Mataio Mataio vega-matagaina kilara
Mataio vega-matagaina kilara
Mataio arana ta Levi. Ia tovotovonai takiti-koko talimana, na Iesu na ekeato, ne gena melo ai eagoto.
Ia Iuda talimana, gaurai eVali Namana Iuda talimara geria etaloato.
Ia na Iuda talimara evaikilarato, Iesu taunatauna Palagu na ekilagi-gavuato Kerisona pa vevega-maguli velena. Vekapawai Kunenai (Old Testament) ai Keriso pene vogomai kilana getaloato warau pema taunatauna. Palagu gena kila ganira maparara pia talora vegata (Mataio 5:17). Mataio na gena Vali Namana aonai Keriso valina Vekapawai Kunena gekilagi-maavuato kilara vogo e etalorato ganina ea.
Mataio na epuka rigolo 58 e 70 vepakarai etaloato, Iesu ekwaregato mulinai.
Mataio gena talotalo evetaina ewareato:
1. Iesu ravanana evogomaito pamilina e gena maguli valina (tenu 1:1–2:23)
2. Gena vetugunagi inaguluna pene tinaa ulanana matotauna ekala-maavuato valina (tenu 3:1–4:11)
3. Gena inagulu etinaato, evevega-ripato, evopatato, e viti evega-namarato valira (tenu 4:12–25:46)
4. Gena viti-vua valina (tenu 26:1–27:66)
5. Kwarega na ekuliiti-waito e gena melo etugurato valira (tenu 28:1-20)
© 2004, Wycliffe Bible Translators, Inc. All rights reserved.