Génesis 6
6
Nunakuna jutsata rurayanqan
1Kë patsachö nunakuna atskaman mirayaptinmi warmi tsurinkunapis atska kayarqan. 2Tsëmi Teyta Diospa tsurinkuna rikäyarqan nunakunapa warmi tsurinkuna kuyëllapaq kayanqanta. Tsë warmikunapitam munayanqanta akrayarqan warminkuna kananpaq.#6.2 Manam musyakëtsu kë textuchö ni versïculu 4-chöpis Diospa tsurinkuna pï kayanqanpis. Capaz kayarqan unë reykuna, angelkuna o Diosman markäkuqkunapis. 3Tsëmi Teyta Dios nirqan: <<Manam nunakuna wiñëpaqa kawayanqatsu. Pëkunaqa kë patsachö ushakaqllam këkäyan. Tsëmi wiñëpa kawayänanpa rantin juk pachak ishkë chunka (120) watayaqllana kawayanqa>>.
4Diospa tsurinkunawan nunakunapa warmi tsurinkuna juntakäyashqan witsanmi jatusaq nunakuna kë patsachö kawayarqan. Tsë unë nunakunam alläpa reqishqa y kallpayuq kayarqan.#Núm. 13.33.
5 Teyta Diosmi rikarqan nunakuna pasëpa jutsa rurëllachö kawakuyanqanta. Pëkunaqa shonqun munashqannö jutsata rurananllapaqmi yarpäyaq.#Mat. 24.37; Luc. 17.26; 1Ped. 3.20. 6Tsënö kaptinmi nunata kamanqanpita Teyta Dios pasëpa llakikurnin kënö nirqan: 7<<¿Imapaqraq kë patsachö nunata rurëkurqä? Kananqa llapan nunakunatam ushakätsishaq. Tsënöllam llapan animalkunatapis, lätëpa puriqkunata y päriqkunatapis#6.7 Wakin nunakunaqa bolaqkunatapis niyanmi. ushakätsishaq>>.
8Noétaqa Teyta Dios ankuparqam.
Arcata Noé ruranqan
9Këchömi qellqarëkan Noé imanö kawanqanpis.
Nunakuna jutsata rurar kawayaptinpis Noéqa Teyta Diosman markäkurmi pë munanqannö kawakurqan.#2Ped. 2.5. 10Noépa tsurinkunam kayarqan Sem, Cam y Jafet.
11Teyta Diosmi rikarqan kë patsachö nunakuna pasëpa jutsata rurakurlla y wanutsinakurlla kawakuyanqanta. 12Jinantinchöpis nunakuna jutsa rurëllaman yarparäkur kawakuqta rikarmi Noéta Teyta Dios nirqan: 13<<Kë patsachö llapan nunakunatam ushakätsishaq. Pëkunam jutsayuq këkäyan kë patsachö wanutsinakï kananpaq. Tsë rëkurmi kë patsachö kaqkunata chipyëpa ushakätsishaq.
14<<Tsëmi atska cuartuyuq jatun arcata weqiyuq qerupita ruranëki. Yaku mana yëkunanpaqmi uchkunkunata jananpa y rurinpa breawan latunki. 15Tsë arcapa largunta ruranki juk pachak kima chunka pitsqa (135) metruta. Anchuntana ruranki ishkë chunka ishkë metru pullanta (22.5). Altuntana ruranki chunka kima metru pullanta (13.5). 16Tsënölla ruranki kima pïsuyuqta. Qataranqanpita uraman pullan metruchö ventänata ruranki. Tsënölla juk lädunpa punkuta ruranki.
17<<Mantsakäkïpaq diluviu tamyatam tamyatsimushaq llapantapis yaku tsapärinqanyaq. Tsë yakuwanmi jinantinchö shenqakëpa llapan wanuyanqa. 18Qamwanmi pactuta rurashaq. Tsëmi arcaman yëkuyanki qam, warmiki y tsurikikuna warminkunawan. 19Tsënölla arcaman yëkatsinki kë patsachö këkaq tukïläya animalkunata chinan orqutayan, qamkuna salvakuyanqëkinö animalkunapis salvakuyänanpaq. 20Qamkunawanmi arcaman yëkuyanqa päriqkuna#6.20 Wakin nunakunaqa bolaqkuna niyanmi., wätana kaq y mana wätana kaq animalkuna y lätëpa puriqkunapis. Chinan orquyan yëkuyätsun. Tsënöpam pëkunapis mana ushakäyanqatsu. 21Arca rurinman tukïläya mikïkunata churanki. Tsë mikïtam qamkunapis y animalkunapis mikuyanki>>.
22Tsëmi Noéqa Teyta Dios ninqannölla llapantapis rurarqan.#Heb. 11.7.
© 2018, Wycliffe Bible Translators, Inc. All rights reserved.
Génesis 6
6
Nunakuna jutsata rurayanqan
1Kë patsachö nunakuna atskaman mirayaptinmi warmi tsurinkunapis atska kayarqan. 2Tsëmi Teyta Diospa tsurinkuna rikäyarqan nunakunapa warmi tsurinkuna kuyëllapaq kayanqanta. Tsë warmikunapitam munayanqanta akrayarqan warminkuna kananpaq.#6.2 Manam musyakëtsu kë textuchö ni versïculu 4-chöpis Diospa tsurinkuna pï kayanqanpis. Capaz kayarqan unë reykuna, angelkuna o Diosman markäkuqkunapis. 3Tsëmi Teyta Dios nirqan: <<Manam nunakuna wiñëpaqa kawayanqatsu. Pëkunaqa kë patsachö ushakaqllam këkäyan. Tsëmi wiñëpa kawayänanpa rantin juk pachak ishkë chunka (120) watayaqllana kawayanqa>>.
4Diospa tsurinkunawan nunakunapa warmi tsurinkuna juntakäyashqan witsanmi jatusaq nunakuna kë patsachö kawayarqan. Tsë unë nunakunam alläpa reqishqa y kallpayuq kayarqan.#Núm. 13.33.
5 Teyta Diosmi rikarqan nunakuna pasëpa jutsa rurëllachö kawakuyanqanta. Pëkunaqa shonqun munashqannö jutsata rurananllapaqmi yarpäyaq.#Mat. 24.37; Luc. 17.26; 1Ped. 3.20. 6Tsënö kaptinmi nunata kamanqanpita Teyta Dios pasëpa llakikurnin kënö nirqan: 7<<¿Imapaqraq kë patsachö nunata rurëkurqä? Kananqa llapan nunakunatam ushakätsishaq. Tsënöllam llapan animalkunatapis, lätëpa puriqkunata y päriqkunatapis#6.7 Wakin nunakunaqa bolaqkunatapis niyanmi. ushakätsishaq>>.
8Noétaqa Teyta Dios ankuparqam.
Arcata Noé ruranqan
9Këchömi qellqarëkan Noé imanö kawanqanpis.
Nunakuna jutsata rurar kawayaptinpis Noéqa Teyta Diosman markäkurmi pë munanqannö kawakurqan.#2Ped. 2.5. 10Noépa tsurinkunam kayarqan Sem, Cam y Jafet.
11Teyta Diosmi rikarqan kë patsachö nunakuna pasëpa jutsata rurakurlla y wanutsinakurlla kawakuyanqanta. 12Jinantinchöpis nunakuna jutsa rurëllaman yarparäkur kawakuqta rikarmi Noéta Teyta Dios nirqan: 13<<Kë patsachö llapan nunakunatam ushakätsishaq. Pëkunam jutsayuq këkäyan kë patsachö wanutsinakï kananpaq. Tsë rëkurmi kë patsachö kaqkunata chipyëpa ushakätsishaq.
14<<Tsëmi atska cuartuyuq jatun arcata weqiyuq qerupita ruranëki. Yaku mana yëkunanpaqmi uchkunkunata jananpa y rurinpa breawan latunki. 15Tsë arcapa largunta ruranki juk pachak kima chunka pitsqa (135) metruta. Anchuntana ruranki ishkë chunka ishkë metru pullanta (22.5). Altuntana ruranki chunka kima metru pullanta (13.5). 16Tsënölla ruranki kima pïsuyuqta. Qataranqanpita uraman pullan metruchö ventänata ruranki. Tsënölla juk lädunpa punkuta ruranki.
17<<Mantsakäkïpaq diluviu tamyatam tamyatsimushaq llapantapis yaku tsapärinqanyaq. Tsë yakuwanmi jinantinchö shenqakëpa llapan wanuyanqa. 18Qamwanmi pactuta rurashaq. Tsëmi arcaman yëkuyanki qam, warmiki y tsurikikuna warminkunawan. 19Tsënölla arcaman yëkatsinki kë patsachö këkaq tukïläya animalkunata chinan orqutayan, qamkuna salvakuyanqëkinö animalkunapis salvakuyänanpaq. 20Qamkunawanmi arcaman yëkuyanqa päriqkuna#6.20 Wakin nunakunaqa bolaqkuna niyanmi., wätana kaq y mana wätana kaq animalkuna y lätëpa puriqkunapis. Chinan orquyan yëkuyätsun. Tsënöpam pëkunapis mana ushakäyanqatsu. 21Arca rurinman tukïläya mikïkunata churanki. Tsë mikïtam qamkunapis y animalkunapis mikuyanki>>.
22Tsëmi Noéqa Teyta Dios ninqannölla llapantapis rurarqan.#Heb. 11.7.
© 2018, Wycliffe Bible Translators, Inc. All rights reserved.