मत्ती 11
11
येशू और बप्तिस्मा देन बारो यूहन्ना
(लूक. 7:18-35)
1अपन बाह्र चेलनके आज्ञा दइके, येशू हुवाँसे निकारके ढिँगैके सहरमे सिखान और अच्छो समाचार परचार करन चलो गओ।
2बप्तिस्मा देन बारो यूहन्ना, ख्रीष्टको कामको चर्चा जेलमे सुनी, और अपन चेलनके येशूके ठिन जा बात पुछन पठाइ, 3“का आन बारो येशू तुमही हओ, जौन येशूके पठानको बाचा परमेश्वर करी रहए। कि हम दुस्रेके आसरा करएं?”
4येशू बिनसे कही, “जाओ, और जो तुम देखे और सुने, जाएके बप्तिस्मा देन बारो यूहन्नासे कहीदेओ, 5अन्धरा देखन बारे हुइगए हएं, और लंगणा नेगत हएं। कोढ रोग लागे अच्छे हुइगए हएं, बहिरा सुनन बारे हुइगए हएं, मरे भए आदमी जिन्दा हुइके उठे हएं, और गरीबनके अच्छो समाचार परचार करोजाए रहोहए। 6और धन्यके हएं बे, जौन मिर उपर शंखा नाए करत हएं।”
येशूसे यूहन्नाको सम्मान
7और बे जाएके पिच्छु, येशू बप्तिस्मा देन बारो यूहन्नाके बारेमे भिडसे कहान लागो, “तुम जंगली इलाकामे का देखन निकरे हओ? का हालन बारो कटिलाके? नाए, तुम बो देखन नाए गए रहओ। 8फिर तुम का देखनके गए रहओ? का महिंगो कुर्ता लगान बारे आदमीके जौन महेलमे रहतहएं। 9तुम काहे निकरके गए? का अगमबक्ताके देखन? हाँ, तुम अगमबक्ताके देखन गए, पर मए तुमसे कहात हओं, तुम यूहन्नाके देखे हओ जो एक अगमबक्तासे महान हए। 10यूहन्ना बो आदमी हए, जौनके बारेमे पबित्र-शास्त्रमे अइसो लिखो हए,
‘देखओ, मए अपन खबर पुगान बारो आदमी तुमर अग्गुअग्गु पठामंगो,
जौन तुमर अग्गु तुमरी डगर तयार करैगो।’
11नेहात्तओ, मए तुमसे कहात हओं, जा दुनियामे जन्मो आदमी मैसे बप्तिस्मा देन बारो यूहन्नासे महान और कोइ नाए हए। तहुँफिर स्वर्गको राज्यमे जो सबसे छोटो हए, बप्तिस्मा देन बारो यूहन्ना इनसे महान हए। 12और जबसे बप्तिस्मा देन बारो यूहन्ना परचार करन सुरु करी, बो समयसे लैके हबएतक परमेश्वरको राज्य जोडसे फैलरहो हए, और बिरोधी आदमी जाके उपर हमला करत हएं।
13काहेकी बप्तिस्मा देन बारो यूहन्नाके समय तक सबए अगमबक्ता और मोशाको नियम कानुन परमेश्वरको राज्यके बारेमे बोली रहएं। 14अगर तुम बिनको बातमे बिश्वास करत हओ कहेसे यहुन्ना बहे एलिया हए, जोके बारेमे भबिष्यबाणी करोगओ रहए। 15तुम जो सुनरहे हओ, जो तुम सुने हओ, बोके बारेमे ध्यानसे सोँचओ।”
16“मए जा समयके आदमीके तुलना कासे करओं? बे अइसे बालका हानी हएं, जौन बजारमे, छोटे-छोटे लौंणालौंणीया अपन सँगीनके बुलात हएं और गुनासो करत हएं, 17‘हम तुमर ताहीं खुसीको गीत बजाए, और तुम नाए नाचे; हम बिलौना करे, और तुम छाती पिटके नाए रोए।’
18काहेकी बप्तिस्मा देन बारो यूहन्ना घरी-घरी उपवास बैठत रहए, और दारु नाए पित रहए। और बे कहात रहएं कि बोके एक भुत लागो हए। 19पर मए, आदमीको लौंणा साधारण आदमी जैसो खातपिइत हओं, और बे कहात हएं, ‘देखओ, दलद्दर, दरोह, कर उठान बारो, और पापीनको सँगी!’ बुद्धि ठिक हए कहेसे बक कामसे प्रमाणित हुइहएं।”
बिश्वास नाए करन बारेके चिताउनी
(लूक. 10:13-15)
20जौन-जौन सहरमे येशूके जद्धा शक्तिशाली चमत्कार भए रहएं, बहे सहरके आदमीनके बा डाँटन लागो। काहेकी बे अपन पाप छोडके परमेश्वर घेन नाए घुमीं। 21“परमेश्वर तुमके दण्ड देहए बे आदमी, जो खोराजीन सहरमे रहात हँए! परमेश्वर तुमके दण्ड देहए बे आदमी, जो बेथसेदा सहरमे रहात हएं। काहेकी तुमरमे करोभओ शक्तिशाली चमत्कारको काम तुम टुरोस और सिदोन सहरमे करेभए होते, तओ बे बोराको लत्ता लगाएके अपनमे भुवा घिसलित्ते, जा दिखानके ताहीं, कि बे अपन मन बदलके पाप करन बन्द करदइ हएं। 22पर मए तुमसे कहात हओं; न्यायके दिनमे टुरोस और सिदोन सहरके दओ भओ दण्डसे जद्धी परमेश्वर तुमके दण्ड देबैगो। 23और हे कफर्नहुम सहरके आदमी, का तुम स्वर्गसे फिर उँचे हुइहओ? तुम नरकमे जाबैगो। काहेकी तुम करेभए शक्तिशाली चमत्कारके काम अगर सदोम सहरमे करेहुइते तओ बे आजके दिनतक रहिते। 24पर मए तुमसे कहात हओं; न्यायके दिनमे टुरोस और सदोम सहरके दओ दण्डसे परमेश्वर तुमके जद्धी दण्ड देबैगो।”
थके भएनके बिश्राम
(लूक. 10:21-22)
25बो बेरा येशू कही, “हे दौवा परमेश्वर, बादर और पृथ्वीके प्रभु, मए तुमके धन्यबाद चढात हओं, काहेकी तुम जा बात बुद्धिमान और समझदार आदमीसे छिपाएके रक्खे, और जौन आदमी छोटे बच्चा कता हए बिनके प्रकट करेहओ। 26हाँ दौवा, काहेकी तुमके जहे ठिक लागो।”
27मिर दौवा मोके सब कुछको जिम्मा दइ हए। केबल बहे इकल्लो हए जो लौंणाके चिन्हत हए, और बे आदमी चिन्हत हएं, जो लौंणा दौवाके देखन चाँहत हए।
28“हे सब थके भए और बोझसे दबेभए, मिर ठिन आओ, मए तुमके बिश्राम देमंगो। 29मिर जुवा अपने उपर लेओ, और मिर पिच्छु आओ और मोसे सिखओ; काहेकी मए बिनम्र और कोमल ह्रदयको हओं: और तुम अपन प्राणमे बिश्राम पाबैगे। 30काहेकी मिर जुवा सजिलो हए, और मिर बोझ हुल्को हए।”
Rana Tharu Bible (राना थारु) by The Love Fellowship is licensed under Creative Commons Attribution-ShareAlike 4.0 License.
मत्ती 11
11
येशू और बप्तिस्मा देन बारो यूहन्ना
(लूक. 7:18-35)
1अपन बाह्र चेलनके आज्ञा दइके, येशू हुवाँसे निकारके ढिँगैके सहरमे सिखान और अच्छो समाचार परचार करन चलो गओ।
2बप्तिस्मा देन बारो यूहन्ना, ख्रीष्टको कामको चर्चा जेलमे सुनी, और अपन चेलनके येशूके ठिन जा बात पुछन पठाइ, 3“का आन बारो येशू तुमही हओ, जौन येशूके पठानको बाचा परमेश्वर करी रहए। कि हम दुस्रेके आसरा करएं?”
4येशू बिनसे कही, “जाओ, और जो तुम देखे और सुने, जाएके बप्तिस्मा देन बारो यूहन्नासे कहीदेओ, 5अन्धरा देखन बारे हुइगए हएं, और लंगणा नेगत हएं। कोढ रोग लागे अच्छे हुइगए हएं, बहिरा सुनन बारे हुइगए हएं, मरे भए आदमी जिन्दा हुइके उठे हएं, और गरीबनके अच्छो समाचार परचार करोजाए रहोहए। 6और धन्यके हएं बे, जौन मिर उपर शंखा नाए करत हएं।”
येशूसे यूहन्नाको सम्मान
7और बे जाएके पिच्छु, येशू बप्तिस्मा देन बारो यूहन्नाके बारेमे भिडसे कहान लागो, “तुम जंगली इलाकामे का देखन निकरे हओ? का हालन बारो कटिलाके? नाए, तुम बो देखन नाए गए रहओ। 8फिर तुम का देखनके गए रहओ? का महिंगो कुर्ता लगान बारे आदमीके जौन महेलमे रहतहएं। 9तुम काहे निकरके गए? का अगमबक्ताके देखन? हाँ, तुम अगमबक्ताके देखन गए, पर मए तुमसे कहात हओं, तुम यूहन्नाके देखे हओ जो एक अगमबक्तासे महान हए। 10यूहन्ना बो आदमी हए, जौनके बारेमे पबित्र-शास्त्रमे अइसो लिखो हए,
‘देखओ, मए अपन खबर पुगान बारो आदमी तुमर अग्गुअग्गु पठामंगो,
जौन तुमर अग्गु तुमरी डगर तयार करैगो।’
11नेहात्तओ, मए तुमसे कहात हओं, जा दुनियामे जन्मो आदमी मैसे बप्तिस्मा देन बारो यूहन्नासे महान और कोइ नाए हए। तहुँफिर स्वर्गको राज्यमे जो सबसे छोटो हए, बप्तिस्मा देन बारो यूहन्ना इनसे महान हए। 12और जबसे बप्तिस्मा देन बारो यूहन्ना परचार करन सुरु करी, बो समयसे लैके हबएतक परमेश्वरको राज्य जोडसे फैलरहो हए, और बिरोधी आदमी जाके उपर हमला करत हएं।
13काहेकी बप्तिस्मा देन बारो यूहन्नाके समय तक सबए अगमबक्ता और मोशाको नियम कानुन परमेश्वरको राज्यके बारेमे बोली रहएं। 14अगर तुम बिनको बातमे बिश्वास करत हओ कहेसे यहुन्ना बहे एलिया हए, जोके बारेमे भबिष्यबाणी करोगओ रहए। 15तुम जो सुनरहे हओ, जो तुम सुने हओ, बोके बारेमे ध्यानसे सोँचओ।”
16“मए जा समयके आदमीके तुलना कासे करओं? बे अइसे बालका हानी हएं, जौन बजारमे, छोटे-छोटे लौंणालौंणीया अपन सँगीनके बुलात हएं और गुनासो करत हएं, 17‘हम तुमर ताहीं खुसीको गीत बजाए, और तुम नाए नाचे; हम बिलौना करे, और तुम छाती पिटके नाए रोए।’
18काहेकी बप्तिस्मा देन बारो यूहन्ना घरी-घरी उपवास बैठत रहए, और दारु नाए पित रहए। और बे कहात रहएं कि बोके एक भुत लागो हए। 19पर मए, आदमीको लौंणा साधारण आदमी जैसो खातपिइत हओं, और बे कहात हएं, ‘देखओ, दलद्दर, दरोह, कर उठान बारो, और पापीनको सँगी!’ बुद्धि ठिक हए कहेसे बक कामसे प्रमाणित हुइहएं।”
बिश्वास नाए करन बारेके चिताउनी
(लूक. 10:13-15)
20जौन-जौन सहरमे येशूके जद्धा शक्तिशाली चमत्कार भए रहएं, बहे सहरके आदमीनके बा डाँटन लागो। काहेकी बे अपन पाप छोडके परमेश्वर घेन नाए घुमीं। 21“परमेश्वर तुमके दण्ड देहए बे आदमी, जो खोराजीन सहरमे रहात हँए! परमेश्वर तुमके दण्ड देहए बे आदमी, जो बेथसेदा सहरमे रहात हएं। काहेकी तुमरमे करोभओ शक्तिशाली चमत्कारको काम तुम टुरोस और सिदोन सहरमे करेभए होते, तओ बे बोराको लत्ता लगाएके अपनमे भुवा घिसलित्ते, जा दिखानके ताहीं, कि बे अपन मन बदलके पाप करन बन्द करदइ हएं। 22पर मए तुमसे कहात हओं; न्यायके दिनमे टुरोस और सिदोन सहरके दओ भओ दण्डसे जद्धी परमेश्वर तुमके दण्ड देबैगो। 23और हे कफर्नहुम सहरके आदमी, का तुम स्वर्गसे फिर उँचे हुइहओ? तुम नरकमे जाबैगो। काहेकी तुम करेभए शक्तिशाली चमत्कारके काम अगर सदोम सहरमे करेहुइते तओ बे आजके दिनतक रहिते। 24पर मए तुमसे कहात हओं; न्यायके दिनमे टुरोस और सदोम सहरके दओ दण्डसे परमेश्वर तुमके जद्धी दण्ड देबैगो।”
थके भएनके बिश्राम
(लूक. 10:21-22)
25बो बेरा येशू कही, “हे दौवा परमेश्वर, बादर और पृथ्वीके प्रभु, मए तुमके धन्यबाद चढात हओं, काहेकी तुम जा बात बुद्धिमान और समझदार आदमीसे छिपाएके रक्खे, और जौन आदमी छोटे बच्चा कता हए बिनके प्रकट करेहओ। 26हाँ दौवा, काहेकी तुमके जहे ठिक लागो।”
27मिर दौवा मोके सब कुछको जिम्मा दइ हए। केबल बहे इकल्लो हए जो लौंणाके चिन्हत हए, और बे आदमी चिन्हत हएं, जो लौंणा दौवाके देखन चाँहत हए।
28“हे सब थके भए और बोझसे दबेभए, मिर ठिन आओ, मए तुमके बिश्राम देमंगो। 29मिर जुवा अपने उपर लेओ, और मिर पिच्छु आओ और मोसे सिखओ; काहेकी मए बिनम्र और कोमल ह्रदयको हओं: और तुम अपन प्राणमे बिश्राम पाबैगे। 30काहेकी मिर जुवा सजिलो हए, और मिर बोझ हुल्को हए।”
Rana Tharu Bible (राना थारु) by The Love Fellowship is licensed under Creative Commons Attribution-ShareAlike 4.0 License.