná wora se ba tɔge ba di, n bá‑n wane n pa ba vɔ ni ye kan-baro wom ta wo ba tei ne. 35Ko nam wó ba ko yi maŋa kam ba na wó ja kan-baro wom ba viiri. Maŋa kam konto ne ye o daa tera ba tei ne, mo ba nam wó vɔ ni wo-chechɔgɔ ŋwaane.”
36Yezu daa ma maŋe memaŋa kadwoŋi o bere-ba o we, “Nɔɔn-nɔɔno bá sɛ o kwei gare-doŋo o kaare se o ma feiri gare-dwoŋo. O nam ná ke konto, o wó kaare gare-doŋo kom o chɔge mo, ye ko bá wane ko maŋe de gare-dwoŋo kom. 37Nɔɔn-nɔɔno ta bá sɛ o kwei sa-doora o lwo o ke lɔ-dwoŋa wone. O ná ke konto, ye sana bam ná keeri, ba wó pa se lɔa kam bage mo. Konto ŋwaane sana bam wó lwo ba yage, ye lɔa kam de chɔge. 38Sa-doora nam maŋe se n lwo n ke lɔ-doŋa wone mo. 39Nɔɔno nam ná nyɔge sa-keira o me, o daa bá taa lage se o nyɔ sa-doora. O nam wó ta we, sa-keira bam tiini ba lamma.”
© 2020, Ghana Institute of Linguistics, Literacy and Bible Translation (GILLBT)
Luka 5
5
Yezu bwoŋi nɔɔna badwonna se ba taa tɔge‑o
Matiyu 4:18-22; Maake 1:16-20
1Dɛ dedwe mo Yezu déem vei o zege buga-kamunu kodwoŋi ni ne, ka yere mo Genesara.#5:1 Genesara yere dedwoŋi ye Galili naneo kom. O na zege da konto to, nɔɔna ma ba o tei se ba taa cheigi Wɛ kwora. Ba maa peene daane ye ba yiga. 2O ma na nabwooru telei te tigi buga kam ni ne, ywon-jara na yage-te ye ba daare ba vo se ba zare ba chworu tem. 3Nabworo dedoa maa ye Simon nyem mo. Yezu ma zo ko wone. O ma ta dedaane Simon o we, “Chwo bworo kom n ja n vo yiga fenfee n pa-ne.”
Ko na seene ko ke to, o laam maa jei nabworo kom wone o tɛ Wɛ taane o bere nɔn-kɔgɔ kom. 4O na bere-ba o ti to, o ma ta de Simon o we, “Cho bworo kom n ja n vo na-luŋa kam jei, se á de á chworu tem na bam kuri ne á ja ywona.” 5O ma leiri‑o o we, “Amo tu, debam maŋe dé de chworu tem taa dé ga. Tega poore ye dé wo nɛ kolokolo. Dé nam bugi dedɛ. Nmo nam na tage we dé daa jwoori dé ke to, amo wó pa ba de chworu tem se dé nii.”
6Ba ma vo ba yi na bam tetare jei sem ye ba de chworu tem da ba ja ywona dedɛ. Ywona yam maa tiini ya daga dedɛ pa se chworu tem lage te kaare. 7Ba ma yeese ba jea ba bwoŋi ba dwonna bam se ba ba ba woli-ba. Banto de ma kwei nabworo kokom kom ba ja vo ba woli-ba. Bworru tem telei maama ma su de ywona. Te ma ga fenfee se te misi na bam wone.#Jɔn 21:3-8 8Simon wolo yere dedwoŋi na ye Piita to ma na kolo na ke to. O ma vo o kuni dwoona Yezu yiga ne, ye o we, “Amo tu, véi dáa a tei ne, se amo mo ye nɔn-chechɔgɔ.”
9Ba na jaane ywona dedɛ ye ya tiini ya daga to, ko ma kagele Simon dedaane nɔɔna balo na wo o tei ne to. 10Ko ta kagele Zebedi bia balei na tɔge ba wora to. Ba dedoa yere mo Jemsi, o nyaane wom yere mo Jɔn. Banto déem yeini ba tɔge de Simon mo ba toŋa. Yezu daa ma ta de Simon o we, “Yé ta‑n kɔre foone. Ko zege zem dɛ dem ne ko taa via, nmo laam wó ta‑n lage nɔɔna mo n pa amo, ne nmo déem na yeini n lage ywona n jaane tei to.”
11Ba ma jwoori ba ja nabwooru tem ba nwoŋi ba tiŋi buburu kom ni ne. Ba na ke konto ba ti to, ba yage ba wonnu maama ye ba laam daare ba tɔge Yezu.
Yezu daa ta yɔɔre nɔɔna
Matiyu 8:1-4; 9:1-8; Maake 1:40–2:12
12Dɛ dedwe mo Yezu vei teo kodwoŋi. Nɔɔno ya wo teo kom konto ne o na ye nayɔŋɔ. O jaweo kom déem zo o yera lanyerane. O na nɛ Yezu to, o ma fɔɔre o yi o tei, ye o kuni dwoona o lwoori‑o o we, “Amo tu, n ná laga, n jege dam se n pa a na yazura.” 13Yezu ma twe o jeŋa o dwei‑o ye o we, “A lage se ko taa ye konto. Zaŋe de yazura.”
O na tage konto to mo bedwe baŋa ne jaweo kom jei nɔɔno wom yera ne. 14Yezu ma kaane‑o o we, “Yé zaŋe n ta kolo na ke to n bere nɔɔn-nɔɔno. Yɔɔre Wɛ kaanem tu wom tei se n vo n bere‑o n jaweo kom na jei tei n ye-daa ne.#Chullu 14:1-32 Ta daare n kwei pɛɛra n ma n kaane Wɛ, nenɛɛne Moses nia yam na bere tei kwɛɛm ŋwaane to. Konto wó bere nɔɔna we n jaweo kom seene ko jei.”
15Ko nam na ke tei to, nɔɔna dedɛ déem nigi Yezu ŋwa jei maama. Konto ŋwaane mo nɔn-kɔgɔ dedɛ maa vei o tei se ba taa cheigi o ni-botare sem, se ba daare ba na yazura. 16O déem ná lage o ware Wɛ, o yeini o beeri mɛ seeni nɔɔna na tera to mo se o ware Wɛ.
17Dɛ dedoa mo Yezu déem wora o tɛ Wɛ taane o bere nɔɔna. Ba badaara déem ye Farisi tiina mo dedaane Wɛ nia zamesem tiina. Ba déem nwoŋi teene dwi dwi mo ba ba o tei. Jerusalem tiina, de teene delo maama na wo Galili ne de Judea ne to tiina maa wora. Ba déem maa jei Yezu tei ne, ye o wane o yɔɔre jaweena Baŋa Wɛ dam na wo o tei ne to ŋwaane. 18O na wora o bere-ba konto to, nɔɔna badwonna ya zeŋe gɔrɔ de gungwolo ba jege ba beena. Ba na yi jei selo Yezu na wora to, ba ya kwaane se ba ja gɔrɔ kom ba ja ba zo diga kam wo ba tiŋi Yezu yiga ne. 19Ko ya maa ware, kɔgɔ kom na daga to ŋwaane. Ba wo nɛ chwoŋa se ba zo. Ba ma ja gɔrɔ kom ba di nayuu. Ba laam ma puri bɔɔne ye ba daare ba pa gungwolo kom tɔge da ko tu diga kam wo. Ko ma pa se gɔrɔ kom zo ko tigi nɔɔna bam tetare ne Yezu yiga ne konto. 20Yezu ma lɔre we ba ke ba wo-dedoa ded‑o. O ma ta o we, “A badwoŋi, nmo wɛleera yam saare.”
21O na tage konto to, Wɛ nia zamesem tiina bam de Farisi tiina bam maa bwɛ ba wone ba we, “O bere o tete we o ye wɔ mo, ye o pae se o de Wɛ ye bedwe? Nɔɔn-nɔɔno tera kotu na jege chwoŋa se o yage o dwoŋi nɔɔno wɛleera o ma chɛ‑o, ko ná dae Wɛ yerane.”
22Yezu ma lɔre ba na bwɛ tei ba kana ne to ye o bwei-ba o we, “Bɛŋwaane mo á jege boboŋe dem konto dwoŋi á wone? 23Yage-na se a bwei abam a nii kɔ mo ye mɔle, amo ná tage nɔɔno wonto we, o wɛleera yam saare, naa a ná tage‑o a we, o zaŋe o taa via? 24Amo nam wó pa se abam lɔre we amo wolo na ye Nabiin-bu wom to jege dam logo baŋa ne se a yage nɔɔno wɛleera a ma chɛ‑o.” O laam ma ta gɔrɔ kom o we, “Nii mo! Zaŋe wɛɛne se n kwei n gungwolo kom n ja n vo sɔŋɔ.” 25Bedwe baŋa ne mo nɔɔno wom zaŋe ba maama yiga ne, ye o kwei o gungwolo kom o ya na tigi ko baŋa ne to o zeŋe o maa vei sɔŋɔ. O na maa viiri to mo o tei Wɛ lanyerane.
26Nɔɔna maama na nɛ kolo na ke to, ko ma ke-ba yaau. Foone ma ja-ba. Ba ma daare ba tei Wɛ, ye ba we, “Dé zem nɛ wo-kenkagele lanyerane!”
Yezu bwoŋi Levi se o ta tɔge‑o
Matiyu 9:9-13; Maake 2:13-17
27Konto maama na kɛ to, Yezu ma zaŋe o nwoŋi o maa kɛa. O na maa kɛ to mo o nɛ lampwoo laro wodwoŋi, o yere mo Levi.#5:27 Levi Levi yere dedwoŋi ye Matiyu. Matiyu 9:9 O déem jei mɛ seeni o na yeini o jei o jwoŋi lampwoo nɔɔna tei ne to. Yezu ma ta ded‑o o we, “Zaŋe n ta n tɔge-ne.”
28Levi ma zaŋe o yage o woŋo maama ye o tɔge o kwaga. 29O ma vo sɔŋɔ o ke wodiiru dedɛ o ma ke kuri o pa Yezu. Nɔɔna dedɛ ma ba ba tɔge ba di, dedaane lampwoo lara dedɛ. 30Farisi tiina de ba zamesem tiina de tɔge ba wora. Ba ma vo Yezu kwaga tɔgena bam tei ba ŋɔɔna ye ba poona ba we, “Bɛ mo ke ye abam di wodiu dedaane lampwoo lara de nɔn-chechɔgero tem konto?”#Luka 15:1-7 31Yezu ma leiri-ba o we, “Ko ná ye balo na jege ya-dɛɛra to, banto ba jege se ba vo dɔkta tu tei se o yɔɔre-ba. Ko daare balo na ba jege yazura to mo jege se ba vo ba na yɔɔrem. 32Amo na tu logo baŋa to, ko dae balo na maŋe ba ye nɔn-ŋona to ŋwaane, se a nam tu se a pa nɔn-chechɔgero mo leiri ba wo Wɛ ŋwaane.”
Yezu berem dem ye berem-doore
Matiyu 9:14-17; Maake 2:18-22
33Ba daa ta ma ta de Yezu ba we, “Jɔn kwaga tɔgena bam yeini ba vɔ ni mo maŋa maama ye ba daare ba ware Wɛ. Farisi tiina tɔgena bam de yeini ba ke konto dwoŋi. Bɛ mo ye nmo kwaga tɔgena bam ba vɔ ni konto?” 34O ma leiri-ba o we, “Nɔɔno ná wora o ke kadiri, ye o dwonna ná wora se ba tɔge ba di, n bá‑n wane n pa ba vɔ ni ye kan-baro wom ta wo ba tei ne. 35Ko nam wó ba ko yi maŋa kam ba na wó ja kan-baro wom ba viiri. Maŋa kam konto ne ye o daa tera ba tei ne, mo ba nam wó vɔ ni wo-chechɔgɔ ŋwaane.”
36Yezu daa ma maŋe memaŋa kadwoŋi o bere-ba o we, “Nɔɔn-nɔɔno bá sɛ o kwei gare-doŋo o kaare se o ma feiri gare-dwoŋo. O nam ná ke konto, o wó kaare gare-doŋo kom o chɔge mo, ye ko bá wane ko maŋe de gare-dwoŋo kom. 37Nɔɔn-nɔɔno ta bá sɛ o kwei sa-doora o lwo o ke lɔ-dwoŋa wone. O ná ke konto, ye sana bam ná keeri, ba wó pa se lɔa kam bage mo. Konto ŋwaane sana bam wó lwo ba yage, ye lɔa kam de chɔge. 38Sa-doora nam maŋe se n lwo n ke lɔ-doŋa wone mo. 39Nɔɔno nam ná nyɔge sa-keira o me, o daa bá taa lage se o nyɔ sa-doora. O nam wó ta we, sa-keira bam tiini ba lamma.”
© 2020, Ghana Institute of Linguistics, Literacy and Bible Translation (GILLBT)