Ubwandilo 7
7
Nizya mizi aghakwizula muchisu ichapasi
1Po u Mwene akamubuzya u Nowa akati, “Injila mubwato awe na bamunyumba yako bosi chifukwa nakwagha ukuti wewe wemwene we ukubomba zizyo ngolosu munkulilo iyi. 2Usende sona ivinyamana seveni ivyakulekanalekana ichanavuli ni chikolo vivyo viswepu, loli usende sona ivinyamana vibili ivyakulekanalekana ichanavuli ni chikolo vivyo vinyazu. 3Usendeko sona iviyuni seveni ivyakulekanalekana ichanavuli ni chikolo. Ubombe bunubu ukuti ivinyamana vyosi sona ni viyuni visungiwe nubumi umwakuti vibanje mbeyu pachisu ichapasi. 4Pakuti bo ghachilapo bulo amasiku seveni, nkwiza pakutuma ivula yiyo yikwiza pakutima pachisu ichapasi, amasiku 40, umusanya nu busiku, umwakuti izimizye ivintu vyosi ivya bumi vivyo nkavipela.”
5Po u Nowa akabomba vyosi vivyo u Mwene akamulamula.
6U Nowa akaba na maka 600, pakabalilo kako amizi aghakwizula ghakiza pachisu ichapasi. 7#Mat. 24.38-39; Luk. 17.27U Nowa nu muchi wache, poka na bana bache na bachi babo bakinjila mubwato ukupona kumizi aghakwizula ghala. 8Po ivinyamana vyosi ni viyuni vyosi, sona na vyosi ivyakwavula, vivyo viswepu na vivyo vinyazu, ichanavuli ni chikolo 9vikinjila poka nu Nowa mubwato ukuyana namumo u Chala akamulamulila. 10Bo ghachilapo amasiku seveni ghala amizi aghakwizula ghakafika pachisu ichapasi.
11 #
2 Pit. 3.6
Pisiku ilya 17 ilya mwezi uwabubili, bo u Nowa ali na maka 600, imbwibwi zyosi izya mizi kusi ukwa chisu ichapasi zikapunta, sona kumwanya kukighuka ukuti amizi ghakupuke. 12Po ivula yikatima pachisu ichapasi, amasiku 40, umusanya nu busiku.
13Pisiku lilalila, u Nowa nu muchi wache na bana bache abalumendo u Shemu nu Hamu nu Yafeti, poka na bachi babo bakinjila mubwato mula. 14Bakinjila mubwato mula poka ni vinyamana vyosi ivyakulekanalekana, ni vitekwa ni vinyamana ivyamuzi, ni vyakwavula, ni viyuni ivyakulekanalekana. 15U Nowa akinjila mubwato mula poka ni vinyamana vyosi ivyabumi, vibilivibili ichanavuli ni chikolo, 16ukuyana namumo u Chala akamulamulila. Po u Mwene akighalila umulyango.
17Amizi aghakwizula ghakizulilagha muchisu ichapasi mupaka amasiku 40. Po amizi ghakanda pakwizula pachisu ichapasi, po ubwato bula bukanda pakwambama. 18Amizi ghala ghakizula nkani pachisu ichapasi, umwakuti ubwato bukendelela pakwambama pamwanya pamizi. 19Amizi aghakwizula ghakonjelela nkani mupaka nukughibizya amaghamba amatali nkani. 20Amizi ghakizula nkani mupaka nukukwela amamita seveni pamwanya pamaghamba. 21Ivyabumi vyosi pachisu ichapasi vikazimila: Iviyuni vyosi ni vitekwa ni vinyamana vyosi ivyamuzi ni vinyamana ivyakwavula sona na bantu bosi bakafwa. 22Ivintu vyosi pachisu ichapasi vivyo vikaba nubumi vikafwa. 23U Mwene akazimizya ivintu ivyabumi vyosi pachisu ichapasi: Abantu ni vinyamana ni vinyamana ivyakwavula sona ni viyuni. U Nowa mwene weyuyo akapona poka na bosi babo akaba nabo mubwato mula.
24Amizi aghakwizula ghala ghakanda pakupwa bo ghachilapo amasiku 150.
Lambya Bible © Bible Society of Malawi, 2024.
Ubwandilo 7
7
Nizya mizi aghakwizula muchisu ichapasi
1Po u Mwene akamubuzya u Nowa akati, “Injila mubwato awe na bamunyumba yako bosi chifukwa nakwagha ukuti wewe wemwene we ukubomba zizyo ngolosu munkulilo iyi. 2Usende sona ivinyamana seveni ivyakulekanalekana ichanavuli ni chikolo vivyo viswepu, loli usende sona ivinyamana vibili ivyakulekanalekana ichanavuli ni chikolo vivyo vinyazu. 3Usendeko sona iviyuni seveni ivyakulekanalekana ichanavuli ni chikolo. Ubombe bunubu ukuti ivinyamana vyosi sona ni viyuni visungiwe nubumi umwakuti vibanje mbeyu pachisu ichapasi. 4Pakuti bo ghachilapo bulo amasiku seveni, nkwiza pakutuma ivula yiyo yikwiza pakutima pachisu ichapasi, amasiku 40, umusanya nu busiku, umwakuti izimizye ivintu vyosi ivya bumi vivyo nkavipela.”
5Po u Nowa akabomba vyosi vivyo u Mwene akamulamula.
6U Nowa akaba na maka 600, pakabalilo kako amizi aghakwizula ghakiza pachisu ichapasi. 7#Mat. 24.38-39; Luk. 17.27U Nowa nu muchi wache, poka na bana bache na bachi babo bakinjila mubwato ukupona kumizi aghakwizula ghala. 8Po ivinyamana vyosi ni viyuni vyosi, sona na vyosi ivyakwavula, vivyo viswepu na vivyo vinyazu, ichanavuli ni chikolo 9vikinjila poka nu Nowa mubwato ukuyana namumo u Chala akamulamulila. 10Bo ghachilapo amasiku seveni ghala amizi aghakwizula ghakafika pachisu ichapasi.
11 #
2 Pit. 3.6
Pisiku ilya 17 ilya mwezi uwabubili, bo u Nowa ali na maka 600, imbwibwi zyosi izya mizi kusi ukwa chisu ichapasi zikapunta, sona kumwanya kukighuka ukuti amizi ghakupuke. 12Po ivula yikatima pachisu ichapasi, amasiku 40, umusanya nu busiku.
13Pisiku lilalila, u Nowa nu muchi wache na bana bache abalumendo u Shemu nu Hamu nu Yafeti, poka na bachi babo bakinjila mubwato mula. 14Bakinjila mubwato mula poka ni vinyamana vyosi ivyakulekanalekana, ni vitekwa ni vinyamana ivyamuzi, ni vyakwavula, ni viyuni ivyakulekanalekana. 15U Nowa akinjila mubwato mula poka ni vinyamana vyosi ivyabumi, vibilivibili ichanavuli ni chikolo, 16ukuyana namumo u Chala akamulamulila. Po u Mwene akighalila umulyango.
17Amizi aghakwizula ghakizulilagha muchisu ichapasi mupaka amasiku 40. Po amizi ghakanda pakwizula pachisu ichapasi, po ubwato bula bukanda pakwambama. 18Amizi ghala ghakizula nkani pachisu ichapasi, umwakuti ubwato bukendelela pakwambama pamwanya pamizi. 19Amizi aghakwizula ghakonjelela nkani mupaka nukughibizya amaghamba amatali nkani. 20Amizi ghakizula nkani mupaka nukukwela amamita seveni pamwanya pamaghamba. 21Ivyabumi vyosi pachisu ichapasi vikazimila: Iviyuni vyosi ni vitekwa ni vinyamana vyosi ivyamuzi ni vinyamana ivyakwavula sona na bantu bosi bakafwa. 22Ivintu vyosi pachisu ichapasi vivyo vikaba nubumi vikafwa. 23U Mwene akazimizya ivintu ivyabumi vyosi pachisu ichapasi: Abantu ni vinyamana ni vinyamana ivyakwavula sona ni viyuni. U Nowa mwene weyuyo akapona poka na bosi babo akaba nabo mubwato mula.
24Amizi aghakwizula ghala ghakanda pakupwa bo ghachilapo amasiku 150.
Lambya Bible © Bible Society of Malawi, 2024.