Baverset oyo Eyebani Mpenza ewuti na Génesis 17

Share

Otok japun Abram twi' 99 abk'i tej tcub tyec'un tib Kman twitz ex tma te cyja': Akine Dios aju at wipumale tu'n tbant tcyakil wu'ne. Beta nwitze minti' tpaltila.

Mi'n tz'octl tbiya Abram*fn*. Texju ja'lo, Abraham*fn* tbiya c'oquel, tu'nju ma tz'oc nk'o'ne te cyman nimcu nasyon.

Te jumajx cyjel bant ti'j nyole tuc'ila ex cyuc'il tiyjila che ul itz'j te tibajxi, ex te jumajx ax kine Tdiosa ex Cydios tiyjila.

Aju yol cyjel bant ti'j wu'ne tuc'ila, atzun jlu: C'oquela te cyman nimcu nasyon.

Tzajtzun ttzak'we'n Dios te cyja': —Ax toc tzul itz'j jun tcy'ajala ti'j Sara aju t-xu'jila, ex Isaac*fn* tbi c'oquel tk'o'na. Te jumajx cyjel bant ti'j nyole tuc'il ex cyuc'il ke tiyjil che ul itz'j te tibajxi.

Tcyakil tx'otx' Canaán jatum najla ja'lo ic tza'n betin xjal cxel nk'o'ne teya ex cye tiyjila tu'n toc te cyetzbile te jumajx, ex chin oquele te Cydios.

Cubtzun ẍmeje' Abraham, pon tacl tibaj twitz max twitz tx'otx', jaw tze'n, ex cub t-ximan tuj tanmi cyja': ¿Jacupe tzaj tc'wa'l jun xinak otok tz'el twi' jun syent abk'i? ¿Jacupe tzaj jun tal Sara o tz'el twi' 90 abk'i?

Ax icx tmatl Dios te Abraham cyja': Aju t-xu'jila mi'n tz'oc tk'o'ntla tbi Sarai. Texju ja'lo Sara*fn* tbi c'oquel.

C'eleltzun cykesine ttz'umal twi cytz'a'lbile, c'ajbeltzun te jun techal ti'j yol otok cyaj bant ti'j wu'ne cyuc'ile.

Atzun cyjel bant ti'j nyole tuc'il Isaac, aju ctzajel talin Sara tuj tk'ijlalil lu tuj juntl abk'i, chi Dios te Abraham.

Wajxak k'ij tul-len itz'j teyle te junjun k'a cyxole ex cyxol ke tiyjila che ul itz'j te tibajxi, cbajel cysircunsidarine, tza'nx ke k'a che ul itz'j tuj cycwente, ax icx ke majen lak'o'n tu'n pwak cyuc'il stranjer xjal, akeju mya t-xjalila. Tza'nx keju che ul itz'j tuj cycwente, ax icx keju lak'o'n tu'n cypwake, che bajel cysircunsidarine. Atzun jun techal ti'j cychibjale ti'j ju yol te jumajx xcyaj bant ti'j wu'ne cyuc'ile.