Mateo 14
14
Yohana msingula wanhu viyakomigwe
1Kikomo hicho Mtawala Herode kahulika simulizi zake Yesu, kawalongela wasanghani wake, 2“Hiyo yuyo Yohana Msingula wanhu; kazuka kwa wafile, kileka hivo mhiko kamba zino zosanghana zolawa kumwake.” 3Kilumbo Herode kakala yamgogile Yohana, kamfunga, kamgela mjela kilumbo cha Herodia sano ja Filipo ndugu yake. 4Chanduso Yohana kamulongela, “Havinogile gweye kumsola yawe sano jako!” 5Aheyo viyalondile kumkoma, kawadumba wanhu, kilumbo wamona Yohana kamba mlaguzi.
6Avija vivikile sikunghulu ya ukuleligwa heyo Herode, biti Herodia kavina ngoma hana iwanhu, kamnogeza Herode. 7Kamulongela, kuno yokiduwila, “Nokugwelela kinhu chochose chondaumhule.” 8Na heyo kakoleleza gaja gayalangukizwe na mamaake, kalonga, “Ningha bahano muna ichano ditwi ja Yohana Msingula wanhu!” 9Aheyo mndewa kagwa kizumbo, komu kandusa kwiduwila hamagutwi ga waja wakalile hamonga na heyo hana gamandiya, kalagiza yenghigwe. 10Katumigwa munhu, kamkanha Yohana iditwi muja mwiyafungigwe. 11Ditwi digaligwa muna ichano, kagwelelwa yuja imndele; kadisola kadigala kwa mamaake. 12Wanahina zake wagenda kuusola uja umtufi, wauzika; womala wachola wampetela Yesu.
Kwegusa wanhu elfu nhano
13Yesu viyahulike higo, kasegela kuyali, kengila mngalawa, kagenda hanhu hali bule na iwanhu hamtibeho; avo wanhu vuwahulike, wamkoleleza na migulu, walawa mviwambo vyawo. 14Yesu kalawilila kajona dale kulu, kawonela bazi, kawahonya iwatamu wawo.
15Vivikile ichungulo, wanahina zake wamgendela walonga, “Ihanhu hano luwala yeka, na zuwa doswa; bita uwapoze iwanhu, wachole mviwambo, wakagule mandiya!” 16Yesu kawalongela, “Habali wachole; wagweleleni mwemwe mandiya!” 17Wamulongela, “Twabule kinhu hano, komu migate mitano na somba wabili.” 18Kalonga, “Ngalileni hano!” 19Kalagiza wanhu wakale muna imilolo, kaisola ija imigate mitano na waja iwasomba wabili, kalola uchana kuulanga, kaimoteza kugela luvimbo, kaimega ija imigate, kawengha wanahina; iwanahina wawengha wanhu. 20Waja wose weguta; waudondola upakapaka usigale, vigelo longo dimwe na vibili vimema. 21Awo wadile wakala wambigalo kamba elfu nhano, halibule watwanzi na wana.
Yesu kachola uchana mbahali
22Mhunde Yesu kawananahiza wanahina zake, wengile mngalawa wayeka, walongole kuloka umwambu, kikomo heyo viyokala yowapoza iwanhu. 23Aheyo viyamalile kuwapoza matinghanilo, kakwena kukigongo hakifiso, kagenda kumpula Tataake. Vivikile ichungulo, kakala hiko yali yeka. 24Aija ingalawa vivikile hagatigati ja ibahali, igazwa nghani na mtibuko wa nghufilo, kilumbo beho dikala na nzingilila. 25Vivikile behi kimilo chekane cha ikilo, Yesu kawagendela, yochola uchana kwa uchana muna ibahali. 26Iwanahina vuwamuwene yobita uchana muna gamazi, wadumba wolonga, “Ajo zezeta!” watowa nyangi kwa woga. 27Mhunde Yesu kedika yowalongela, “Gangamaleni, nene hiyo; sikumdumbe!” 28Petro kamwidika kalonga, “Mndewa, kamba uhawa gwegwe, nongela nize kumwako mmazi!” 29Kamulongela, “Izo!” Petro kalawa mngalawa, kachola uchana mmazi, kuno yomgendela Yesu. 30Bali viyadiwene dibeho kadumba, kasonga kudidimila, katowa lwangi yolonga, “Mndewa, mhonya!” 31Mhunde Yesu kagolosa mkono, kamgoga yomulongela, “Gweye mwene nhamanilo ndodo, habali udumba?” 32Na hewo vuwengile mngalawa, beho dinyamala. 33Awaja wakalile mngalawa wamfugamila mavindi walonga, “Tutogola, aka gweye kwa Mwanage Mulungu.”
34Vuwamalile kuloka, wavika isi ya Genesareti. 35Iwanhu wa ihanhu haja vuwamtangile, walava wanhu wagende ziisi zija zili mmambwegambwega, wamgalila wose wali na utamu. 36Na hewo wamuhembekeza wamkwase uja umusa yeka wa inguwo yake. Awaja wamkwasile wahonyigwa wose.
Currently Selected:
Mateo 14: ZAM75
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
New Testament in Zaramo © United Bible Societies, 1975.
Mateo 14
14
Yohana msingula wanhu viyakomigwe
1Kikomo hicho Mtawala Herode kahulika simulizi zake Yesu, kawalongela wasanghani wake, 2“Hiyo yuyo Yohana Msingula wanhu; kazuka kwa wafile, kileka hivo mhiko kamba zino zosanghana zolawa kumwake.” 3Kilumbo Herode kakala yamgogile Yohana, kamfunga, kamgela mjela kilumbo cha Herodia sano ja Filipo ndugu yake. 4Chanduso Yohana kamulongela, “Havinogile gweye kumsola yawe sano jako!” 5Aheyo viyalondile kumkoma, kawadumba wanhu, kilumbo wamona Yohana kamba mlaguzi.
6Avija vivikile sikunghulu ya ukuleligwa heyo Herode, biti Herodia kavina ngoma hana iwanhu, kamnogeza Herode. 7Kamulongela, kuno yokiduwila, “Nokugwelela kinhu chochose chondaumhule.” 8Na heyo kakoleleza gaja gayalangukizwe na mamaake, kalonga, “Ningha bahano muna ichano ditwi ja Yohana Msingula wanhu!” 9Aheyo mndewa kagwa kizumbo, komu kandusa kwiduwila hamagutwi ga waja wakalile hamonga na heyo hana gamandiya, kalagiza yenghigwe. 10Katumigwa munhu, kamkanha Yohana iditwi muja mwiyafungigwe. 11Ditwi digaligwa muna ichano, kagwelelwa yuja imndele; kadisola kadigala kwa mamaake. 12Wanahina zake wagenda kuusola uja umtufi, wauzika; womala wachola wampetela Yesu.
Kwegusa wanhu elfu nhano
13Yesu viyahulike higo, kasegela kuyali, kengila mngalawa, kagenda hanhu hali bule na iwanhu hamtibeho; avo wanhu vuwahulike, wamkoleleza na migulu, walawa mviwambo vyawo. 14Yesu kalawilila kajona dale kulu, kawonela bazi, kawahonya iwatamu wawo.
15Vivikile ichungulo, wanahina zake wamgendela walonga, “Ihanhu hano luwala yeka, na zuwa doswa; bita uwapoze iwanhu, wachole mviwambo, wakagule mandiya!” 16Yesu kawalongela, “Habali wachole; wagweleleni mwemwe mandiya!” 17Wamulongela, “Twabule kinhu hano, komu migate mitano na somba wabili.” 18Kalonga, “Ngalileni hano!” 19Kalagiza wanhu wakale muna imilolo, kaisola ija imigate mitano na waja iwasomba wabili, kalola uchana kuulanga, kaimoteza kugela luvimbo, kaimega ija imigate, kawengha wanahina; iwanahina wawengha wanhu. 20Waja wose weguta; waudondola upakapaka usigale, vigelo longo dimwe na vibili vimema. 21Awo wadile wakala wambigalo kamba elfu nhano, halibule watwanzi na wana.
Yesu kachola uchana mbahali
22Mhunde Yesu kawananahiza wanahina zake, wengile mngalawa wayeka, walongole kuloka umwambu, kikomo heyo viyokala yowapoza iwanhu. 23Aheyo viyamalile kuwapoza matinghanilo, kakwena kukigongo hakifiso, kagenda kumpula Tataake. Vivikile ichungulo, kakala hiko yali yeka. 24Aija ingalawa vivikile hagatigati ja ibahali, igazwa nghani na mtibuko wa nghufilo, kilumbo beho dikala na nzingilila. 25Vivikile behi kimilo chekane cha ikilo, Yesu kawagendela, yochola uchana kwa uchana muna ibahali. 26Iwanahina vuwamuwene yobita uchana muna gamazi, wadumba wolonga, “Ajo zezeta!” watowa nyangi kwa woga. 27Mhunde Yesu kedika yowalongela, “Gangamaleni, nene hiyo; sikumdumbe!” 28Petro kamwidika kalonga, “Mndewa, kamba uhawa gwegwe, nongela nize kumwako mmazi!” 29Kamulongela, “Izo!” Petro kalawa mngalawa, kachola uchana mmazi, kuno yomgendela Yesu. 30Bali viyadiwene dibeho kadumba, kasonga kudidimila, katowa lwangi yolonga, “Mndewa, mhonya!” 31Mhunde Yesu kagolosa mkono, kamgoga yomulongela, “Gweye mwene nhamanilo ndodo, habali udumba?” 32Na hewo vuwengile mngalawa, beho dinyamala. 33Awaja wakalile mngalawa wamfugamila mavindi walonga, “Tutogola, aka gweye kwa Mwanage Mulungu.”
34Vuwamalile kuloka, wavika isi ya Genesareti. 35Iwanhu wa ihanhu haja vuwamtangile, walava wanhu wagende ziisi zija zili mmambwegambwega, wamgalila wose wali na utamu. 36Na hewo wamuhembekeza wamkwase uja umusa yeka wa inguwo yake. Awaja wamkwasile wahonyigwa wose.
Currently Selected:
:
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
New Testament in Zaramo © United Bible Societies, 1975.